Безбородов, Михаил Ильич
| Безбородов, Михаил Ильич | |
|---|---|
| Безбородов Михайила | |
.jpg) | |
| Шачема лемоц | Михаил |
| Шачема шиц | 10-це январьста 1907-це кизоня |
| Шачема вастоц | Сире Пиченгуж, Краснослободскяй уездсь, Пензенскяй губерниясь, Российскяй Империясь |
| Кулома шиц | 11 мартста 1935 |
| Кулома вастоц | Сире Пиченгуж, Ельникань районць, Мордовскяй АССР, Кубышевскяй крайсь, РСФСР, СССР |
| Гражданствась | СССР |
| Тевонь тиемац | поэт, сёрмады, драматург |
 Михаил Ильич Безбородов | |
Безбородов, Михаил Ильич (руз. Михаил Ильич Безбородов) (1907—1935) — мокшень валморайсь.
Эряфонь киц
Михаил Ильич Безбородов — мокшень васенце поэтоньке, поэзияньконь ушедыец и цёфксоц. Сонь кайги вайгялец пачкодсь аф аньцек эсь ломаненьконди, лама стихоц-мороц ётафтф рузонь и лия кяльс. Шачсь якшамговть 10-це шистонза 1907 кизоня Сире Пиченгуж велеса (тяни Мордовия республикть Ельникань районць).
Тонафнемац
Тонафнема кармась кафкса кизоса и 1919 кизоня аделазе велень школать ниле кизоста. 1929 кизоня аделазе Саранск ошса совпартшколать.
Покодемац
Покодсь тонафтыкс Пиченгушскяй начальнай школаса, ульсь оцюнякс морафтомань кудса, лама покодсь районнай газетаса.
М.И. Безбородовонь эряфоц аф кувакаль. Сон сязевсь, мзярда теенза топодсь аньцек 28 киза. Кулось эйзюрговть 11-це шистонза. Но нльне тяфтама нюрьхкяня пингста кенерсь тиемс пяк лама. «Морафтома кудса» («В избе-читальне») васенце валморац нолдафоль Од веле газетаса 1927 кизоня.
М.И. Безбородов — перьфпяльть мораец. Сон шназе шачема масторть мазышинц, сонь панжи садонзон, пефтома паксянзон. Поэтсь сидеста нолязень тевс валморосонза («Вирь» — «Лес»), («Луга лангса» — «На лугу») кялень изобразительнай средстватнень, тиемок фкя пингста и пичедема, и кенердема. Сон тяштезень мокшень васенце поэмать — «Ёфкс, кона ульсь» («Сказка-быль», 1929), стихса васенце драмать — «Кафта ширет» («Два лагеря» (1933), ушедозе стихса васенце повестть — «Колма пинкт, или колма морот», конань ашезь кенере аделамс, сёрмадозе аньцек ушетксонц — «Волянкса».
1920-це кизотнень омбоце пялестост сон келиста ушеды няфнемост Мокшэрзянь литератураса творческяй эсь лацонь ширензон.
Нолдаф сёрматфонза
Паксять морасан (1932), Матовсь кяжец (1933), Сочиненият (1939), Сочиненият (1941), Стихт и поэмат (1959), Видиян-сокаян (1990)
Лятфтамат
Литература
- Сочинения, т. 1—2, Саранск, 1939—1941: Стихт и поэмат, Саранск, 1959; в рус. пер. — В родных полях, Саранск, 1947; Стихи и поэмы, Саранск, 1958.
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 644. — 840 с. — ISBN 5-7595-1662-0.
- Маскаев А., М. И. Безбородов, в кн.: История мордовской советской литературы, т. 1, Саранск, 1968; Писатели Советской Мордовии. Библиографический справочник, Саранск, 1958.