Рябов, Анатолий Павлович

Анатолий Павлович Рябов
Анатолий Павлович Рябов
	эрз.: Рябовонь Анатолий
Мзярда шачсь	15 апрельста 1894
Шачема вастоц	Ламбаське[d], Лукояновскяй уездсь[d], Нижегородскяй губерниясь[d], Россиянь империя[d];
Мзярда кулось	23 майста 1938 (44 кизоц)
Коса калмаф	Саранск ошсь, РСФСР, СССР;
Странась	Россиянь империя[d]; СССР;
Научнай сферась	лингвистика
Покодема вастсь	Н. П. Огарёв лемсэ Мордовиянь государственной университет;
Образованияц	Н. Гоголень лемса Нежинскяй государственнай университетсь[d] (1916);
Учёнай лемоц	профессор
Содаф кода	лингвист
	Произведения в Викилисьма

Анато́лий Па́влович Ря́бов (16-це апрельста 1894^[1],Лобаски, Нижегородскяй губерниясь^[2] — 23-це майста 1938, Саранск ошсь ) — эрзянь лингвист, педагог, общественнай тевонь вяти, профессор, эрзянь алфавитть сёрмадыец, конань юрса ащесь латинскя йста сёрмадомась, ульсь репрессировандаф 1938-це кизоня.

Эряфонц колга

Шачсь эрзянь Лобаски велеса^[2]. Шумордазе Починковскяй духовнай училищать, Нежинскяй педагогическяй институтть (1916-це кизоня).

Вятсь филологическяй дисциплинат Омск ошса учительскяй семинарияса, педагогическяй техникумса. 1922—1924-це кизотнень — Нижегородскяй губернскяй образованиянь отделса покодись, 1924—1930-це кизотнень — РСФСР-нь национальнай меньшинствань Советонь Мокшэрзянь бюронь методист, СССР-нь ВС-нь национальностень Советть видеса од алфавитонь Всесоюзнай центральнай комитетонь покодись. Тоса сон аноклазе-ладязе теварьсефксть эрзянь од алфавитть латинскяй юрса (1932).

1934—1937-це кеизотнень — Саранскяень агропедагогическяй институтонь мокшэрзянь кялень кафедрань вятись.

1937-це кизонь ульсь арестовандаф и кизода меле ляцф. Реабилитировандаф 1956-це кизоня.

Научно-исследовательскяй тевонь вятемац

Научно-исследовательскяй теввятеманц ушедозе 20-це кизотнень кучкаста. Ульсь Д. В. Бубрихонь кядяла вятеманц вельде(1927) СССР-нь Наукань Академиянь Васенце лингвистическяй экспедицияса, тонафнесь кизефкснень эрзянь литературнай кялень диалектонь юрть коряс.

30-це кизотнень ушетксса кирдсь соткст Е. Д. Поливановонь профессорть-лингвистть мархта, мезсь вятсь научнай сельмованфонц касоманцты. Синь марса сёрмадсть книга «Систематическая описательная грамматика эрзя-мордовского языка», кона лядсь апак печатлак. Тя книгаста кафта пяльксне ванфневихть Чезхиянь Наукань Академиянь архивса (Прагаса).

Мокшэрзянь кялень наукаса Рябов содаф: «Мордовские окончания 1 и 2 pluralis praesents в безобъектном спряжении», «О мордовских образованиях nomina tewus pluralis типа kile’k „берёзы“» (в сб.: Доклады АН СССР, 1928), «К вопросу об обозначении палатализации в новом алфавите» (в ж.: Революция и письменность, 1932 № 4-5), «Об ударении в эрзя-мордовском языке» (там же), «Итоги языковых конференций Мордовии (1933—1935)» (там же, 1936 № 2) трудонзон коряс.

Сатфксонза мокшэрзянь кялень наукаса

Рябов арьсесь-латцсесь эрзянь литературнай кялень фкя лаца норматнень лангса. Аноклась эрзянь орфографиянь 2 теварьсефкст.

Эрзянь кялень орфографиянь, морфологиянь, терминологиянь кизефкснень коряс доклад и азондома мархта лисендсь корхтама 1-це (1933), 2-це (1934), 3-це (1935) научнай конференциятнень эса Саранск ошса.

Тяфта жа оцбю мяль шарфнесь мокшень и эрзянь школатнень эса кяльхнень тонафнемаснон, и методическяй литератураса максомань-улемань кизефкснень лангс.

А.П. Рябов ськамонза и лиянь мархта сёрмадсть «Валдо чи» руз.: («Светлый день») (1925), «Лисьма пря: Букварде мейле ловнома книга» руз.: («Родник: книга для чтения после букваря») (1926); «Уроки эрзянского языка» учебнай пособия; школьнди тонафнемань книгань — «Эрзянь келень грамматика (Морфология)» — «Грамматика эрзянского языка (Морфология)» (1933), «Эрзянь келень грамматика (Синтаксис)» (1934); кафта кяльса валкснень — «Эрзянь-рузонь валкске» руз.: («Эрзянско-русский словарь») (1930), «Рузонь-эрзянь валкске» руз.: («Русско-эрзянский словарь») (1931).

Саранскяй агропедагогическяй институтса Рябов аноклась и лувсь курс «Тяниень пингонь эрзянь литературнай кяльсь».

Примечания

↑ Информационный листок «Первый мордовский профессор»: к 120-летию со дня рождения А. П. Рябова (неопр.). Дата обращения: 8 апрельста 2015. Архивировано из оригинала 23 мартста 2019 года.
↑ ¹ ² Тяни — Мордовия Республикань Ичалковскяй районць.

Литература

Артамошкина Л. Т. Анатолий Павлович Рябов (1884—1938). — Саранск, 1957.
Объедкин В. Д. А. П. Рябов (к 80-летию со дня рождения) // Сов. финно-угроведение. — 1974. — № 2.
Феоктистов А. П. Из истории мордовской лексикографии (1920—1930) // Сов. финно-угроведение. — 1984. — № 3.
Циганкин Д. В. Анатолий Павлович Рябов // Просветители и педагоги мордовского края. — Саранск, 1986.
Мордовия. Кто есть кто: Энциклопедический словарь-справочник. — Ульяновск, 1997. — С. 354—355.
Мордовские языки: энциклопедия — Саранск: Научно-исследовательский институт гуманитарных наук при Правительстве Республики Мордовия, 2012. — 383 с.

[1] Информационный листок «Первый мордовский профессор»: к 120-летию со дня рождения А. П. Рябова (неопр.). Дата обращения: 8 апрельста 2015. Архивировано из оригинала 23 мартста 2019 года.

[мр-2] ¹ ² Тяни — Мордовия Республикань Ичалковскяй районць.

[1]

[2]