Панжакай

Панжакай — почфста паневи-пидеви мокшэрзянь ярхцамбяль. (лиякс тяка жа ярхцамбяьть лемнесазь каймак, курьгине) – тя модамарьи топа мархта панжада пяряка. Панжакайхнень пицесазь эрзянь ломаттне, мокшетне пицихть кургонят. Синь пяк малат и шарыхть эрзянь панжакайти. Сядонголе мокшэрзятнень ярхцамбяльсна ащесь: шапама кшиста, кона пицевсь пси пянакудса капста лопа лангса, шонгар сура ямксонь ямста, [цецявицянь, снавонь, конат танцтелгофневсть канцёрвайса, тозер почфонь пачатне, конат пицевихть пяк эчкста, пярякатне эрь кодама потма мархта, сяконь лувксса и панжакайсь, кона сяда сидеста пицеви панжада модамарь мархта мичконь шовордафста

Панжакай

Лемть эвондамац

Лиятнень коряс тя пярякать панемста лангоц кадови панжадокс. Сяс и макф тятфтама лем — панжакай. «Панжемс» руз. (Открыть) валть эзда.

Панжакайть анокламац

Мезе эряви панжакайть пидемста^[1]:

почфт — 2–3 стакатт;
лофца — 150 миллилитрат;
оргат — 10 граммт;
шиньжарама вай — 70 миллилитрат;
скалвай— 100 граммат;
модамарь — 400 граммат;
топа — 200 граммат;
алхт — 4;
сахар — шуфтонь 1 куцю
сал — таньфс коря.

Панжакаень пидемась-панемась

Лямбе ловфцти каяма сахар, оргат и 4 куцюфт почф. Семботь лацкас шорямс и путомс лямбе вастс ащема 15-20-шка минутас. Ваткаф модамарьхнень пидемс салыяфтф ведьса. Мзярда модамарьхне пихть, пяярдемс ведть, каямс скал вай, тапамс модамарьть. Каямс топть и кафта алхт. Семботь лацкас шорямс. Лофцса щоряф оргатне ся пингть кеподихть. Меле каяви шиньжарама вай и ал. Сяда тов эряви каямс почфт и ичема ляпе шапакс, кона аф кармай педендема кядезт. Ичф шапаксть эзда кеворямат аф оцю покаряв цюконят. Эрь цюкорть кучкас эчкста путомс модамарень и топонь эзда тиф шовордафксть пеняснон цюкорнятнень эрявихть аф ламода люпштамс. Пачкалгсь вадема вайса и марамат лангозонза панжакать, ютковаст кадондома вастонят, сяс мес пингонь ётазь тя пяряканятне таргозихть. Ланонясна вадендемат верок алса. Марамат или пянакуду сетьме толса или путомат тяда инголе 180 градусс эжтьф духовкас и кирдемат якстерьгодомазост. Пингс коре кирдемат пима вастса 20-25-ша минута. Пидеф панжакайхнень вадендемат псиняста скалвайса. Сембе. Панжамкатне анокт ярхцамс^[2]^[3].

Лятфтамат

Литературась

Мордовская кухня // Мордовия : Энциклопедия : в 2 т. / гл. ред. А. И. Сухарев. — Саранск : Институт гуманитарных наук при Правительстве Республики Мордовия, 2004. — Т. 2 (М—Я). — 704 с.
Мордовская кухня // Культура питания. Энциклопедический справочник / Под ред. И. А. Чаховского. — 3-е издание. — Мн.: «Белорусская энциклопедия имени Петруся Бровки», 1993. — С. 186. — 540 с. — ISBN 5-85700-122-6.

Ссылкатне

[1] Панжакай — Мордовская кухня

[2] Печь и панжакайть: Город - Мослента

[3] Панжакай — Мордовские пироги

[1]

[2]

[3]