Кирюков, Леонтий Петрович
| Леонтий Петрович Кирюков | |
|---|---|
 | |
| Основная информация | |
| Лемоц марнек | |
| Шачема вастоц | Пичевка (Мордовия), Спасскяй уездсь (Тамбовскяй губерниясь), Российскяй империясь |
| Профессиянза | СССР-нь, Россиянь композитор, хоровой дирижёр, музыкальнай педагог |
| Жанратне | хор, опера |
| Казненза |
Мордовской АССР-нь искусствань заслуженнай тевонь тиись (1945) Мордовскяй АССР-нь народнай артист |
Леонтий Петрвич Кирюков (19-це июньцта 1895 — 12-це майста 1965), композитор, хоровой дирижёр, педагог, мордовскяй профессиональнай музыкань ладяйхнень эзда фкясь.
Эряфонь киц
Шачсь тяниень Мордовия Республикань Зубово-Полянскяй райононь Пичевка веленяса.
1-це июльста (13-це июльста од стильть коряс) 1895-це кизоня Пётр Григорьевичень и Анна Никитична Кирюковнень шачсь цёрасна, конань лемдезь Леонтийкс. Идькс пингста ни сон кулендезень мокшень морхнень.
Васенда сон кулхцонкшнезень, а меле морсесь тядянц мархта велень илатнень эса.
Асу цёранять лангс шарфтсь мяль Анаевскяй училищань тонафтысь, С. Ф. Чигин, кона сувафтозе Леонтиень школань хорти. С.Ф. Чигин содафтозе мокшень цёранять профессиональнай музыкать, карзиса морамать мархта, няфтезе нотань грамотать(ru) и лама мезенди лиянди тонафтозе Леонтиень. Тядяц, Анна Никитична Кирюкова ульсь асу народнай мазы вайгяльса морайсь, сонь моронзон пяк мялезонзольхть М. Е. Евсевьевонь, конатнень сон мельганза сёрматкшнезень кагод лангс. Сонь мяленц азоманц коряс 1910-це кизоня 15 кизонь Леонтий поступай Казанскяй учительскяй инородческяй семинарияв (шумордасы 1914-це кизоня).
Мзярда мрдай вели, кармай работама школаса, пуропты велень хор.
1920-це кизотнень покоди дирижёркс Саранскяйса, Пензаса, Москуса.
1931-це кизоня шумордасы П.И. Чайковскяень лемса Москувонь государственнай консерваториять (хоровой дирижированиянь классть)[1], тонафнемада меле мрдай Саранскяи.
Мордовскяй драматическяй театрать(ru) видеса вятезе музыкально-драматическяй студиять, Мордовскяй областной радиовещаниянь комитетса этнографическяй хороти дирижёр, республиканскяй «Дом мордовки» покоди этнографическяй хорть мархта. Кочкай и ладясы-петьсы мордовскяй народнай музыкать(ru), нолдай мокшэрзянь моронь мзярошка кярьмаз.
Л.П. Кирюков Саранскяй музыкальнай училищать ладяец-пуроптыец, коса лама кизот тонафтсь тоса морама тонафнихнень эса. Меле училищась кармась каннема сонь лемонц [2].
Л.П. Кирюков кулось 12-це майста 1965-це кизоня.
Сёрматфонза
- «Литова» (1943) — музыкальнай драма
- «Несмеян и Ламзурь» (1944) — опера
- «Нормальня» руз.: «Клубничка» (1962) — опера
- «Норов ава» (1945) руз.: («Богиня хлеба») — музыкальнай комедия
- «30-летие Октября» — кантат
- «Молодая гвардия» — кантат
- «Тячи праздник — юбилей» руз.: («Сегодня праздник — юбилей») — кантат
Сон автор скрипичнай концертти, мзярошка инструментальнай пьесанди, музыки к театральнай ладяфнень эса , мокшэрзянь сёрмадыхнень стихснон и мороснонлангс музыкань ладяйсь.
Лятфтамат
Ссылкатне
Литературась
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 727. — ISBN 5-7595-1662-0.