М.П. Девятаевонь кудоц-музеец
| Дом-музей М. П. Девятаева | |
|---|---|
 | |
| Тиевома кизось | 8-це майста 1975 кизоня |
| Коса ащи | |
| Адресоц | Мордовия, Торбеева, Октябрьская курось, 29 |
 |
|
М.П. Девятаевонь кудоц-музеец руз.: (Дом-музе́й М. П. Девята́ева) — музейсь, ащи Торбеева ошенди мала эряма вастса. Лемтьф лётчикть-истребительть Михаил Петрович Девятаевонди, кона лия советскяй военнопленнайхнень мархта, тись аф пелиень ворьгодема фашистскяй концентрационнай лагерьста.
Эрямопингсь
Советскяй Союзонь Геройть кудоц-музеец ульсь панчф 8-це майста 1975 кизоня Сяськомань шить 30 кизонц топодеманцты. Музейсь ащи Мордовиянь Торбеева ошенди малады эряма вастса. Лемтьф лётчикть-истребительть Михаила Петровича Девятаевонди, кона, лия советскяй военнопленнайхнень мархта, тись аф пелиень ворьгодема фашистскяй концентрационнай лагерьста.
Музейть паршидонза - 3700 экспонат: сёрмат, фотографият, документт, казнет, Михаил Петровичень сонцень кой-кона вещанза. Башка васта заняйхть уликсне, конатне максфт Европань народонь антифашистскяй освободительнай тюремань музейста, кона пуроптф сядонгольдень Заксенхаузен концлагерьса. Тя курткась, понксне, беретсь, шуфтонь карсембяльхне и китькскав концлагерень пякстафонь робась, локшесь-семихвосткась и капсулатне плхтаф ломанень кулувонь мархта крематориень пянакудста.
1978 кизоста сявомок арась И. Д. Воронинонь лемса Мокшэрзянь республиканскяй краеведческяй музейсь[1].
Кудсь
Ащи шуфтонь кудботмоса вакссонза кирпицста полатф кудмархта, Кудсь-музейсь путф тоза, коса шачсь и эрясь М. П. Девятаев. Шуфтонь кудса сембось ладяф станя, кода эрясть-ащесть сокай-видиень семьятне 1920—1930 кизотнень пингста, вакссонза полатф кудса — экспозиция, кона лемтьф Девятаевонь подвигонцты. Экспонатттнень ёткса — «Заксенхаузен» концлагерьса пякстафонь афкуксонь щапт и карсембяльхть, сёрмат, казнет, фотографят, документт. Войнада меле старшай лейтенантсь Девятаев мрдась Казань ошу, коса эрясь сонь рьвяц Фаина Хайрулловна. Тоса васенцетнень эзда фкясь кармась вятнема «Ракета» теплоходть ведялдонь паця мархта. Сонь капитанонь кителец тожа ванфтови музейса.
Оцю путфкс музейть пуроптомаса тись содаф советскяй журналистсь Василий Песков - Девятаевонь колга очерконь сёрмадысь.
Лятфтамат
- ↑ Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 325. — ISBN 5-7595-1662-0.