Мордовия Республикань Оцюнясь

Рувики лопаста
Мордовия Республикань Оцюнясь
руз. Глава Республики Мордовия
эрз.: Мордовия Республикань Прявт
Coat of arms of Mordovia.svg
Должностьса ащи
Артём Алексеевич Здунов
(аф сембе пинг тевонь пяшкодись 18-це ноябрьста 2020 — 29-це сентябрьста 2021)
2021 кизонь 29-це сентябрьста
Должностсь
Вятьсы Мордовия Республикать
Резиденциясь Саранск ошсь, Республикань кудсь
Назначается кочкаматнень вельде, кочкави республикань эряйхнень видеста вайгялень максомаснон вельде
Полномочиянь пингсь 5 кизот
Эвондась 22-це сентябрьста 1995 -це кизоня
Васенце Николай Иванович Меркушкин
Сайтсь e-mordovia.ru/glava-rm/b…

Мордо́вия Респу́бликань Оцюнясь (руз. Глава Республики Мордовия; эрз.: Мордовия Республикань Прявт) — Мордовия Республикань сембода вяре ащи должностной лицась.

Республикань Оцюнять вастса ащемац и полномочиянза латцевихть Мордовия Республикань Конституциять IV-це главанц мархта[1].

Эрямопингсь

Мордовия Республикань Оцюнянь должностсь сувафтф 1995-це кизоня. Тяда инголе (1991—1993 кизотне) Мордовия Республикань сембода оцю должностной лицакс Мордовия Республикань Президентсь.

22-це сентябрьста 1995-це кизоня Мордовия Республикань Конституционнай Пуромксса Мордовия Республикань Оцюнякс ульсь кочкаф Николай Иванович Меркушкин, кона тяда инголе сатнезе Мордовиянь Государственнай Пуромксонь Председателень вастть.

Тяда меле Н. И. Меркушкин нинге весть кочксевсь Мордовия Республикань Оцюнянь вастти 1998 кизонь 15-це февральста и 2003-це кизонь 16-це февральста сембе народонь кочкаматнень пингста, а стане жа 2005-це кизонь 10-це ноябрьста и 2010-це кизонь 10-це ноябрьста Мордовия Республикань Государственнай Пуромксть вельде Российскяй Федерациянь Президентть представлениянц коряс[2].

2012-це кизонь 10-це майста Николай Меркушкин азсь латта эсь мяль валгоманц колга. 14-це майста Государственнай Пуромксть ветеце тердемань сисемце сессиясонза В. Д. Волков кемокстаф Мордовия Республикань Оцюнянь вастти.

2020-це кизонь 18-це ноябрьста Владимир Волков азсь латта эсь мяль валхтоманц колга. Аф сембе пингс Мордовия Республикань Оцюнянь тевонь пяшкодикс ладяф Артём Здунов.

2021-це кизоня 20-це сентябрьста Артём Здунов сяськсь республикань Оцюнянь кочкаматнень эса, кочкамок 78,26 % кочкаень вайгяль[3], 2021-це кизонь 29-цесентябьста арась Мордовия Республикань Оцюнянь вастти.

Республикань Оцюнять полномочиянза

Республикань Оцюнясь тии-вяти тяфтама полномочият:

  1. пяшкотькшнесыне Мордовия Республикать территорияса ломанть и гражданинть праванзон и свободанзон, законностть и сонь территориясонза правопорядкать;
  2. пяшкотькшнесыне Мордовия Республикань исполнительнай азорондамань оргаттнень Мордовия Республикань Государственнай Пуромксть мархта деятельностьснон координациянц и Российскяй Федерациянь законодательствать мяльс сявондезь вятнемс Мордовия Республикань исполнительнай азорондамань оргаттнень исполнительнай азорондамань федеральнай оргаттнень и синь территориальнай органцнон, местнай самоуправлениянь оргаттнень и общественнай объединениятнень мархта сотрудничендамаснон;
  3. няфнесы Мордовия Республикать государственнай азорондамань федеральнай оргаттнень И Российскяй Федерациянь субъекттнень мархта отношениясонза, а стане жа внешнеэкономическяй соткснень мольфтемста порядкаса, кона азф федеральнай законца;
  4. няфнесы Мордовия Республикань государственнай азорондамань исполнительнай оргаттнень структураснон;
  5. путнесыне и тернесыне Мордовия Республикань полномочнай представительхнень Российскяй Федерациянь государственнай азорондамань оргаттнень эса;
  6. пшкятькшни Российскяй Федерациянь Конституционнай Суду (руз.) (мок. ходатайства мархта сялондоматнень решандамаснон колга Российскяй Федерациянь государственнай азорондамань оргаттнень И Мордовия Республикань Оцюнять ёткса, а Стане жа Мордовия Республикань высшай государственнай оргаттнень ёткса;
  7. няфнесыне Мордовия Республикань Государственнай Пуромксти Мордовия Республикань государственнай азорондамань исполнительнай органонь системать и сонь полафтоманц колга мяльхнень;
  8. пуропнесыне и машфнесыне Мордовия Республикань государственнай азорондамань министерстватнень и лия исполнительнай оргаттнень, латцесыне синь организационнай структураснон и аппаратонь работникнень предельнай лувксснон;
  9. путнесы Мордовия Республикань Государственнай Пуромксть мархта согласованияс Мордовия Республикань Правительствать Председателенц и нолдасы сонь должностть эзда;
  10. путнесыне Мордовия Республикань Правительствать Председателенц полафтыензон Мордовия Республикань Государственнай Пуромксть мархта согласованияс, министрхнень и Мордовия Республикань государственнай азорондамань исполнительнай органонь лия вятихнень, а стане жа валхнесыне должностть эзда вяре азф должностной лицатнень;
  11. примсесы Мордовия Республикань Правительствать Председателенц, Мордовия Республикань Правительствать Председателенц полафтыензон и Мордовия Республикань Правительстваса лия ащиензон эсь мяльс коре валгомаснон;
  12. лия мялень кочкама решениянь прняндамаса Мордовия Республикань Правительствать валхтомаса;
  13. лия мялень кочкамась кучсеви муниципальнай образованиянь оцюнянь должностьса ащить эзда, тястоконь администрациянь оцюнятнень эзда ся случайста, конат ладяфт федеральнай законть вельде;
  14. валхнесыне мордовия Республикань Правительствать постановлениянзон и распоряжениянзон, кда синь каршекондайхть Российскяй Федерациянь Конституцияти, федеральнай законодательствати, Мордовия Республикань Конституцияти, Мордовия Республикань закоттненди, Мордовия Республикань Оцюнять нормативнай правовой актонзонды;
  15. одукс ладясы Мордовия Республикань Государственнай пуромксть покодемаса улемать совещательнай вайгялень правань мархта;
  16. ули законодательнай инициативань правац Мордовия Республикань Государственнай Пуромксса;
  17. тяшкстасыне и лихтьсыне лангти Мордовия Республикань закоттнень;
  18. аерфнесыне закононзон, конат примафт Мордовия Республикань Государственнай пуромксть вельде, тяконь лувксса Мордовия Республикань Конституцияти полафтксонь сувафтомать колга закоттнень;
  19. путнесыне Мордовия Республикань Центральнай избирательнай комиссиянь члеттнень порядкаса, кона ладяф федеральнай законть и сонь мархтонза примаф Мордовия Республикань законть коряс;
  20. пшкятькшни Мордовия Республикань Государственнай Пуромксти Мордовия Республикаса положениять колга эрь кизонь кучеманзон мархта;
  21. нолдасы Мордовия Республикань Государственнай Пуромксса мзярда:
    • Мордовия Республикакань Конституциянь прняндамась Мордовия Республикань Государственнай Пуромксть вельде, Мордовия Республикань законть, лия нормативнай правовой актонь, карщек ащи Российскояй Федерациянь Конституцияти, федеральнай закоттненди, конат прняндафт Российскяй Федерациянь предметтнень вятемаснон и Российскяй Федерацииянь и Мордовия Республикань марстонь предметонь вятеманон коряс, Мордовия Республикань Конституциянь, кда тяфтама каршек ащематне ладяфт соответствующай судть вельде, а Мордовия Республикань Государственнай Пуромкссь ашезень уряда синь кота ковонь ётазь судебнай решениять вийс сувамань шить эзда сявомок;
    • кда соответствующай судть вийс сувай решениянц коряс ладяф, што правомочнай составса кочкаф Мордовия Республикань Государственнай пуромкссь мельцек колма ковоньберьф ашезь етафне заседания;
    • кда соответствующай судть вийс сувай решениянц коряс ладяф, што правомочнай составса одукс кочкаф Мордовия Республикань Государственнай Пуромкссь колма ковонь пингста сонь кочкамдонза меле ашезь етафне заседания;
  22. няфтьсыне Мордовия Республикань Государственнай пуромксу Мордовия Республикань республиканскяй бюджетонь проектть и сонь пяшкодеманц коряс отчётть;
  23. няфтьсыне Мордовия Республикань Государственнай пуромксу эрь кизонь отчёттнень Мордовия Республикань Правительствать тевонь тифонзон, сяконь лувксса кизефкснень коряс, конатнень путзень Мордовия Республикань Государственнай Пуромкссь;
  24. няфтьсыне Мордовия Республикань Государственнай пуромксу Мордовия Республикань социально-экономическяй программань проекттнень Мордовия Республикань социально-экономическяй касоманц колга и синь пяшкодемаснон колга отчёттнень;
  25. ладяй Российскяй Федерациянь Федеральнай Пуромксонь Федерациянь Совету ломань исполнительнай азорондайхнень эзда и лоткафтсыне сонь полномочиянзон федеральнай законть ладяфксонзон коряс;
  26. сувафни Мордовия Республикань Государственнай Пуромксу Мордовия Республикань ломанень праватнень коряс Уполномоченнайть должностенцты кандидатура, а стане жа ащема вастста сонь валхтоманц колга представления;
  27. казенди Мордовия Республикань государственнай казнет, максси Мордовия Республикань почётнай лепт;
  28. кемрксни казнет, конат аф сотфт Мордовия Республикань государственнай казнетнень мархта;
  29. пуропты Мордовия Республикань Оцюнянь Администрация;
  30. кемокснесы ладяфксть Мордовия Республикань Оцюнять Резервнай фондонц колга;
  31. латцесыне Мордовия Республикиань карьхцямань обязательстватнень, конатнень ладямасна апак сотфт Мордовия Республикань Государственнай Пуромксонь компетенциятнень мархта и Мордовия Республикань Правительствать федеральнай закоонзон и Мордовия Республикань закононзон вельде;
  32. ули правац нолдамс тевс эрявикс пингста согласительнай процедурат;
  33. нолни тевс лия полномочият, конат максф видезонза федеральнай законттнень вельде, Мордовия Республикань Конституциять вельде и Мордовия Республикать закононзон вельде;

Мордовия Республикань Оцюнянь лемлувкссь

№ Республикань Оюнясь Полномочиянь пингсь Партийностсь
1 Николай Иванович Меркушкин 1995-це кизонь22-це сентябрьста сявомок 2012-це кизонь10-це майти самс КПСС КП РСФСР (1973—1991)-це кизотне Единай Россия (2003-це кизоста сявомок тячиень пингс)
2 Владимир Дмитриевич Волков аф сембе пингс тевонь тиемань пяшкодись 2012-це кизонь 10-це майста сявомок 14-це майти самс
2012-це кизонь 14-це майста сявомок 2017-це кизонь 12-це апрельти самс;
аф сембе пингс тевонь тиемань пяшкодись 2017-це кизонь 12-це апрельста сявомок 19-це сентябрти самс
2017-це кизонь 19-це сентябрьста сявомок 2020-це кизонь 18-це ноябрти самс 		КПСС (1991-це кизоти самс), Единай Россия
3 Артём Алексеевич Здунов 2020-це кизонь 18-це ноябрьста — 2021-це кизонь 29-це сентябрьста
2021-це кизонь 29-це сентябрьста сявомок 		Единай Россия


Лятфтамат

  1. ↑ Официальный портал Правительства Республики Мордовия (рус.). e-mordovia.ru. Дата обращения: 21 февральста 2026.
  2. ↑ Отмена прямых губернаторских выборов в России. Избератель.ru. Дата обращения: 19 февральста 2026.
  3. ↑ Здунов победил на выборах главы Мордовии. Дата обращения: 10 февральста 2026. Архивировано 20 сентябрьста 2021 года.
Сявф"https://mdf.ruwiki.ru/w/index.php?title=Мордовия_Республикань_Оцюнясь&oldid=417832"-ста