Мордовия Республикань Государственнай Пуромкссь

Рувики лопаста
Государственное Собрание Республики Мордовия
Мордовия Республикань Государственнай Собраниясь
эрз.: Государственной Собраниясь Мордовия Республикань
VII тердемась
Изображение логотипа
Тип
Типсь Фкя палатаста ащи парламентсь
Вятихне
Председательсь Владимир Васильевич Чибиркин, Единай Россия
15-це декабрьста 2011
Структура
Ащихне 48
2021 Mordovian legislative election diagram.svg
Фракциятне
  •      Единай Россия (42)
  •      КПРФ (3)
  •      ЛДПР (2)
  •      СР (1)
Кочкаматне
Вайгялень максомань системась шовордаф
Последние выборы 19 сентябрьста 2021-це кизоня
Зал заседаний
Дом Советов 1.jpg
Советонь кудсь (Саранск ошсь, Советскяй курось, 26)
gsrm.ru

Мордовия Республикань Государственнай Пуромкссь (руз. Государственное Собрание Республики Мордовия, эрз.: Государственной Собраниясь Мордовия Республикань) — 1995-це кизоста сявомок Мордовия Республикань государственнай азорондамань сембода оцю законодательнай (представительнай) органць.

Вятеви кизефксне

  1. Мордовия Республикань Конституцияв полафтксонь сувафтоматне;
  2. Мордовия Республикань Конституциять и Мордовия Республикань закоттнень Российскяй Федерациянь Конституцияти и федеральнай закоттненди ладяфста ащемась;
  3. законодательнай инициативать эряфс ётафтомац Российскяй Федерациянь Федеральнай Собраниянь Государственнай Думаса;
  4. Российскяй Федерациянь Конституционнай Суду пшкядемась;
  5. Мордовия Республикань закоттнень ванфтомаснон и пяшкотькшнемаснон мельге контрольть лия уполномоченнай органонзон мархта ряцок ётафтомац;
  6. законодательнай латцемась Мордовия Республикань кизефкснень коряс вятемась и Российскяй Федерациянь и Российскяй Федерациянь субъектонь предметтнень марстонь вятемань Мордовия Республикань полномочиянзон видеса;
  7. Мордовия Республикань Конституциянц и Мордовия Республикань закононь шарьхкотьфтемась;
  8. законодательнай регулированиясь владениянь кизефксонь, тевс мольфтемась, распоряжениясь и управлениясь объекттненьлангса, конат ащихть Мордовия Республикать кядяла;
  9. законодательнай, исполнительнай властень республиканскяй оргаттнень организовандамань, формированиянь и деятельностень порядкаснон, а стане жа Мордовия Республикать территорияса тястоконь самоуправлениянь оргаттненди кочкамань ётафтомань порядкать ладямац;
  10. налогонь и кочкамань ладямась, конатнень ладямасна аноклаф федеральнай законтть вельде Российскяй Федерациянь субъекттнень вятемаснон, а тяфта жа синь эздост сявомань порядкась;
  11. Мордовия Республикань Оцюнять няфтеманц коряс Мордовия Республикань бюджетть кемокстамац, сонь полафнемац и отчётть сонь тиеманц колга;
  12. контролень вятемась Мордовия Республикань бюджетть пяшкодеманц мельге, Мордовия Респбликань территориальнай государственнай аф бюджетнай фонттнень, ладяф порядкань Мордовия Республикань собственность карьхцяманц пяшкодеманц мельге;
  13. Мордовия Республикань Оцюнять няфтьфонц социально-экономическяй программань кемокстамась;

Мордовия Республикань Центральнай избирательнай комиссияса ащиень ладямась сянь коряс, кода мярьгови федеральнай законть коряс и сонь вельденза Мордовия Республикань закононь прняндамась;

  1. Российскяй Федерациянь гражданинти Российскяй Федерациянь Президентть представлениянц коряс максовихть Мордовия Республикань Оцюнять полномочиянза или российскяй Федерациянь Президентть мархта максф кандидатурать атказамац, штоба максомс Мордовия Республикань Оцюнять полномочиянзон;
  2. Мордовия Республикань референдумонь ладямась;
  3. Мордовия Республикань Государственнай пуромксу кочкамань пингонь ладямась;
  4. Мордовия Республикань Государственнай Пуромксонь Председателень кочкамась, сонь полафтыензон и вастста синь валхтомасна;
  5. Мордовия Республикань Государственнай пуромксть Советонц кочкамац и потмосонза полафтксонь сувафтомась;
  6. Мордовия Республикань Государственнай Пуромксонь комитетонь и комиссянь пуроптомась и синь ёткозост депутатонь кочкамась;
  7. Мордовия Республикань Государственнай Пуромксонь комитетонь председателень и комиссиянь кочкамась и вастста синь валхтомасна;
  8. кизефксонь решандамась пингта инголе депутатонь полномочиянь лоткафтомась;
  9. кизефксонь решандамась Мордовия Республикань Государственнай пуромксонь пингта инголе полномочинь лоткафтомась;
  10. Мордовия Республикань законть вельде Мордовия Республикань исполнительнай органонь государственнай азорондамань системань ладямась ;
  11. Мордовия Республикань оцюнянь представлениянц коряс фкя мяльса арамань кандидатурань ладямась Мордовия Республикань Правительствань Председателень должностьс путоманкса;
  12. Мордовия Республикань Оцюнянь представлениянц коряс фкя мяльса арамань Мордовия Республикань Правительствань Председателень полафтыень кандидатурань ладямась;
  13. Мордовия Республикань закононь кемокстамась и договоронь лоткафтомась закононь вельде;
  14. кизефксонь решандамась аф кемамать колга Мордовия Республикань Правительствань Председательти, Мордовия Республикань Правительствань Председательть полафтыензонды;
  15. кизефксонь решандамась Мордовия Республикань оцюняти аф кемамась;
  16. Российскяй Федерациянь Генеральнай прокурорть мяленц коряс Мордовия Республикань прокуроронь должностьс путомань кандидатурать фкя мяльс самась;
  17. Мордовия Республикань мировой судьянь вастти путомась;
  18. марстонь юрисдикциянь федеральнай судонь народнай заседателень марстонь лемлувксонь кемокстамась;
  19. Мордовия Республикань административно-территориальнай устройствань вятемась;
  20. кизефксонь решандамась, конат сотфт Мордовия Республикань масторкитьксонзон полафтомаснон коряс;
  21. Мордовия Республикань государственнай наградань ладямась, Мордовия Республикань почётнай лемонь ладямась;
  22. Российскяй Федерациянь Федеральнай Пуромксонь Федерациянь Совету представительть законодательнай азорондамать эзда кочкамац и сонь полномочиянзон лоткафтомасна ся порядкаса, кона ладяф федеральнай законца;
  23. федеральнай законть коряс ладяфксонь тястоконь самоуправлениянь представительнай органонь срафтомась;
  24. должностьс путомац и должностьста валхтомась Мордовия Республикаса ломанень правань коряс Уполномоченнайть Мордовия Республикань Оцюнять няфтеманц коряс;
  25. лия полномочиянь пяшкодемась Российскяй Федерациянь Конституциять (руз.) (мок., федеральнай закоттнень Мордовия Республикань Конституциять и Мордовия Республикань закоттнень путомасна Мордовия Республикань Государственнай Пуромксть лангс[1].

Составсь

Ащи 48 депутатста, кит покодихть, кода фалу, аф фалу ащема пингть.

Этническяй составсь

Источниксь[2]

Этносне I-це тердемась II-це тердемась III-це тердемась созыв
лувкссь % лувкссь % лувкссь %
Мокшэрзятне 30 39,5 29 38,2 11 21,6
Русне 36 47,4 40 52,6 32 62,7
Татархне 6 7,9 5 6,6 4 7,8
Украинцне 3 3,9 1 1,3 2 3,9
Башкирхне 1 1,3 - - - -
Чувашшне - - 1 1,3 - -
Сембоц 76 - 76 - 51[3] -

Кочкаматне

МССР-нь Верховнай Советть Постановлениянц коряс 1993-це кизоня 22-це октябрьста «Мордовскяй ССР-са азорондамань государственнай оргаттнень и местнай самоуправлениянь оргаттнень реформаснон колга» и Мордовия Республикань 17-це февральста 1994-це кизонь Законць «Мордовия Республикань Государственнай Пуромксонь депутатонь кочкаматнень колга» 1995-це кизоста сявомок, Мордовия Республикань властень высшай представительнай и законодательнай органкс арась Мордовия Республикань Государственнай Пуромкссь[4].

27-це ноябрьста 1994-це кизоня — Государственнай Пуромксонь васенце тердемань депутатонь кочкамась.

19-це декабрьста 1999-це кизоня — Государственнай Пуромксонь омбоце тердемань депутатонь кочкамась[4].

2003-це кизонь декабрьста — Государственнай Пуромксонь колмоце тердемань депутатонь кочкамась[4].

2007-це кизонь декабрьста — Государственнай Пуромксонь нилеце тердемань депутатонь кочкамась[4].

Нилеце тердемань Государственнай пуромксу кочкаф 48 депутат, 34 эздост — омбоцеда. 7 депутатсь покодихть фалу ащезь. 48 депутатть эзда 6 — ават (12,5 %), 42 — алят (87,5 %). Сембе депутаттнень ули высшай образованиясна, 8 депутатть ули наукань кандидатонь степеньцна, вете депутаттнень — наукань докторонь степеньцна[4].

Депутаттне кизос коре:

  • 1 депутат —40 кизоти самс[4];
  • 12 депутат — 40 кизоста сявомок 50 кизоти самс;
  • 21 депутат —50 кизоста сявомок 60 самс;
  • 14 депутат— 60 кизода сире.

Вятихне

1995-це кизонь 24-це январьста Государственнай Пуромксонь васенце Председателькс ульсь кочкаф Н. И. Меркушкин, кона пингонь ётазь кадозе эсь вастонц Мордовия Республикань Оцюнянь вастти кочкаманц инкса. 1995-це кизоня Государственнай Пуромксонь Председателькс ульсь кочкаф В. А. Кечкин, кона ащесь тя вастса 2010-це кизонь 18-це февральти самс[4] В. А. Кечкинонь куломда меле Государственнай Пуромксонь Председателень тефнень пяшкодема кармась вятемост В. В. Конаков.

Лятфтамат

  1. ↑ Согласно Конституции Республики Мордовия
  2. ↑ Списки депутатов Государственного Собрания Республики Мордовия 1-5 созывов. Дата обращения: 19 февральста 2026.
  3. ↑ Двое не указали национальность
  4. ↑ 1 2 3 4 5 6 7 Конституция Республики Мордовия (принята 21 сентября 1995 г.) (с изменениями и дополнениями) (рус.). Конституция РФ. Дата обращения: 24 февральста 2026.

Ссылкатне

Сявф"https://mdf.ruwiki.ru/w/index.php?title=Мордовия_Республикань_Государственнай_Пуромкссь&oldid=418321"-ста