Мокшэрзянь кялень шись
| Мокшэрзянь кялень шись | |
|---|---|
 | |
| Типсь | Народнай ила |
| Официальна | руз. День мордовских языков мокшекс Мокшэрзянь кялень шись эрз.: Покш чи |
| Ётафневи |
Мордовия Республикаса и Россиянь лия регионга  Мордовия |
| Датась | 16-це апрельста |
| Сотф | мокшэрзянь лингвистть, педагогть, общественнай тевонь вятить А.П Рябовонь шачема шинц мархта |
Мокшэрзянь кялень шись руз. День мордовских языков — кемокстаф-ладяф 1993-це кизоня А. П. Рябовонь эрзянь кялень идемань фондонц вельде мокшень и эрзянь кяльхнень ванфтомаснон, ширеснон кирдемаснон и сяда тов касомаснон-вииямаснон инкса кода региононь государственнай кяльхнень. Васьфневи эрь кизоня 16-це апрельста мокшэрзянь лингвистть, педагогть, общественнай тевонь вятить Анатолий Павлович Рябовонь шачема шистонза. Фундаментальнай юркс, кона максы народти видексши шачема кяльть ванфтоманцты и условянь ладямат сонь тонафнеманцты и касоманцты-виияманцты, ащи Мордовия Республикань законць − Мордовия Республикать Конституцияц, коса кемокстаф, што мокшень и эрзянь кяльхне ащихть мокшэрзянь народть национальнай самосознаиясонза юркс. Мокшень и эрзянь кяльхне серцек рузонь кяльть мархта – Мордовия Республикать государственнай кяленза [1]. Нароттне, синь культурасна и ладяф коенза – тя Россиять козяшиц. И мокшэрзятне – тя козяшить пялькссна.
16-це апрельста эрь кизоня Россиянь сембе уженятнень эзга, коса марс пуропфтста эряйхть мокшэрзятне, ётафневи-васьфневи Мокшэрзянь кялень Всероссийскяй шись. Мордовия Республикать ковгярьксса кафта илань улемась - Рузонь кялень и Мокшэрзянь кялень шитне — ащихть нфтема вастокс фкя-фкянь мархта ялгафтомать и мялень ваномать марса эряй кафта нароттнень ёткса.
Социолингвистикась
Мокшень и эрзянь кяльхне сувсихть уральскяй кялень семьять лувксс; кандовихть финно-угорскяй тарадти и (гипотетически) финно-волжскяй группати. Мокшень литературнай кяльть юрса ащи краснослободско-темниковскяй диалектсь, эрзянь кялень литературнай кяльть юрса ащи – центральнай диалектсь. Мордовия Республикаса мокшетнень и эрзянь марстонь лувкссна мекольце 2021-це кизонь Всероссийскяй эряйхнень одукс сёрмадомань лувксснон коряс пачкодсь 484450 ломань [2] Мокшень и эрзянь кяльса Мордовия Респукбликада башка тятфта жа корхтайхть Пензенскяй, Рязанскяй, Тамбовскяй, Саратовскяй, Нижегородскяй, Ульяновскяй, Оренбургскяй и лия областева, а тяфта жа Татарстанца, Башкортостанца, Сибирьса и Дальняйй Востокса, Россиянь и омба масторонь кой-кона странатнень эса.
Эрямопингсь
Васенцеда мокшэрзянь кялень шись Мордовия Республикаса васенцеда ульсь васьфтьф 1993-це кизоня 2010-це кизоста сявомокилась получась Всероссийскяй статус. Сонь инь оцю вешфксоц — российскяй нациять кемокстамац, нациятнень ёткса сотксонь гармонизациять, нациятнень ёткса сетьмошить и ялгафтомать пяшкодеманц ладяманц. Мокшэрзянь кялень шиня Сарансяйса – Мордовиять пря ошсонза – и сембеобразовательнай и культурно-просветительскяй организациятнень эса муниципальнай районга ётафневихть научнай и культурно-массовай мероприятият: конференцяти, васедемат, фестивальхть, концертт, налхкомат, пялькстомат и стак тов.
2024-це кизоня Мокшэрзянь кялень шить келиста васьфтезь «Россия» выставкаса-форумса[3]
Всьфневомась
Тя шинь васьфневомань койть кирьдеви ширец государственнай сереса. Организационнай комитетсь кизоньберьф вяти анокламат эрь кодама тевонь ётафтомать коряс, конат лемтьфт Мокшэрзянь кялень шити. Тя шити анокламась ушеды 16-це апрельда ламода сяда инголе, ётафови аф фкя тев Мордовия Республикань образовательнай организациятнень и культурань учреждениятнень эзга, конатнень ёткса научно-практическяй конференцият, форупт, чтеният, просветительскяй фестивальхть, пялькстомат шачема кяльса стихонь лувихнень ёткса и викторинат студенттнень и школьникнень ёткса. Латцевихть родной кяльса книгань выставкат, ладяф койть коряс лама тиендеви тя шить лемс Мокшэрзянь народть межрегиональнай общественнай организациять кядвидеса, А.С. Пушкинонь лемса Национальнай библиотекать видеса [4], Мордовия Республикань школава, Культурань центрава. Шумбрандафтомась кода фалу ушеткшни торжественнай пуромкса Мокшэрзянь национальнай театраса [5], коса казендевихть оцю казнет Мордовия Республикань Оцюнять эзда культураса покодихнень, педагокненди, пэрь кодама пялькстомаса сяьскихненди и улихненди, конат ётафтфт Мокшэрзянь кялень шить лемс. Кенярдемась шумордави праздничнай концертса, коза сашендыхть Мордовскяй государственнай филармониянь артисттне, фольклорнай и самодеятельнай коллектфне.
Ванк нинге
- Мокшень кяль
- Эрзянь кяль
Лятфтамат
- Закон Республики Мордовия "О языках народов, проживающих на территории Республики Мордовия" статья ….
Литературась
- Евсевьев М. Е. Основы мордовской грамматики. — М., 1928; Очерки мордовских диалектов : в 5 т. — Саранск, 1961—1968;
- Кузнецов С. К. Русская историческая география. Мордва. — Курс лекций, читанных в 1908-09 уч. году в Московском археологическом институте. — М.: Издательство А. И. Снегиревой, 1912. — 74 с.
- Орнатов П. Мордовская грамматика, составленная на наречии мордвы-мокши. — М., 1838;
- Шахматов А. А. Мордовский этнографический сборник. — СПб., 1910;
- Феоктистов А. П. Очерки по истории формирования мордовских письменно-литературных языков (ранний период). — М., 1976;
- Грамматика мордовских (мокшанского и эрзянского) языков. Фонетика и морфология. — Саранск, 1962. — Ч. 1;
- Грамматика мордовских языков: Фонетика, графика, орфография, морфология. — Саранск, 1980;
- Лексикология современных мордовских языков. — Саранск, 1983;
- Современные мордовские языки. Фонетика. — Саранск, 1993;
- Мокшень кяль. Морфология. — Саранск, 2000;
- Эрзянь кель. Морфология. — Саранск, 2000;
- Budenz J. Moksa- és erza-mordvin nyelvtan // Nyelvtudományi közlemények. — Budapest, 1876. — Bd. 13;
- Paasonen H. Mordwinische Lautlehre. — Helsingfors, 1903;
- Keresztes L. Geschichte des mordwinischen Konsonantismus. — Szeged, 1986—1987. — Bd. 1—2.