Маризь Кемаль

Рувикиса улихть статьят лия ломанень колга, конань фамилияц Кемайкин.

Маризь Кемаль
Лемоц	Раиса Степановна Кемайкина
Шачсь	13-це августста 1950-це кизоня(1950-08-13) (74 кизоц)
Шачема вастоц	Вишка Маризь[d], Чамзинкань район, Мордовскяй Автономнай Советскяй Социалистическяй Республикась[d], РСФСР, СССР
Гражданство (подданство)	СССР  Россия
Тевтиемань родсь	поэтесса, публицист, учительница
Маризь Кемаль

Маризь Кемаль (афкуксонь лемоц Раиса Степановна Кемайкина;( 13-це августста 1950-це кизоня(1950-08-13) (74 кизоц), Вишка Маризь^[d], Мордовскяй Автономнай Советскяй Социалистическяй Республикась^[d]) шачсь 1950) — эрзянь поэтесса, писательница, публицист, педагог, общественнай тевонь вяти, машты сёрмадома эрзянь сёрмат. Россиянь Писателень союзу сувафтф 1996 кизоста сявомок.

Эрямфонь киц

Кемайкина, Раиса Степановна Мордовия Республикань Чамзинскяй райононь Вишка Маризь руз.: (Малое Маресево)эрзянь велеса, сокаень-видиень семьяса.

1965 кизоня шумордазень кафкса класснень шачема велень школаса. Меле кафта кизот тонафнесь средняй школаса Покш Маризь велеса руз.: Большое Маресево. Меле шумордазе Н.П. Огарёвонь лемса Мордовскяй государственнай университетонь филологическяй факультетть, получамок квалификация рузонь кялень и литературань тонафты. 1972 - 1975 кизотнень покодсь тонафтыкс эсь шачема велесонза. Эсь предметтонза башка вятезе немецень и эрзянь кяльхнень. Тяда башка эрзянь кялень урокнень вятезень мяльфтома: сон ашезь тонафне национальнай отделенияса.

Мрдамок Саранскяи, покодсь «Эрзянь правда» газетаса корректоркс. Тя тевсь арась теенза оцю лездыкс: Раиса Степановна педа пес сотовсь шачема кяленц мархта и сяда тов ётась газетать культурань отделозонза, конань вятезе эста Г. П. Ласкин. Кизонь ётазь кармась покодема партийнай эряфонь отделса, Н. М. Симдяновонь кядяла. Васенце стихонза лиссть 1980 кизоня.

Сяда тов эсь покодеманц вятезе Мордовия Республикань А.С. Пушкинонь лемса национальнай библиотекаса.

1985 кизоста сявомок 1988 кизоти самс — «Сятко» литературнай журналтса поэзиянь отделть вятиец, 1989 кизоста сявомок – «Чилисема» эрзянь кяльса идень журналть ответственнай секретарец.

Владимир Ромашкин ("Торама") и Маризь Кемаль ("Ламзурь"), озафт марса

Произведениянза

«Сятко» журналть 1980 кизонь августонь номерса ульсь печатлаф «Эйкакшчинь лавсь» руз.: «Колыбель детства»)( стихотворенияц, сяда тов журналса кармасть сидеста лисендема сонь сёрматфонза. Сонь фалу ульсь од литераторонь эрь кизонь семинархнень эса.

1987 кизоня лиссь «Маней васолкст» руз.: («Ясные дали») ниле авторонь марстонь кярьмаз, коза тяфта жа сувасть сонь лама стихонза. 1988 кизоня Мордовскяй книжнай издательствась нолдазень сонь стихонзон васенце кярьмазонц «Лавсь» руз.: («Колыбель»). Коса вярьгок вастса ащи идькс пингть и од пингонь кизотнень колга азондомась.

«Штатол» руз.: («Свеча») (1994) стихонь омбоце кярьмазоц, азонды поэтессать эряфть колга философскяй арьсеманзон, эрзянь народть шкайгинц и эсь и национальнай потмоёженц колга. Тяза сувасть стихонза и поэмац «Мон — эрзян!» руз.: («Я — эрзя!»), конатнень эса сон няеви кода шарьхкоди и кеме ванфкс мархта эрзява.

Фольклорть лама кизот тонафнемац вятсь очерконь кярьмазть эвондаманцты «Сынь ульнесть эрзят» руз.: («Они были зрзянами») очерконь кярьмазть и «Ёвксонь кужо» руз.: («Сказочная поляна») эрзянь народть содаф ломанензон колга книгать эвондамаснонды.

1998 кизоня сонь стихонза лиссть «Ниле ават — ниле морот» руз.: («Четыре женщины — четыре песни» книгаса, (книгась нолдаф Таллиннца).

Поэтессать ламоц произведениянзон ёткста фкясь «Степан Эрьзя марто кортнема»руз.: («Разговор со Степаном Эрьзей» (1998), тя аф оцю стихотворениясь лемтьф сембе масторлангса содаф скульпторти Степан Эрьзянди (Нефёдовонди), коса китькстави прябалась культурнай паршить и эрзянь нациять шкайгинц юмафтомац.

Эрзянь озондома "Раськень озкс" и ритуальнай Штатол

Общественнай тевонь вятемац

1989 кизоня арась «Масторава» культурно-просветительскяй пуромксть пуроптыензон эзда фкясь, а тяфта жа теенза секретарькс.

1993 - 1997 кизотнень — «Эрзява» авань движениять пуроптыец и вятиец, пуропты «Ламзурь» самодеятельнай фольклорно-этнографическяй ансамбль, коса покодемась мольфтевсь «Торама» ансамбльть пуроптыенц Владимир Ромашкинонь лезксонц вельде. Тя пингонь статьянза токсесазь кялень прябалатнень, этническяй самосознаниять, народть коензон. Ушеды печатлакшневома «Эрзянь Мастор» газетаса.

Улемок эрзянь неоязыческяй движенияса, вятезень одукс эреклаф васенце озондомань койхнень, сяконь лувксса «Раськень Озкс».

Христианствать лувсы эрзятненди «арьсф и вийхца эцеф» религиякс: «Тейнек эряви аф нальхксемс кемамать мархта, а озонкшнемс эсь шкаеньконди, эста минь и минь народоньке улихть идефт; минь мяльёженьке афкукс мрдай стаконь кемамати; минь тага карматама улема перьфпяльти и космости пяльксокс, сяьсксаськ вийхца максф, арьсеф христианствать». Кода лятфнезе сонць Кемайкинась, эсь обрядонзон эса теенза эрявсь тиендемс импровизация. Социологическяй докторть О.А.Богатовать, мяленц коряс тиеви ритуально-символическяй комплексонь «оду арьсема-ладяма».

[[File:Mariz Kemal with his new book 2019-11-27, AZORAVA.jpg|thumb|Маризь Кемаль эсь книганц мархта "В шесть рядов рубашка вышита" руз.: «Кота рядса панарсь сёрматф»

Эрзянь сёрматнень тиемаснон маштысь

Эрзянь койхнень тонафнемаснон вельде содафты Мордовияса содаф эрзянь сёрмань тиема маштыть Игнатьева Людмила Фёдоровнать мархта, 1991 кизоста сявомок, Россиянь Художниконь союзу сувафть. Сонь эздонза тонафни эрзянь сёрмань тиема. 2019 кизоня лиси книгась «Котова таргазь монь палям...» руз.: («В шесть рядов рубашка вышита»), коса Маризь Кемаль авторхнень ёткса лятфнесы эсь тонафтыенц, тянь мархта сюконяй эряфста туф ни сёрмадома маштыти. Книгаса сёрмадови-азондови кода и мезьста тиеви национальнай сёрмадомась, няфтьфт фотоматериалхт.

Лятфтамат

Ссылкатне

• Маризь Кемаль // ЭРЗИАНА: эрзянский литературный сайт
• Маризь Кемаль // Библиотека литературы Мордовии