Ямашкин, Анатолий Александрович

Анатолий Александрович Ямашкин
Анатолий Александрович Ямашкин
Мзярда шачсь	30-це июньцта 1956-це кизоня (70 кизоц)
Шачема вастоц	Отрадное[d], Чамзинкань район, Мордовскяй АССР[d], РСФСР, СССР;
Странась	СССР; Россия;
Научнай сферась	ландшафтоведениясь, географиясь
Покодема вастсь	Н. П. Огарёвонь лемса Мордовскяй государственнай университетсь;
Образованияц	Н. П. Огарёвонь лемса Мордовскяй государственнай университетсь (1979);
Учёнай степенец	географиянь наукань доктор[d]
Учёнай лемоц	профессор (2002)
Научнай руководитель	Б. И. Кочуров, А. А. Макунина
Содаф кода	Мордовия Республикань атласть тииец
Казненза и премиянза
Автографоц

Анато́лий Алекса́ндрович Яма́шкин (Шачсь 30-це июньцта 1956-це кизоня, Отрадное^[d], Мордовскяй АССР^[d]) — советскяй и российскяй ландшафтовед и географ. Географическяй наукань доктор, профессор. Сувси Рузонь географическяй обществав (руз.) (мок. и ащи оцюнякс Рузонь географическяй обществань отделенияти Мордовия Республикаса. Мордовия Республикань наукань заслуженнай деятель, Российскяй Федерациянь Заслуженнай географ.

Содаф кода Мордовия Республикань атласонь редакционнай коллегиянь председатель и тя изданиянь идеолог. Лувондови специалистокс территориянь ландшафтнай планированиянь и природно-социально-производственнай систематнень состоянияснон геоэкологическяй диагностикань областьса.

Эряфонь киц

Шачсь 30-це июньцта 1956-це кизоня Мордовскяй АССР-нь Чамзинскяй райононь Отрадное велеса.

1974-це кизоня сась тонафнема Мордовскяй государственнай университету историко-географическяй факультету. Колмоце курсса ульсь студентонь васенце экспедицияса Адольф Альбертович Крауклисонь вятеманц ала Приангарьять Лямбе ширдень тайгасонза (1976—1977).

1979-це кизоня шумордазе историко-географическяй факультетть, мезьда меле тусь тонафнема М. В. Ломоносовонь лемса Москувонь государственнай университетонь (руз.) (мок. аспирантурав. 1985-це кизоня профессорть А. А. Макунинать вятеманц ала аралась географическяй наукань кандидатонь диссертация «Мордовскяй АССР-нь ландшафттне и синь полафтомасна хозяйстваса тевс нолдамаснон сюнеда» темать коряс. 1990-це кизоня пуроптозе Мордовскяй государственнай университетонь экологическяй исследованиянь научно-производственнай центрать, конанди сон научнай вяти (директор) тячити самс. 1990-це кизоста сявомок 1995-це кизоти самс ульсь геодезиянь, картографиянь и геоинформатикань кафедрань вятикс. 1992-це кизоня Ямашкинонди максфоль доцентонь учёнай лем.

А. А. Ямашкин экспедицияса. Чуноярскяй стационарсь, Приангарьянь Лямбе ширень тайгась (1976—1977)

2000-це кизоня аралазе докторскяй диссертациянц «Геоэкологические основы исследования процессов хозяйственного освоения ландшафтов: на примере Республики Мордовия» темать коряс, конанди руководителькс арась РАН-нь Географиянь институтонь ведущай научнай сотрудниксь Б. И. Кочуров. 2002-це кизоня пуроптсь геоэкологиянь и ландшафтнай планированиянь кафедра, кона 2014-це кизоня полафтфоль землеустройствань и ландшафтнай планированиянь кафедракс. 2002-це кизоня получась профессоронь лем.

«Интеграция», «Университеты России» ФЦП-нь (2002—2003, 2003—2004); Российскяй гуманитарнай научнай фондонь (2002—2003, 2007—2008), фундаментальнай исследованиянь Российскяй фондонь (2002—2004) гранттнень коряс проектонь научнай руководитель, Мордовия Республикань перьфпяльть состояниянц и ванфтоманц колга государственнай докладонь авторсь-аноклайсь, Мордовия Республикань кой-кона ошнень и поселкатнень градостроительнай документациясост экологическяй обоснованиянь авторсь-аноклайсь^[2]. 2009-це кизоня ульсь Мордовия Республикань территориальнай планированиянь Схеманц анокламаса^[3].

2007-це кизоня Ямашкин профессорти максфоль Мордовия Республикань наукань заслуженнай деятель лемсь. 2009-це кизоня кочкафоль Мордовскяй государственнай университетонь географическяй факультетонь деканонь тевонь тиендикс, 2010-це кизоня арась деканкс. Тяка пингть кочказь оцюнякс Рузонь географическяй обществань отделенияти Мордовия Республикаса^[4]. 2011—2012-це кизотнень ульсь вятикс «Русское географическое общество» ВОО-нь гранттнень коряс «Мордовия Республикань географическяй атласонь тиемась»^[5] и «Мордовия Республикань географическяй атласонь нолдамась»^[6] научно-исследовательскяй проекттнень коряс.

РГО-нь Отделениянь оцюнясь Мордовия Республикаса, Ямашкин А. А. профессорсь Рузонь географическяй обществань штаб-квартираса

Наукати путфксоц

Ямашкин профессорсь — «Интеграция», «Университеты России» ФЦП-нь; Российскяй гуманитарнай научнай фондонь; фундаментальнай исследованиянь Российскяй фондонь, «Русское географическое общество» ВОО-нь (2011—2012) гранттнень коряс проектонь научнай руководитель.

Мордовия Республикань географическяй атласса, кона тиф Рузонь географическяй обществать грантонц коряс А. А. Ямашкинонь научнай руководстванц ала, макссеви республикать перьфпяленцты и ресурсонзонды, сонь эрямопингонцты, эряензонды, хозяйстванцты, экологиянцты, культурнай ландшафтть природнай и историческяй наследиянцты сембе ширдень характеристикасна.

Сон вятсы землеустройствань и ландшафтнай планированиянь кафедрать.

«Мордовия» региональнай географическяй информационнай системать (ГИС) тииец, кона лезды кочкамс, ванфтомс, тиемс анализ и няфтемс Мордовия Республикань природно-социально-производственнай систематнень экологическяй состоянияснон колга вастонь-пингонь уликснень. Ямашкинонь кядяла ульсть нолдафт Рузонь географическяй обществань «Мордовия Республикань перьфпялень и культурань наследиясь» стенав повфневи картат^[7].

Учёнайть публикациянза лемтьфт ландшафтнай планированиянь, геоинформационнай системань, Модать дистанционнай зондированиянь областьса прябалатненди и печатлафт народъётконь научнай журналса, конатнень улихть индекссна Scopus-са и Web of Science-са^[8] ^[9].

Редактор

Journal of the Geographical Institute «Jovan Cvijić» SASA^[10] (Сербия Республикась, Белград ошсь);
Мордовскяй университетонь Вестник^[11] (Россия, Саранск ошсь);
Территориальнай касомань-вииямань тяниень пингонь прябалатне (Россия, Саранск ошсь);
С. А. Есенинонь лемса РГУ-нь Вестник (Россия, Рязань ошсь).

Казненза

А. А. Ямашкин профессорсь ульсь казентьф премияса, почетнай грамотаса, дипломса и медальса^[12]:

Естественнай наукань Огарёвонь лемса премиянь лауреат (1986);
Мордовия Республикань образованиянь Министерствать почётнай грамота (1999);
Мордовия Республикань экологиянь и природопользованиянь Министерствать почётнай грамота (1999);
Мордовия Республикань Оцюнять Благодарностец (2001);
Мордовия Республикань Правительствать почётнай грамотанза (2001, 2006);
Государственнай классическяй университетонь Поволжскяй ассоциациянь сюконямань сертификат (2003);
ВВЦ РФ-нь бронзань медаль (2004);
Приволжскяй федеральнай округонь бизнес-ангелонь и инноваторонь IV-це ярмаркань Диплом (2006);
Мордовия Республикань наукань заслуженнай деятель (2007);
Российскяй Федерациянь природнай ресурсонь Министерствань Диплом (2008);
«За заслуги. В ознаменование 1000-летия единения мордовского народа с народами Российского государства» медаль (2012);
«Хрустальный компас» национальнай географическяй премиянь лауреат (2013);
Российскяй Федерациянь заслуженнай географ (2023)^[13].

Инь оцю работанза

Географический атлас Республики Мордовия / А. А. Ямашкин (пред. ред. колл.). — Саранск: Изд-во Мордов. ун-та, 2005. — 204 с. — 970 экз. — ISBN 978-5-7103-2581-0.
Ямашкин А. А. Физико-географические условия и Ландшафты Мордовии. — Саранск: Изд-во Мордов. ун-та, 1998. — 156 с. — ISBN 5-7103-0380-1.
Ямашкин А. А. Геоэкологический анализ процесса хозяйственного освоения ландшафтов. — Саранск: Изд-во Мордов. ун-та, 2001. — 232 с. — ISBN 5-7493-0644-4.
Мордовский национальный парк «Смольный» / А. А. Ямашкин (пред. ред. колл.). — Саранск: Изд-во Мордов. ун-та, 2000. — 88 с. — ISBN 5-88608-059-7.
Природное и историческое наследие культурного ландшафта Мордовии / Ямашкин А. А.. — Саранск: Изд-во Мордов. ун-та, 2008. — 162 с. — ISBN 978-5-7493-1341-3.
Ямашкин А. А., Руженков В. В., Ямашкин Ал. А. География Республики Мордовия (учебное пособие). — Саранск: Изд-во Мордов. ун-та, 2004. — 124 с. — ISBN 5-7103-1051-4.

Сёрмадсь 300-да лама научнай и учебно-методическяй работа, тяконь лувксса 12 монография (10 лия автор ёткса), 6 учебнай пособият. «Мордовия» энциклопедиять «География» общественнай научно-отраслевой редакциять вятиец, конань эса нолдась 50-да лама статья, конат ётафтфт мокшень и эрзянь кяльс.

Лятфтамат

↑ Географический атлас Республики Мордовия (рус.). РГО. Дата обращения: 28 февральста 2026.
↑ Профессор Анатолий Александрович Ямашкин отмечает 65-летие (рус.). МГУ им. Н. П. Огарёва. Дата обращения: 28 февральста 2026.
↑ Схема территориального планирования Республики Мордовия (рус.). МГУ им. Н. П. Огарёва. Дата обращения: 28 февральста 2026.
↑ Ямашкин Анатолий Александрович — Страница на сайте Русского географического общества (рус.). РГО. Дата обращения: 28 февральста 2026.
↑ Создание географического атласа Республики Мордовия (рус.). РГО. Дата обращения: 28 февральста 2026.
↑ Издание географического атласа Республики Мордовия (окончание) (рус.). РГО. Дата обращения: 28 февральста 2026.
↑ Природное наследие Республики Мордовия (рус.). РГО. Дата обращения: 28 февральста 2026.
↑ Improving the Efficiency of the ERS Data Analysis Techniques by Taking into Account the Neighborhood Descriptors (неопр.). web.archive.org. Дата обращения: 28 февральста 2026.
↑ Electrons or protons: What is the cause of forest fires in western Europe on June 18, 2017? (англ.). researchgate.net. Дата обращения: 28 февральста 2026.
↑ Journal of the Geographical Institute «Jovan Cvijić» SASA (англ.). gi.sanu.ac.rs. Дата обращения: 28 февральста 2026.
↑ Вестник Мордовского университета (рус.). vestnik.mrsu.ru. Дата обращения: 28 февральста 2026.
↑ Ямашкин Анатолий Александрович (рус.). РГО. Дата обращения: 28 февральста 2026.
↑ Указ Президента Российской Федерации от 25.08.2023 № 643 "О награждении государственными наградами Российской Федерации" (рус.). Официальный интернет-портал правовой информации (25 августста 2023). Дата обращения: 28 февральста 2026.

[1] Географический атлас Республики Мордовия (рус.). РГО. Дата обращения: 28 февральста 2026.

[2] Профессор Анатолий Александрович Ямашкин отмечает 65-летие (рус.). МГУ им. Н. П. Огарёва. Дата обращения: 28 февральста 2026.

[3] Схема территориального планирования Республики Мордовия (рус.). МГУ им. Н. П. Огарёва. Дата обращения: 28 февральста 2026.

[4] Ямашкин Анатолий Александрович — Страница на сайте Русского географического общества (рус.). РГО. Дата обращения: 28 февральста 2026.

[5] Создание географического атласа Республики Мордовия (рус.). РГО. Дата обращения: 28 февральста 2026.

[6] Издание географического атласа Республики Мордовия (окончание) (рус.). РГО. Дата обращения: 28 февральста 2026.

[7] Природное наследие Республики Мордовия (рус.). РГО. Дата обращения: 28 февральста 2026.

[8] Improving the Efficiency of the ERS Data Analysis Techniques by Taking into Account the Neighborhood Descriptors (неопр.). web.archive.org. Дата обращения: 28 февральста 2026.

[9] Electrons or protons: What is the cause of forest fires in western Europe on June 18, 2017? (англ.). researchgate.net. Дата обращения: 28 февральста 2026.

[10] Journal of the Geographical Institute «Jovan Cvijić» SASA (англ.). gi.sanu.ac.rs. Дата обращения: 28 февральста 2026.

[11] Вестник Мордовского университета (рус.). vestnik.mrsu.ru. Дата обращения: 28 февральста 2026.

[12] Ямашкин Анатолий Александрович (рус.). РГО. Дата обращения: 28 февральста 2026.

[13] Указ Президента Российской Федерации от 25.08.2023 № 643 "О награждении государственными наградами Российской Федерации" (рус.). Официальный интернет-портал правовой информации (25 августста 2023). Дата обращения: 28 февральста 2026.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]