Туризмась и инжиень васьфтемась (национальнай теварьсефкс)

Рувики лопаста

Туризмась и инжиень васьфтемась национа́льнай теварьсефкссь (руз. Туризм и гостеприимство (национальный проект)) — Россиянь национальнай проекттнень эзда фкясь, кона нолдаф 2021-це кизоня и одкстоптф 2024-це кизоня. Сонь целец корхтай странать экономикаса туристическяй отраслять роленц касфтоманц и 2030-це кизоти 140 миллионти туристическяй ардоматнень лувксснон касфтоманц колга[1].

Эвондаманц колга

Васенда нацпроектсь лемдевсь «Туризмась и инжиень примамань индустриясь». Сон аноклавсь 2020-це кизоня коронавирусонь пандемиять пингста и получась ширень кирдема Россиянь президентть Владимир Путинонь эзда [2]. Национальнай теварьсефкссь ульсь нолдаф 2021-це кизоня[3].

Сонь эсонза ульсть колма инициативат:

  • Туристическяй инфраструктурать виияфнемац;
  • Туристическяй услугатнень доступнайшиснон касфнемац;
  • Туризмань сфераса вятемать цебярьгофнемац [4].

2022-це кизонь октябрьста Россиянь президентсь лоткафтозе туризмать коряс Федеральнай агентствать (Ростуризмать) (руз.) (мок. — ведомствать, кона аноклась и отвечась нацпроектть инкса. Сонь функциянзон максозь Минэкономразвитияти[5].Нацпроектти вятикс лядсь вице-премьерсь Дмитрий Чернышенко.

Ингольдень итокне

«Туризмась и и инжиень примамань индустриясь» теаврьсефксть эряфс ётафтомац аделавсь 2024-це кизоть песта. Тиемок ингольдень итокт тяка кизонь ноябрьста, Чернышенко китькстазе, што сонь эряфс ётафтоманцты федеральнай бюджетста максфоль 200 миллиард цалковай, и мярьгсь:

Цебярь ширети касома ули сембе няфтематнень коряс. Кепотьксонди, странава турпоездкань лувкссь — 2020-це кизоста 45 миллионцта кассь 2023-це кизоня 84 миллионц. 2024-це кизоть итогонзон коряс учтама малава 92 миллион турпоездка.

Нацпроектть эрявикс решениянзон ёткста сон лемдезень НДС-ста нолямать туроператорхнень и услугатнень эзда гостиницаса 2027-це кизоть самс, а стане жа гостиницатненди 2030-це кизоть самс нулевой НДС-ть кувалгофтомац[6].

Максим Решетников мярьгсь, што нацпроектсь васенце этапса ульсь цебярь антикризиснай инструментокс

Корхтамок проектть эряфс ётафтоманц колга, экономическяй развитиянь министрсь Максим Решетников лятфтазе, што васенце этапса ся арась антикризиснай инструментокс, кона лездсь отрасляти сяськомс коронавирусонь пандемиять последствиянзон:

Примаф мератнень вельде удалась аф аньцек ванфтомс отраслять, но и ушедомс инфраструктурнай виияфтомань платтнень эряфс ётафтома. Нолдафт отелень строяманди и модульнай гостиницатненди субсидированиянь и льготнай кредитованиянь программатне. Потмонь туризмась кармась касома-виияма сяда вишкста. Бизнессь отвечась касы вешфксть лангс: кассть инвестициятне. 2024-це кизоть васенце пялестонза бизнезсь сувафтсь 377 миллиард цалковай, мезсь 60%-да сяда лама ётай кизонь тяка пингть коряс[7].

Колганза

Одкстоптф нацпроектсь кармась лемневома «Туризма и инжиень васьфтема», эсонза вете федеральнай теварьсефкст:

  • Номеронь фондонь тиемась;
  • Морянь курортт;
  • Странать туристическяй мялень шарфтомац;
  • Кадратне;
  • Туризмань промышленнай пяшкодемац[1].

Нацпроектсь арьсеф 2030 кизоть самс. Странань президентсь путсь задача касфтомс туризмать пяльксонц ВВП-са 5 % -ти молемс[8].

Вярьгок вастса аши тевонь тиематне

Минэкономразвитиянь национальнай теварьсефксть видеса, ведомствань вятить Максим Решетниковонь валонзон коряс, башка мяль шарфтави максф валть виияфнеманц лангс — лоткама васттнень тиемаснон и келептемаснон, туристическяй од васттнень пуроптомаснон[7]. Мекольцетнень ала кирдевихть мяльса горнолыжнай курорттне, аквапаркне, кизоньберьфонь ваймама тевонь паркне. Арьсекшневи тиемс 59 тёжянь од номер и тиемс сатфкс ваймосеманди и пингонь ётафтоманди тиф инфраструктурати кизоти шарфтомс 23 миллион ломанень мяль[1]. Тяда башка арьсеф:

  • Шинек-венек покоди морской курортонь тиемась — Российскяй Федерацияса вейхкса субъектса 11 проект:72 тёжяньда лама од номер и 80 тёжянь рабочай васта 72 тёжянь.
  • Модульнай лоткама вастонь строямасна — 10 тёжятть од васта.
  • Российскяй Федерациянь субъекттненди фкя пингонь пандома илань ётафтоманди, ошнень историческяй вастснон мазоптоманди, ваймома васттнень и туристическяй маршрутонь тиеманди, аф капитальнай причальнай инфраструктурань тиеманди, мезсь лезды туристическяй 7,4 миллионц ардомань касомати.
  • «Ванфтомань производства» направлениять коряс туризмань сфераса 57 организацияса трудонь производительностть касфтоманц коряс проектт.
  • Учебно-методическяй комплексонь тиемась и туризмань и инжиень примамань индустрияти кадрань тонафтомать 53 тёжяньда лама кулхцондыень ётафтомац[1].

Нацпроектть пяшкодеманц коряс сялдомась

2021-це кизонь декабрь ковста президентсь Владимир Путин сялдозе нацпроектть эряфс ётафтоманц. Сон мярьгсь, што чиновникне пачфнихть отчётт максф средстватнень 83,1 процентснон тевс нолямаснон колга, эста кода ярмакнень оцю пялькссна тусть аф кодама-бди афкуксонь тевс, инфраструктурань и объектонь строяманди, а «Туризм.рф» корпорациять уставной капиталозонза взносонди (кона тиевсь 2020-це кизоня декабрь ковста премьера-министрть Михаил Мишустинонь мярьгоманц коряс, штоба касфтомс странава и омба мастору лисемань туризмать). Эста кода основной работатне тифт аньцек 51%[9].

Лятфтамат

  1. ↑ 1 2 3 4 Основные показатели и мероприятия национального проекта «Туризм и гостеприимство» (рус.). government.ru. Дата обращения: 26 февральста 2025.
  2. ↑ Путин поддержал разработку нацпроекта по туризму, Коммерсантъ (16 ноябрьста 2020). Дата обращения: 26 февральста 2025.
  3. ↑ Интерфакс-Туризм. Путин поручил кабмину обеспечить нацпроект по развитию туризма финансированием до 2030 года.
  4. ↑ Национальныепроекты.рф. Туризм и индустрия гостеприимства.
  5. ↑ Путин упразднил Ростуризм. Что важно знать, РБК. Дата обращения: 26 февральста 2025.
  6. ↑ В России одобрили паспорт нового национального проекта «Туризм и гостеприимство» - Газета.Ru | Новости, Газета.Ru. Дата обращения: 26 февральста 2025.
  7. ↑ 1 2 Дмитрий Чернышенко: Положительная динамика есть по всем показателям нацпроекта «Туризм и индустрия гостеприимства» (рус.). government.ru. Дата обращения: 26 февральста 2025.
  8. ↑ Представлена структура обновленного нацпроекта «Туризм и гостеприимство» до 2030 года, Lenta.RU. Дата обращения: 26 февральста 2025.
  9. ↑ Вести. Путин о туристическом нацпроекте: деньги пошли не на реальную работу.

Ссылкатне

Сявф"https://mdf.ruwiki.ru/w/index.php?title=Туризмась_и_инжиень_васьфтемась_(национальнай_теварьсефкс)&oldid=417619"-ста