Семьясь (национальнай теварьсефкс)

Национальнай теварьсефкс «Семья»
Дата начала	2024
Причина	Владимир Путинонь Россиянь Президентть мярьгомац
Сайт	национальныепроекты.рф

«Семьясь» — национальнай теварьсефкс, кона нолдаф тевс Россиянь Президентть Владимир Путинонь указонц коряс . Васенцеда ульсь няфтьф-максф Федеральнай Собранияти Посланияса 2024 кизоня.

Национальнай теварьсефксть вярьгок вастса ащема ширенза ульсть ладяфт, кода азозе РФ-нь трудонь и социальнай араламань министрсь Антон Котяков, родительскяй сообществать мялензон ширеснон кирдезь, тяфта жа эзонза ульсть сувафтфт тяда ингольдень семьянь ширень кирдема тефне.

Семьясь кода госстратегиянь ориентир

Федеральнай собранияти кучемасонза 2024 кизоня Россиянь Президентсь Владимир Путин путсь задача 2030 кизоть самс сатомс кемоста ащи демографическяй касомать касомать:

Идень мархта семьятнень ширеснон кирдемасна — минь фундаментальнай нравственнай кочкаманьке. Лама идень оцю семьяти эряви арамс нормак, жизни обществать эряфонь философиякс, сембе государственнай стратегияти ориентиркс.

В соответствии со сформулированной государственной стратегией было объявлено о запуске национального проекта «Семья», а также скорректированы связанные с ним прочие национальные проекты («Кадры», «Экономика данных»).

Владимир Путин лемдезе лама идень семьять «госстратегиянь ориентиркс» (2024)

Доходонь касомась

Национальнай теварьсефксть эса вярьгок вастса путф идь мархта семьятнень лезксшинь касомась, яся мес обществань тяфтама категориясь сембод пяк лафча вастса ащись. Тяфта, 2024 кизонь февральть уликсонзон коряс, лама идень семьятнень ашушисна пачкось 30 %, путф вешфкснень коряс 2030 кизоти самс сон эряви кирьфтамс кафтонь крда. Юрса ащи кядьёнксокс лувондови:

• единай эрь ковонь пособия аф оцю доход мархта семьятненди, кона ладяви тядять пекиямань ушетксстокиге иидть кемзисемге кизонь топодеманцты ( 2024 кизонь февральть уликсонзон коряс сонь получсезь 11 млн эряй);
• упрощённай соцконтрактонь получамань процедура (сонь пандоманцты правительствась 2024 кизоня макссь нинге вельф 100 млрд цалковай);
• 2030 кизоти самс МРОТ-ть кеподемац 35 тёжянь цалковайс, мезсь автоматическяйста мельганза таргасы социальнай пандоматнень касфтомаснон, покодеманкса ярмакть бюджетнай сфераса;
• налогонь сталмоть валхтомац шаба мархта семьятненди;
• налоговай вычетть 2800 цалковайти молемс омбоце идть инкса и 6000 цалковай колмоцеть и мельганза шачить инкса; кизонь доходть размероц, конань лангс шарфтф вычетсь, касфтф 350 тёжяньста 450 тёжянь цалковайс;
• тядянь капиталонь программать кувалгофтомань пингонц 2030 кизоти.

Эрямань ширетнень цебярьгофтомасна

Национальнай теварьсефксть видеса путф задача эрь кизоня цебярьгофнемс эряфонь ширетнень 350 тёжянь идь мархта семьянди. Тянкса инголькиге ладяфт тяфтама тевонь пяшкодемат:

• семейнай ипотекань программань пингонь кувалгофтомась 2030 кизоти самс, ставкась идь мархта семьянди, коса улихть итть, конатненди изь топоде кота кизот, 6 % сереса (2024 кизоня максф 260 млрд цалковай, 2030 кизоти самс — 1,5 трлнцалковай);
• семейнай ипотекать келептемац ёмла ошкятнень эса и региоттнень эса од эрма вастонь аф оцю кржа строямать мархта;
• 2030 кизоти самс мольфтемс ширень кирдемань тефнень, конань вельде матови ипотечнай кредитть матомац (450 тёжянь цалковай), 2024 кизоня тянкса максф 50 млрд цалковай;
• аварийнай эряма вастста лия вастс эряма ётафтомань программать мольфтемац;
• социальнай газификациянь программань келептемась садоводческяй товарищестатнень вельде;
• ашу семьятнеди субсидиянь максомась уштомань системань рамаманди (вельф максф 32 млрдцалковай).

Шачфтомась и образованиясь

2022 кизоня РФ-нь 39 областтнень эса ульсь китькстаф марстонь шачфтомань коэффициентть эса среднероссийскяй показательда ала. Господдержкань программань келептеманкса тя региоттнень эса правительствась 2030 кизоти самс нолдась 75 млрд цалковаень питнеса вельф максома.

«Семья» национальнай теварьсефкссь кемоста сотф 2024 кизоня сувафтф — «Кадры» лия теварьсефксть мархта, кона шарфтф учсеви демографическяй касомать ширензон лангс. Тяфта, инголькиге ваномать коряс, странаса 2030 кизоти самс кармай 8,3 миллиотт ломань эряфонь кизос коре 20 кизоста сявомок 24 кизоннетненди самс, 2035 кизоня — 9,7 миллиотт (2,4 миллионда сяда лама 2024 кизоть коряс). 2028 кизоти самс федеральнай программать лезксонц вельде школьникнень инголькиге профориентациянь ладямать коряс, а тяфта жа «Профессионалитет» теварьсефксть вельде арьсекшневи анокламс 1 млн малава рабочай профессиянь специалист авиа- и судостроениянди, фармацевтиканди, электрониканди, обороннай промышленностенди. Нинге тяфта жа тя платтнень коряс сотф сяда тов моли мерань комплекссь:

• средняй профессиональнай образованиянь учреждениянь ремонтсь и оснащениясь (максф 120 млрд 2030 кизоти самс);
• 800 вузовскяй общежитиянь капитальнай ремонтсь (максф 124 млрд 2030 кизоти);
• 25 университетскяй кампусонь стяфтомась 2030 кизоти (максф 400 млрд);
• ярмак ширде вельф ширень кирдемась университеттненди «Приоритет-2030» госпрограммать коряс (вельф 190 млрд 2030 кизоти самс).

Нацпроектть ширенц кирдемац ярмакса

«Семья» национальнай теварьсефкссь ащи вярьгок вастса комплекснай кота кизонь планть эса странать касфтомаса (2030 кизоти самс). Сон ладяф экономическяй показательхнень серцек ладямаснон коряс, конатнень няфтьсыне Россиясь 2023—2024 кизотнень. Тяфта, ВВП-ть касомац 2023 кизоня ётазень вельф аф аньцек РФ-нь правительствань сай пингонь азомать, но и МВФ-нь эксперттнень, и пачкодсь 3,6 %. Инвестициянь касомась 2023 кизонь вейхкса ковста пачкодсь 26,6 %, 15,1 % ладяфть вастс. Кода китькстазе Россиянь Президентсь Владимир Путин, дохоттне васендакиге кармайхть кучсевома идь мархта семьятнень эряфонь ширеснон кеподеманкса-цебярьгофтоманкса:

...маластонь пингть ни минь тийхтяма аськолкс инголи: суватама масторлангонь сембода оцю ниле державатнень ёткс. Тяфтама касомати ули кода видеста конвертировандамс минь гражданоньконь семьянь доходонь касомати

Оригинальный текст(руз.)[няфтемскяшемс]

…уже в ближайшей перспективе мы сможем сделать ещё один шаг вперёд: войдём в четвёрку крупнейших экономических держав мира. Такое развитие должно прямо конвертироваться в рост доходов семей наших граждан

.

Пяшкодемац

24 февральста 2025 кизоня Россиянь правительствась кемокстазе лемлувксть национальнай теварьсефксть вярьгок вастса ащи няйфкснень 2030 кизоти самс:

• шачфтомать марстонь коэффициентть касфтомац ;
• ашушить серенц кирьфтамац;
• шачфтомань колмоце и сяда мельдень идень марстонь коэфициентть касфтомац — 0,475 ед.;
• эряфкшу граждаттнень и инвалиттнень, конатненди максови лама пингонь мельгаст якама, нуждающайхнень марстонь лувксснон эзда граждаттненди мельгаст тяфтама якама — 30,3 %;
• граждаттнень мялезост тумасна культурань, искусствань и народнай творчествань государственнай и муниципальнай организациятнень покодемаснон сересна  — 63 %;
• ёмла эряма васттнень лувксс коре 50 тёжянь ломань мархта кинотеатрань лувкссь — 900 ед..

Тяда башка, ульсть китькстафт национальнай теварьсефксть видеса юрса ащи покодемань ширетне, конат токасазь тядянь и идень комнататнень лувксснон, образовательнай учреждениятнень эса аф лама пингс ащема группатнень, маткапиталонь максомать, семейнай ипотекать, единай пособиять, эрь кизонь выплатать. Тятфта жа документса инголькиге ладяфоль 100 идень садонь стяфтомась эрь кодама ичкозе ащи эряма вастса, 2,2 тёжянь идень садонь оснащениясь, аф 220 тёжяньда кржа семьянди эрь кизонь соцконтрактонь пандомась, 336 авань консультациянь пуроптомась, 133 перинатальнай центрань оснащениясь, 180 идень больницянь, 485 тёжянь ЭКО циклань ётафтомась-тиемась, 1011 искусствань идень школань стяфтомась.

Лятфтамат