Кадратне (национальнай теварьсефкс)

Рувики лопаста
Национальнай теварьсефкс «Кадратне»
Рабочие, занимающиеся ремонтом помещения.jpg
Ушедомань пингсь 2024 кизось
Туфталсь Россиянь Президентть Владимир Путинонь мярьгоманц коряс
Сайтсь национальныепроекты.рф

«Кáдратне» (руз. «Кáдры») — национальнай теварьсефкс, кона нолдаф Россиянь Президентть Владимир Путинонь указонц коряс[1]. Васенда ульсь азф 2024 кизоня Федеральнай Пуромксти Кучемаса (руз.) (мок. [2].

Стратегическяй задачась

Владимир Путин азозе «Кадратне» национальнай теварьсефксть нолдаманц колга (2024)

Федеральнай пуромксса 2024 кизоня Владимир Путин путсь задача анокламс од специалистт промышленностенди, наукати и лия сфератненди, кирдемок мяльса демографическяй касомать: 2030 кизоти самс странаса кармай 8,3 милллион эряй 20 кизоста сявомок 24 кизоннетненди самс; 2035 кизоти — 9,7 млн. Государствань оцюнясь китькстазе, што Россияса 2023 кизоня ульсь няйф пяк оцю покодемафтома ащида — 2,9 %, мезсь шарфты и цебярь ширеть лангс экономикать видеса и сяка пингть вишкста касы кадрань аф сатомать лангс[3]. Пяк сон маряви промышленностьса, конанди 2028 кизоть самс эряви анокламс покодиень профессиянь 1 млн малава специалист[4]. Прябалать вишкста петеманкса, Президентсь министронь кабиннетти, профильнай ведомстватненди и предпринимательскяй сообществать мярьгсь ладямс серцек средняй, высшай и профобразованиять национальнай теварьсефксонь задачатнень мархта, а тяфта жа экономикать реальнай секторть вешфксонзон мархта:

…эряви тевса кемокстамс сотксть образованиянь сембе уроветтнень эса школаста сявомок вузти самс. Теест эряви покодемс фкя логикаса, марстонь результатть лангс. Конешна, оцю вастса ащи сай пингонь покодемань макссихнень улемасна. Тяниень тонафнемань кизоть эзда сявозь, странань сембе школатнень эзга ладяф профессияти шарфтомань системась. Шабатненди 6-це класста сявомок, ули кода содафтомс эрь кодама специальностень мархта[5].

Государственнай стратегиять ладяманц мархта кадрань аф сатомать кирьфтаманц мархта ульсь азф ладяф национальнай теварьсефкст тевс нолдаманц колга, а тяфта жа петьфт-ладяфт мархтонза сотф национальнай и федеральнай лия теварьсефксне[6]. «Кадратне» национальнай теварьсефксть задачанзон мархта ульсь сотф сяда товолдонь мерань комплекссь инфраструктурнай, технологическяй и научнай базать цебярьгофтомац образованиянь системаса:

  • средняй профессиональнай образованиянь учреждениянь ремонтсь и потмонц пяшкодемац (нолдаф 120 млрд 2030 кизоти самс)[1];
  • капитальный ремонт 800 вузовскяй общежитияса (нолдаф 124 млрд 2030 кизоти самс);
  • 2030 кизоти самс стяфтомс 25 университетскяй кампус (нолдаф 400 млрд); арьсекшневи строямс 40 малава студенческяй ошкат;
  • «Приоритет-2030» университетонь госпрограммань ширень кирдемась сяда лама ярмакса (нолдаф 190 млрд 2030 кизоти самс);
  • 2030 кизоти самс сембе профессиональнай образовательнай учреждениятнень сувамасна «Профессионалитет» федеральнай теварьсефксти, кона максы кеме партнерства колледжти и бизнести и максы сяда процентонь гарантия шумордайхненди тевонь мумаса[2];
  • библиотекань вузса и научнай организациява сетсь научно-техническяй модернизация (9 млрд цалковай нолдаф вельф)[7];
  • педагогическяй вузонь одкстоптомань программа (нолдаф 9 млрд цалковай)[8];
  • кафтонь крда бизнесть путфксонц касомац и государстватьнаучнай и технологическяй разработкатненди (ВВП-нь карьхцень пачфтемась 2 % 2030 кизоти самс)[1].

Эффективностти питнень максомась

Национальнай теварьсефксть эффективностенц цебярь ширень питнень максомакс ащихть конкретнай кадровай, инновационнай и промышленнай теварьсефксне, конат аноклафт марса региональнай азорондайхнень мархта, вуснень и бизнесть, а тяфта жа студенческяй стартапнень лувксснон инвестициятнень вельде ширень кирдемасна[1]. Путф задача 2030 кизоти пачфтемс студенческяй скамьяста технологическяй стартапонь лувксть нолдамац 30 тёжянти эрь кизоня[9]. РФ-нь Правительствать мархта аноклаф программа, конань вельде ули кода мрдафтомс 50 % инвестиция венчурнай предпринимательхненди, конат путозь ярмакснон теварьсефксненди (нолдаф 13 млрд цалковай мрдафтоманди).

Технологическяй суверенитетсь

«Кадры» национальнай теварьсефкссь ащи вярьгок вастса Россиять научно-технологическяй рмолемань Стратегияса, мезть вельде арьсекшневи сатомс технологическяй суверенитет тяфта лемневи «сквозной» сфераса, лиякс мярьгомс тиеви кемокстама странать сембе экономикаса: станкостроенияса и производствань средстваса, робототехникаса, беспилотнай системаса, экономикань уликсса, химияса[10]. Стратегиять коряс 2030 кизоти самс оцю технологиянь товаронь пялькссь и Россиять потмоса рункать эса ули кода касомс котонь крда, а аф сырьевой экспортть мароц касы кафта колмоце пяльксти[1]. тяконь лувксса импортонь марти ули кода вишкста киремс: кда нинге 1999 кизоня сон пачкотькшнесь ВВП-нь 26 % , то 2023 кизоти самс кирсь ВВП 19 %, а 2030 кизоти самс арьсекшневи киремац ВВП-нь 17 %[1]. Тяфта, прокс машфтови Россиять ащемац сотфста омба масторонь технологиятнен и наукоёмкай продукциятнень сявомаснон эзда, а тяфта жа пяшкотьфт производственнай нишатне, конат илядсть РФ-ста омба масторонь компаниятнень тумда меле.

Сяда крхкаста тянь колга

2024 кизонь апрельста трудонь министрсь Антон Котяков азозе, што 2021-це кизоста сявомок од ломанень покодемафтома ащемась кирсь фкя пяле мархта и пачкодсь 5,1 %[11].

2024 кизонь декабрьста РФ-нь вице-премьерсь Александр Новак азозе, што Россияса оцю квалификация мархта покодемань вешендемась пачкодсь 1,5 млн ломаньц. Вице-премьерть валонзон коряс, кадрань аф сатомась маряви строительстваса, транспортса и ЖКХ-са[12].

2025 кизонь февральста РФ-нь вице-премьер Татьяна Голиковась «Кадры» национальнай теварьсефкснень кархцненди макссь питне 116 млрд цалковай[13]. 21 февральста 2025 кизоня сон азозе, што теварьсефксть кассань пяшкодемац пачкодсь 43,8 %[14].

Лятфтамат

  1. ↑ 1 2 3 4 5 6 Послание Президента Федеральному Собранию. http://kremlin.ru (29 февральста 2024). Дата обращения: 4 мартста 2024.
  2. ↑ 1 2 Владимир Путин объявил о запуске нового национального проекта «Кадры». https://edu.gov.ru (29 февральста 2024). Дата обращения: 6 мартста 2024.
  3. ↑ Путин: безработица в РФ снизилась до 2,9% впервые в истории, TACC. Дата обращения: 7 мартста 2024.
  4. ↑ Путин: до 2028 года нужно подготовить 1 миллион специалистов рабочих профессий, AiF. Дата обращения: 7 мартста 2024.
  5. ↑ Послание Президента Федеральному собранию. http://kremlin.ru (29 февральста 2024). Дата обращения: 6 мартста 2024.
  6. ↑ Леонов, Сергей. Семья, молодежь, взрослые. Путин назвал новые выплаты для жителей России, AiF. Дата обращения: 4 мартста 2024.
  7. ↑ Путин поручил модернизировать сеть научно-технических библиотек, РИА Новости (29 февральста 2024). Дата обращения: 29 февральста 2024.
  8. ↑ В России выделят девять миллиардов рублей на обновление педвузов, РИА Новости (29 февральста 2024). Дата обращения: 29 февральста 2024.
  9. ↑ Дмитрий Чернышенко: 69 регионов подключилось к реализации федпроекта «Платформа университетского технологического предпринимательства». http://government.ru (6 октябрьста 2022). Дата обращения: 19 февральста 2024.
  10. ↑ Необходимо добиться технологического суверенитета, заявил Путин, РИА Новости (29 февральста 2024). Дата обращения: 7 мартста 2024.
  11. ↑ Путин обсудил молодежную политику с членами правительства - Российская газета, Российская газета (4 апрельста 2024). Дата обращения: 9 апрельста 2024.
  12. ↑ Александр Новак: России необходимо 1,5 млн высококвалифицированных кадров | Эксперт (рус.). Эксперт. Дата обращения: 11 декабрьста 2024.
  13. ↑ Татьяна Голикова оценила расходы на нацпроект «Кадры» в 116 млрд рублей. Эксперт (18 февральста 2025). Дата обращения: 19 февральста 2025.
  14. ↑ Голикова: кассовое исполнение нацпроекта "Кадры" составляет уже 43,8%, TACC (21 февральста 2025). Дата обращения: 21 февральста 2025.
Сявф"https://mdf.ruwiki.ru/w/index.php?title=Кадратне_(национальнай_теварьсефкс)&oldid=417784"-ста