Тонафтыень шись

Тонафтыень шись
Няйф:Тонафтыень шись.jpg
Ладяф	тонафтыень покодихнень лемс
Датась	5-це октябрьста
Сотф	Учителень всемирнай шись
Тонафтыень шись

Тонафтыень шись — тя официальнай профессиональнай ила, кона васфьневомац ладяф 5-це октябрьста эрь кизоня.Тя шиня ётнихть линейкат, казендевихть панчфт, макссевихть-явондовихть казнет и шнама каготт тонафтыхненди.

Илать эрямопингоц

Васенцеда Тонафтыень шись ульсь сувафтф Советскяй Союзса 1965-це кизоня. ССР-нь Верховнай Советть Президиумонц указонц коряс. Эрь кизоня тя шить васьфнезь октябрень васенце недляшиня. Лиякс мярьгомс шиц праздникть «уендсь». Тяфта ульсь 90-це кизотнень кучказост самс. Сембе сяка 1994-це кизоня ЮНЕСКО-сь мярьгсь ладямс Тонафтыень Всемирнай шить эрь кизоня ётафнемс 5-це октябрьста. Россияса састь мяльс тожа тиемс полафткст и 1994-це кизоня 3-це октябрьста Россиянь Президентсь Б.Н. Ельцин путозе кяденц Указти Тонафтыень шить ётафтоманц колга 5-це октябрьста . Эстоньбере илась кармась улендема фкя и сяка пингть.

Тонафтыень илать коенза

Тя профессиять эрямопингоц лама кизонь.

Сон эвондась ломаттнень касомань киснон пингста. Вдь кати-кинди эрявсть тонафнемс вярикс касы од ломаттнень. Именна васенце учительхнень тонафтомошиснон вельде ванфневсть сире асушитне и эвондакшнесть отт. Сембе сяка васенцеда лятфнемать тонафтыть колга тееньк ули кода мумс кунардонь пингонь философть и мыслительть Конфуцийть эзда. Сон мярьгондсь, што педагокнень задачасна ащи тонафнихнеди од содамошинь панжемать эса.

Кунардонь пингонь Грецияса ульсть ни афкуксонь школат, коса тонафневсть аф аньцек од ломаттне, но и эряфкшуфневок. Кучкаста векнень пингста школатне педагогикась мольсь инголи церькафнень кядяла, коса тонафтыкс ульсть монахне. Меле келемсь Ренессанссь, мзрда школатне арасть элитнай пякстаф заведениякс, коза ашель кода повомс аф козя ломанти. Эсост тонафнемась башка вятевсь козя семьяста стирнятненди и цёранятненди. Тоанфнихне тонафтсть цебярьста прянь вятемати ломаттнень ёткса, морафтомати, сёрмадомати, а тяфта жа эрь кодама кялень содамати – семботи сянди, мезе эрявсть содамс цебярь ломанти. Стаконь ломаттненди сашендовсь ащемс содамошифтома, апак тонафнек. Теест ашель мезе лангс сиводемс тонафты. Сянкса 19-це векть ушеткста, ламоц странатнень эзга, сяконь лувксса и Россияса эвондасть общественнай питнефтома школат, конатнень кирдезь паронь тиенди ломатть.

Эста и стаконь ломаттнендивок ульсь кода тонафнемс сёрмас содамати.

Тонафтыхне арахть сембода мялень вановикс ломанькс ломаттнень ёткса. И тяфтама мяльсь ванфтови и тячити самс.

Тонафтыкс поккодемась Россияса

Тонафтыкс покодемась – стака и веши лама вийда. Ломаттне, конат пильгонек-прянек максозь эсь пряснон школати, тевснон инкса вешеви мялень ванома. Аф аньцек Тонафниень шиня, но и кизоть лядыкс шинзонга. Тят тевса маштозь прянь няфтемась веши лама вийда, содамошида и эрь шиня касома. Тонафтыти эряви содамс аф аньцек эсь предметонц, конань сон вятьсы, но и маштомс маскомс станя, штоба тонафнихненьге салаволь мяльсна.

Тяда башка, кальдяв ся тонафтысь, кона ваны эсь тонафниензон мельге аньцек уркса.

Цебярь тонафтыти эряви содамс кода ащи тевсь тонанить семьясонза, эрь ученикть асувонц и сиузьшинц.

Тееенза эряви улемс сатомшка кяжи, но сембода пяк кирдемс или ащемс видешить инкса. Сембода цебярь ширец тонафтыть, улема – сонь паронь арьсемань ширец. Тонафтыть задачац – тонфтомс, а аф аньцек кальдяв оценкань путомась аф тонатф материалть инкса.

Лия масторса Тонафтыень шить васьфневомац

Сембе масторлангса ия шить лангс шарфневи оцю мяль. Аньцек эрь странаса эрь кодама шиня. Кепотьксонди Узбекистанца Тонафтыень шить васьфнесазь 1-це октябрьста, кой кона сядонгольдень советскяй республикатнень эса васьфнемац лядсь койсь ётафнемс тя илать октябрень васенце недяшиста. Австралияса – октябрень мекольце пяденцяста, Аргентинаса –11-це сентябрьста, Индияса – 5-це сентябрьста, Бразилияса – 15-це октябрьста, Турцияса –24-це ноябрьста. Лисенди, сембе сёксесь лемтьф тонафтыхненди марнек масторлангса. Но тяфта ащи тевсь аф сембе вастова. Тяфта Албанияса сон васеткшни Авань международнай щить мархта, Кореяса – кеветиеце майста, а Китайса тя илась ётни Конфуцийть шачема шистонза – 28-це сентябрьста. Эрь ломанць эсь эряфонц перьф мляфтсы васенце тонафтыенц и сятнень, конат мялезостольхть и крьвястсть седизост толня тонафнемати и макссь аф кржа содамошида.

Литературась

Астафьев, Виктор Петрович. Кража : повесть / В. П. Астафьев. - Красноярск : Красноярское книжное издательство, 1983. - 248 с.

Кончаловская, Наталья Петровна. Наша древняя столица : картины из прошлого Москвы / Н. П. Кончаловская. - М. : Детская литература, 1966. - 320 с.

Ссылкатне

https://sibmama.ru/12-knig-o-shkole.htm День учителя: 16 книг про школу и учителей - Детские книги