Программистонь шись
| Программистонь шись | |
|---|---|
 | |
| Ладяф | 11-це сентябрьста 2009-це кизоня Россиянь Президентть Дмитрий Медведевонь 1034№ Указонц вельде |
| Ётафневи |
 Россия |
| Датась | кизонь 256-це шись (13-це сентябрьста аф високоснай кизоня, 12-це сентябрьста — високоснай кизоня) |
| 2025 | 13.09.2025 |
| 2026 | 13.09.2026 |
| 2027 | 13.09.2027 |
Программистонь шись (руз. День программи́ста) — профессиональнай ила Россияса, кона ваьфневи кизоть 256-це шистонза. 256 числась кочкаф (28) сяс, мес тя эрь мзяра лувксонь смузь, кконат улихть кода няфтемс кафкса разрядна байтть вельде. Тяфта жа сон 2 числать сембода оцю аф явошневи степенец 2, кона аф ётай кизоть шинзон 365 или 366) лувксснон вельф.
Аф високоснай кизоня тя илась прай 13-це сентябрть лангс, високоснай кизоня — 12-це сентябрть.
Историясь
Мяльсь «Программистонь шить» васьфнеманц колга келиста азфоль «Компьютерра» издательскяй кудть оцюнянц Дмитрий Мендрелюконь вельде 15-це июльста 1996 це кизоня. Программистонь шикс азфоль лувондомс сентябрть васенце пяденцянц, лемдемок «Ару пяденцякс»[1]. 2002-це кизоня «Параллельнай технологиятне» веб-студиянь сотрудникне Валентин Балт и Михаил Червяков ладясть подписень кочкама РФ-нь правительствав пяшкядемать алу кизоть шинц лувоманц ширенц кирдеманц 256-го программистонь официальнай илакс[2].
24-це июльста 2009-це кизоня РФ-нь связень и массовай коммуникациянь министерствать кядяла аноклаф и сувафтф РФ-нь правительствав Россиянь президентть указонц теарьсефксоц «Программистонь шить колга».
11-це сентябрьста 2009-це кизоня Россиянь Президентсь Дмитрий Медведев путозе кяденц № 1034 Указть алу, кона аноклаф Российскяй Федерациянь связень и массовай коммуникациянь министерствать вельде, кона Россияса ладяй официальнай од ила — «Программистонь шись»[3].
Лия шитне
- 30-це ноябрьста — Информациянь араламань международнай шись, васьфневи 1988-це кизоста сявомок. Именна тя шиня няйфоль-муфоль Моррисонь суксонц массовай эпидемиянь васенце шись, кона лемтфоль сонь тииенц лемс.
- 10-це декабрьста — васенце программисткать Ада Августать Байрон Кингонь, Лавлейсонь графинять шачема шинц лемс 10 декабрьста 1815-це кизоня. Ада сёрмадсь васенце компьютернай программать Бэббиджонь аналитическяй машинанцты, васенцесь сувафтсь термитт «рабочай ячейкат», «цикла» и лият. Инголькиге азсь латта тяниень пингонь компьютерхнень кода лама функциянь тии машинань аф аньцек лувондомань тиеманди, но и графикать, кайгомать мархта покодемаснон колга. Сонь лемозонза лемтьф Ада прогаммированиянь содаф кяльхнень эзда фкясь Ада.
- 22-це апрельста — Россияса, сиретьф специальностть 2204 (сяда меле 220400) кодировкать лемс[4](вычислительнай техникань и автоматизированнай системань программнай пяшкодема). Россияса од классификациять коряс специальность «ПО ВТ и АС» кирди код 230105.65 — арась кода васьфнемс «Программистонь шись» 23-це январьста.
- 14-це февральста 1946-це кизоня — войнать аделамда меле ломаттненди и прессаса няфтьфоль ЭНИАК. Тя шиня васьфневи Компьютерщиконь международнай шись.
- Возможнай датась (сембода пяк web-программистонь) — 4-це апрельста (Эльбятькс 404). 4-це апрельста католикне васьфнесазь Иняру Исидор Севильскяень шить — компьютеронь и Интернетонь тевс нолдайхнень ширеснон аралайсна.
- День Сисадминонь шись.
Лятфтамат
- ↑ День программиста настанет? Компьютерра (27 майста 2009). Дата обращения: 27 августста 2025. Архивировано 23 сентябрьста 2020 года.
- ↑ «Праздник 256-го дня» (рус.). cnews.ru. Дата обращения: 27 августста 2025.
- ↑ «Медведев утвердил 13 сентября Днем программиста» (рус.). cnews.ru. Дата обращения: 27 августста 2025.
- ↑ «Был бы программист, а праздник найдётся» (рус.). РИА Новости (12 сентябрьста 2008). Дата обращения: 27 августста 2025.
| Россиянь профессиональнай илатне | |
|---|---|
| |
