Гражданскяй авиациянь покодиень шись

Рувики лопаста
Гражданскяй авиациянь покодиень шись
День работников гражданской авиации.jpg
Типсь Профессиональнай
Датась 9-це февральста
Койхне-обуцятне илань пуромксне, казематне, конференциятне, ветераттнень мархта васедематне, темань коряс няфтематне

Гражданскяй авиациянь покодиень шись (руз. День рабо́тника гражда́нской авиа́ции) — Россиянь гражданскяй авиациянь сембе специалисттнень профессиональнай иласна. Васьфневи эрь кизоня 9-це февральста[1][2][3].

Эрямопингсь

Февральть 9-це шиц кочкаф аф стак: февральть 9-це шистонза 1923-це кизоня СССР-нь Трудонь и Оборонань Советсь примась постановления «Гражданскяй авиациять коряс Советонь кочкамать колга» и «Воздушнай линиятнень мельге техническяй ваномать путоманц колга воздушнай флотонь Главнай управлениять лангс». Ня каготтне путсть правовой юр шачема масторонь гражданскяй воздушнай флотть тиемаса и виияфтомаса[4].

1923-це кизонь июньцта ульсь панчф васенце регулярнай эсь масторса покоди авиалиниясь, кона сотнезе Москуть и Нижняй Новгородть. 1932-це кизоня панчфоль фкя тяка авиапредприятия «Аэрофлот», 1964-це кизоня пуроптфоль СССР-нь гражданскяй авиациянь Министерствась.

Ан-10А пассажирскяй самолётсь сась аэропорту, 1961 кизось

Официальна Гражданскяй авиациянь покодиень шись ульсь ладяф Российскяй Федерациянь Президентть 98-це № Указонц коряс 2013-це кизонь 9-це февральста[1][5].

2023-це кизоня Россиянь гражданскяй авиациясь васьфтезе эсь 100 кизонц[6][7].

Мялямгевть панжемац, кона лемтьф Гражданскяй авиациять 100 кизонцты, Моску ошсь, Ходынскяй паксясь

Аэрофлотть мархта соткссь

Гражданскяй авиациянь покодиень шись сотф Аэрофлотонь шить мархта, кона лама пинге ульсь СССР-са. Профессиональнай тя илась ульсь ладяф 1979-це кизоня и эрь кизоня васьфневсь февральть омбоце недляшиста. Сонь официальнай статусоц ванфтовсь 1988-це кизоти самс, мзярда башка указса сон марстоптфоль Воздушнай флотонь шить мархта, кона ульсь марстонь илакс кода гражданскяй, станя и военнай авиациянь покодихненди[8].

Тя профессиональнай илать башка аньцек гражданскяй авиациянь специалисттнень лемс путомац ульсь аньцек 2013-це кизоня. Тя тевсь угадясь Россияса гражданскяй авиациять пуроптоманцты 90 кизонь топодемать мархта.

Илань васьфтемань койхне

Гражданскяй авиациянь покодиень шись сувафни эсь эзонза кода официальнай, стане и корпоративнай мероприятият[7].

Койс коре ётафневихть илань пуромкст и каземань церемоният, конатнень эса РФ-нь транспортонь Министерствась (руз.) (мок., Кожфка лиенди транспортонь федеральнай агентствась (Росавиациясь) и авиакомпаниянь оцюнятне шумбрандафтсазь илать мархта инь цебярь покодихнень[2]. Содаф специалисттненди макссевихть государственнай и ведомственнай казнет, тяфтапт кода «Отличник воздушного транспорта» мяштьса каннемань знак[9].

Илать эрявикс пяльксокс ащихть отраслевой конференциятне и покаряв шра ваксса васедематне, коса ванондовихть эрявикс кизефксне гражданскяй авиациять касоманц-виияманц колга, лиендемань безопасностть касфтоманц, цифровой технологиятнень тевс нолдамаснон, региональнай маршрутнай сетть келептеманц и квалифицированнай кадрань анокламать коряс.

Тя шиня башка мяль шарфневи гражданскяй авиациянь ветераттненди. Авиационнай тонафнемань заведениятнень эса пуропневихть васедемат, конатнень пингста курсанттне содафнихть тевонь содай наставникнень мархта, стане жа ётафневихть панжада кенкшень шит сай пингонь специалисттненди[2].

Авиациянь музейхне панчсихть тематическяй экспозицият, конат лемтьфт эсь масторонь воздушнай флотть эрямопингонцты[9].

Лятфтамат

  1. ↑ 1 2 9 февраля — День гражданской авиации в России: история, традиции, поздравления, Известия (9 февральста 2026). Дата обращения: 10 февральста 2026.
  2. ↑ 1 2 3 Юлия Осокина. Не только крылья: без них самолёт не взлетит, Рамблер/карьера (7 февральста 2026). Дата обращения: 10 февральста 2026.
  3. ↑ 9 февраля в России отмечают День гражданской авиации, Парламентская газета (9 февральста 2021). Дата обращения: 10 февральста 2026.
  4. ↑ НП ИнфоРост. Электронная библиотека исторических документов (ЭБИД) | Постановление Совета Труда и Обороны. О возложении технического надзора за воздушными линиями на Главное Управление воздушного флота и об организации Совета по гражданской авиации. 9 февраля 1923 г. docs.historyrussia.org. Дата обращения: 10 февральста 2026.
  5. ↑ Указ Президента РФ от 09.02.2013 N 98 "О Дне работника гражданской авиации". base.garant.ru (9 февральста 2013). Дата обращения: 10 февральста 2026.
  6. ↑ 100 лет гражданской авиации России. rostec.ru (9 февральста 2023). Дата обращения: 10 февральста 2026.
  7. ↑ 1 2 Торжественный вечер по случаю 100-летия гражданской авиации России, Президент России (9 февральста 2023). Дата обращения: 10 февральста 2026.
  8. ↑ 20 августа — День Воздушного флота России. Вольская жизнь (20 августста 2023). Дата обращения: 10 февральста 2026.
  9. ↑ 1 2 Беседа «День гражданской авиации России», Культура.РФ. Дата обращения: 10 февральста 2026.

Ссылкатне

Сявф"https://mdf.ruwiki.ru/w/index.php?title=Гражданскяй_авиациянь_покодиень_шись&oldid=417931"-ста