Экологонь шись

Рувики лопаста
Экологонь шись
Lab for Molecular Ecology and Biogeography.jpg
Типсь Профессиональнай ила
Смузсь шарфтомс ломаньтналть мяленц экологиянь прябалатненди
Ладяф 21-це июльста 2007-це кизоня
Ётафневи Россияса
Датась 5-це июньцта
Сотф Масторлангонь прерьфпяльдень шить мархта
Логотип РУВИКИ.Медиа Экологонь шись

Экологонь шись (руз. День эко́лога) — Перьфпяльть ванфтоманц коряс российскяй специалистонь профессиональнай ила, ладяф РФ-нь Президентть № 933 21 июльста 2007 кизоня Указонц вельде[1][2]. Васьфневи эрь кизоня 5-це июньцта и лемтьф Масторлангонь перьфпяльдень шити (анг.: World Environment Day), кона 1973-це кизоста сявомок ётафневи ООН-нь Генассамблеять мялень кирдеманц вельде[2][3][4][5][6].

Илать эрямопингоц

Россияса Экологонь шить эрямопингоц ушеткшни азорондай оргаттнень и общественностть покодемаснон эзда экологиянь кизефксненди мялень шарфтомать касфтоманц коряс. 2007-це кизоня РФ-нь Государственнай Думань (руз.) (мок. Экологиянь комитетть предложениянц мяльс сявозь Россиянь президентсь примась специальнай указ[1][2]. Тя указсь «Экологонь шить колга» ладязе 5-це июнть илати фалу васьфнемань шикс. Шить кочкамац токадсь Масторлангонь перьфпяльть шинц мархта, кона кемокстаф 1972 кизоня ООН-ть вельде[6]. Россияса Экологонь шись ульсь вастьф 2008-це кизоня[7]. Илась ладяф экспертнай экологическяй сообществань сембода эрекста ащихнень мяльснон вельде[8], штоба пуроптомс марс государственнай, научнай и общественнай структуратнень вийснон прябалатнень машфтомаса перьфпяльть ванфтоманц коряс.

Илать законодательнай юроц — РФ-нь Президентть Указоц № 933 от 21 июльста 2007 кизоня. Эсонза азф: «Ладямс профессиональнай илать — Экологонь шить и васьфнемс сонь 5 июньцта»[1][2]. Указсь курокста сявсь вий. Тянь миархта российскяй законодательствась официальна лемдезень-лувозень эколокнень эрявикс профессиональнай группакс, кинь покодемац питни сембе обществати.

Экологонь шить международнай датать — Перьфпяльдень масторлангонь шить мархта сотомац лездсь Россияти сувафтомс национальнай инициативатнень перьфпялень ванфтомань глобальнай повесткати. Тя аськолкссь арась панжадокс и анокшикс народъётконь ялгафтомати экологиянь сфераса. Кода китькстазе экологическяй кизефкснень коряс «Единай Россиять» координатороц Владимир Грачев, шить кочкамац ульсь тиф шарьхкодезь, штоба пуроптомс странать виензон мировой сообществать мархта[9]:

… Россияса Экологонь шись ульсь кемокстаф Перьфпяльдень масторлангонь шиня, эрь кизоня васьфневи 5-це июньцта. Тяфта, российскяй экологонь главнай илась маладсь главнай народъётконь экологическяй шити, и тяни лама акция и мероприятия, конат тернесазь араламс планетать перьфпяленц, ётни фкя пингста и Россияса, и марнек масторлангса.[10]

Мяльс самась экологонь профессиональнай илать ладямаса арась эрявикс лама пингонь мольфтемань тевкс государственнай экологическяй политикать тевонь вятемаса и инголи мольфтемаса[11]. Сон нежетькшни конституционнай принципть лангс, кона кемокстаф РФ-нь Конституциять 42 статьясонза, кона максы гарантия эрь ломанти цебярь перьфпяльса эрямати видексонь улеманцты.

2007-це кизоста сявомок странаса ульсть приняндаф стратегическяй документт, кона няфти ки экологическяй епсомати кемонень кизода сяда инголи[4]. Эрявикс нормативнай актттнень лувксс сувсихть:

  • «Государственнай политикань юрхне Российскяй Федерациянь экологическяй касомать видеса 2030 кизонь пингти самс» (кемокстафт 30 апрельста 2012 кизоня)[12];
  • Государственнай программась «Перьфпяльть ванфтомац», ладяф 2014 кизонь 15 апрельста (пяшкодема пингсь — 2024 кизоти самс)[13];
  • Российскяй Федерациять экологиянь аф пельксонь стратегияц 2025 кизонь пингти самс, кемокстаф 2017 кизонь 20 апрельста.

Сембода вярьгок вастса 2017 кизоня арась Экологиянь кизось. Тя тематическяй кизось макссь ушеткс ламоц оцю теварьсефксоди: ётафневсть одктоптомань покодемат вирьхнень эзга, панчсевсть од ванфтови перьпяльдень вастт, касфневсь инфраструктурась экологияти аф пельксонь тиенди кархчень тевс нолдамаснон коряс, одукс латцевсть-петневсть ведень максомань-нолдамань систематне. Сембось тя лездсь цебярьгофтомс экологиянь ащемать аф аньцек практическяй ширде, но и марнек ломаттнень экологическяй самосознанияснон касомаснонды.

Смузень кандомац

Экологонь шись канни оцю смузь кода перьфпяльть ванфтоманц коряс специалисттненди, стане и марнек обществати. Профессиональнай ширде илась китькснесы эколокнень покодемаснон эрявиксшинц, синь рольснон государственнай и общественнай перьфпялень ванфтомань секторса. Кода отмечасазь эксперттне, Экологонь шить эвондамац няфнесы кода государственнай структуратнень путксснон эрявиксшинц, конат ванфнесазь перьфпяльть эрь кодама уровеньца, стане и аф зависимай экологическяй объединениятнень, а стане жа сембонь, кинь покодемац шарфтф перьфпяльть араламанцты и перьфпяльть паршинц ванфтоманцт[6]. Лиякс мярьгомс илась пуропнесыне марс ломаттнень и организациятнен, конат сотфт перьфпяльть ванфтоманц мархта. Тя шить эрь кизоня васьфтемац лезды кемокстамс профессиональнай сообществати: тя шиня организациятне ётафнихть конференцият и совещаният, коса китьксневихть-корхтавихть отраслть сатфксонза и прябаланза, казендевихть сембода цебярь сотрудникне.

Обществати целайнек Экологонь шись ащи лятфнемакс перьфпялень прябалатнень колга. Сон лезды шарфтомс кели публикать мяленц ару кожфонь, ведень, модань и биоразнообразиять ванфтоманц коряс кизефксненди. Эксперттнень валснон коряс, илась шарфтф обществать мяленц экологиянь прябалатненди и лятфтамс Россиянь граждаттненди сянь колга, што минь планетаньконь экосистемац пяк лафча[8]. Ломаттнень ёткса Экологонь шиста лама азонкшневи информационнай кампаниятнень эса, СМИ-нь публикациятнень вельде и образовательнай акциятнень мархта, мезсь лезды касфтомс-кеподемс экологическяй культурать. тяда башка, государствась максси лезкс эколокненди: 1996-це кизоста сявомок макссеви шнамань лем «Россиянь заслуженнай эколог» эрь кодама инголи мольфтемань-вятемань тевонь тиеманкса и перьфпяльдень ванфтомань технологиянь сувафтоманкса[14]. Государственнай тяфтама казнень максмомась сидеста сотф профессиональнай илатнень мархта, сяконь лувксса Экологонь шиське.

Мероприятиятне

Просветительскяй мероприятиятне

Экологонь шись занци оцю васта обществать просвещенияса и од ломаттнень водендамаса. Илась кошарясыне образовательнай учреждениятнень ётафнемс экологиять коряс специальнай мероприятият. Школатне и вусне пуропнихть урокт и семинархт, идень рисункань и проектонь конкурст, конат лемтьфт перьфпяльть ванфтоманцты. Кепотьксонди, Экологонь шить лемс москувонь ламоц паркне и музейхне ётафнихть мастер-класст и экологическяй квестт иттненди и подросткатненди[14]. Дарвиновскяй музейса Москуса Экологонь шиня панчсеви мультимедийнай центр, коса школьникненди ули кода содамс пряошть перьпяленц эсьлацонь шинзон колга[15][14].

Ламоц университеттне ётафнихть экологическяй факультетонь панжада кенкшень шит, круглай шрат и экологонь карьерать колга лекцият. Научнай и техническяй вуснень эса студенттне примсихть участия субботникнень и экологическяй волонтерскяй проекттнень эса. Тяда башка, илань недялять видеса аф шуроста пуропнихть "Ару перьфпяль"темать коряс студенттнень и аспиранттнень научнай работань выставкасна[16].

Илать тяфтама просветительскяй аспектоц эряви: сон максси сай пингонь экологонь профессияти мотивация и касфнесы марстонь экологическяй сознаниять. Од ломаттне тонафнихть перьфпяльти кородозь малаткшнемань практикати тонафнемань заведениятнень эса ни кепотьксонди, тонафнемань центратне и эколого-биологическяй кружокне ётафнихть «экологическяй марафотт», флешмопт («Россиянь Од эколокне»), научнай стендапт и тонафнемань лия интерактивнай формат[17]. Тяфта тевонь ащемась, школатнень и вуснень улемасна илать эса келепнесыне содамошитнень экологиять колга эряйхнень ёткса.

Общественнай мяльхне-тефне и акциятне

Июнть ушетксста сембе Россиять эзга ётнихть экологическяй акцият, конат шарфтфт няемс перьфпяльть ванфтоманц коряс кизефкснень лангс. Кучкаса ащи инициативатнень эзда фкясь — Всероссийскяй акциясь «Сянгяря тевонь марафонць» (руз. «Марафон зелёных дел»)[18]. Сон пуропнесыне марс ламоц событиятнень, сяконь лувксса шуфтонянь озафтомать, перерабатывающай предприятиятнень эзга экскурсият, вторсырьянь кочкаматнея и лия тевонь тиематне[19][20].

Региоттнень эзга тяфта жа пяшкотькшневихть эрь кодама тематическяй мероприятиятне. Тяфта Кемероваса традиционна ётафневи «Сянгяря трамвай» (руз. «Зелёный трамвай») акциясь[21], конань пингста школьникне азонкшнихть ошень транспортонь пассажирхненди стакащемань экологическяй тонтф тефнень колга. Сонць трамвайсь кочкаф акцияти символкс общественнай транспортонь (руз.) (мок. кода сембода цебярь экологичнай виттнень эзда фкясь.

Москувонь Правительствать ширень кирдеманц и «Транснефть» компаниять партнерскяй участиянц вельде пуроптфоль «Эряфсь ушеткшни эздот!». Акциять пингста волонтёрхне явондсть салатовай лентат и панчфонь видьме мархта пакеткат (400 тёжяньда лама пакеткя) Москувонь граждаттненди эсь кядь вельде путксонди ошть цебярьгофтоманцты и сянгярьгофтоманцты[22].

Мордовия Республикась перьфпяльть аруста ванфтоманкса сувафтфт тёжнь ломань, васендакиге — перьфпяльдень ванфтыень ведомствань покодихне, предприятиянь инженерхне-эколокне, учёнайхне, педагокне, общественнай организациянь активисттне. Республикаса мольфтеви вирень одкстоптомась, ведю васттнень и кожфть араламасна рдаскотфтомать эзда. Президентть Владимир Путинонь мяленц азоманц коряс пяшкотькшневи «Экология» национальнай теварьсефкссь, и Мордовиясь эрекста сувси эзонза. Тяфта, ётай кизоть Минлесхозсь шумордазе васенце пяльксть Рузаевскяй районца Левжа ляйнять аруяфтомаса — тя 2,5 вайгяльбень кувалмоса васта. Ётафтф экологическяй реабилитация Инсар ляйть лангса «Мордовия Арена» стадионть видеса. 2023-2025-це кизотнень «Чистая страна» федеральнай теварьсефксть «Экология» нацпроектть национальнай теварьсефксть коряс тиф 4 объектонь рекультивация Ковылкинаса, Темникавса, Рузаевкаса и Краснослободскяса. Тя цебярьгофтозе эряфснон пцтай 100 тёжянь ломанень. Тя илати пуропневихть выставкат идень рисункань коряс, коса няфневи перьфпяльть ванфтомац идень сельмоса[23]. Тя шиня Саранскяйса ошень Администрациясь пуроптсь ётафтовсь кэпикник, кона аф аньцек кеняртфтьсь, но и ламоти тонафтсь, кода башка кочкамат карьхчне[24]. Экологонь шиня Республикань кудса ётафневихть кеняртьфти мероприятият и республикань Оцюнять и Правительствать эзда казендевихть и шнашендовихть сембе ломаттне, кинь покодемасна сотф перьфпялдень аруяфтомать мархта[25].

Экологическяй конференциятне

Илань карша, а стане жа сонь ётафтома шистонза марнек странать келес ётнихть конференцият и форупт, конат лемтьфт экологиянь кизефксненди. Фкя инь оцю мероприятиякс тя областьса ащи Невскяй народъётконь экологическяй конгрессь[26], кона ётни Санкт-Петербургса 2008-це кизоста сяваомок. Тя форуму сувсикс арсихть научнай сообществань ломаттне, международнай делегациятне, а тяфта жа частнай эксперттне, конат кортафтсазь экологическяй прябалатнень. Тяфта, Москуса кемокстаф «Экология» XV Международнай форумсь , ккона пуропнесыне-кочксесыне эксперттнень и специалисттнень эрь кодама регионцта и масторста[14][27]. Форумса корхтафтовихть вярьгок вастса ащи тевонь мольфтематне перьфпяльть ванфтоманц коряс кизефкснень ваномась, сембонь инголе няфневихть сатфксонь сатоматне перьфпяльть ванфтомаса и ётафневихть пленарнай заседаният экологическяй законодательствать и технологиятнень коряс[28].

2009-це кизоста сявомок тяфта жа ётафневи Всероссийскяй конференция экологическяй образованиять коряс[29]. Сон пуропнесыне марс преподавательхнень и методисттнень, конат покодихть экологическяй тематикать сувафтоманц-сотоманц учебнай программатненди. Ётафневи В. И. Вернадскяень лемса Фондть вельде 2009-це кизоста ушедомок. 2022-це кизоста сявомок Конференциясь ётафневи эрь кизоня.

Субботникне

Нинге фкя важнай койкс, кона лемтьф Экологонь шити, ащи субботниконь пуроптомась, конат ётафневихть сембе вастова: тёжятть волонтёр лисенди паркнень, лесопаркнень, ведю васттнень урядама, набережнайхнень кархчнень эзда аруяфтома. Странань ламоц региоттнень эса июнень 5-це шиста ётни общественнай ётка васттнень, парконь, прибрежнай зонань и тонафнемань заведениятнень ваксса территориянь урядамась. Ня тяряфнематнеди эрь кизоня полаткшнихть кемотть тёжянь доброволец Тяфта, 2023 кизоня субботникнень эса примась участия 2,5 миллионда лама ломань[30]. Российскяй экологическяй движениять тевонь пяшкодема тиить директоронц Элмурод Расулмухамедовонь валонзон коряс, ломаттнень мялень касомасна тяфтама тевонь тиемати сяда пяк касонды[31].

Всероссийскяй субботниксь, 2023 кизось

Лятфтамат

  1. ↑ 1 2 3 Указ Президента Российской Федерации от 21.07.2007 г. № 933, Президент России. Дата обращения: 2 июньцта 2026.
  2. ↑ 1 2 3 4 Tigers — День эколога. tig.com.ru. Дата обращения: 2 июньцта 2026.
  3. ↑ Всемирный день окружающей среды 5 июня. Официальный сайт Организации Объединённых Наций. Дата обращения: 13 майста 2026.
  4. ↑ 1 2 Мария Бадамшина. Когда в России и мире День эколога и почему этот день важен. РБК (11 февральста 2025). Дата обращения: 2 июньцта 2026.
  5. ↑ Дарья Валиахметова. День эколога в России: дата, история и традиции праздника. Российская газета (4 июньцта 2024). Дата обращения: 2 июньцта 2026.
  6. ↑ 1 2 3 Всемирный день охраны окружающей среды, РИА Новости (20120605T1009). Дата обращения: 20 майста 2025.
  7. ↑ 5 июня 2008 года в России впервые отмечался День эколога | Новости: ГАРАНТ. Дата обращения: 2 июньцта 2026.
  8. ↑ 1 2 День эколога в России 2025: дата, история и традиции праздника, Lenta.RU. Дата обращения: 2 июньцта 2026.
  9. ↑ Владимир Грачев: «Экология страны под пристальным внимание партии «Единая Россия». businesseco.ru (30 декабрьста 2008). Дата обращения: 2 июньцта 2026.
  10. ↑ Владимир Грачев: «День Эколога в России отмечают вместе со всей планетой». B2Blogger.com (5 июньцта 2009). Дата обращения: 2 июньцта 2026.
  11. ↑ О плане действий по реализации Основ государственной политики в области экологического развития Российской Федерации на период до 2030 года. Официальный сайт Правительства Москвы (18 декабрьста 2012). Дата обращения: 2 июньцта 2026.
  12. ↑ Основы государственной политики в области экологического развития Российской Федерации на период до 2030 года (рус.). normativ.kontur.ru (30 апрельста 2012). Дата обращения: 2 июньцта 2026.
  13. ↑ Государственная программа «Охрана окружающей среды». Официальный сайт Правительства Москвы. Дата обращения: 2 июньцта 2026.
  14. ↑ 1 2 3 4 5 июня – День эколога в России, «Научная Россия» - электронное периодическое издание. Дата обращения: 2 июньцта 2026.
  15. ↑ State Darwin museum. ЭкоМосква Государственный Дарвиновский музей. darwinmuseum.ru. Дата обращения: 2 июньцта 2026.
  16. ↑ 5 июня 2016 прошел круглый стол, посвященный «Дню эколога» | Институт нанотехнологий, электроники и приборостроения (рус.). inep.sfedu.ru. Дата обращения: 2 июньцта 2026.
  17. ↑ Всероссийская акция «День эколога». xn----9sbmlieoffcycw7c0esa.xn--p1ai. Дата обращения: 2 июньцта 2026.
  18. ↑ Всероссийская акция «Марафон зелёных дел». Всероссийские дни единых действий. Дата обращения: 2 июньцта 2026.
  19. ↑ День эколога – 2023: Мосприрода подготовила масштабную программу «ЭкоВертикаль». Официальный портал мэра и правительства Москвы (31 майста 2023). Дата обращения: 2 июньцта 2026.
  20. ↑ Экологическая неделя: экоцентры Департамента природопользования подготовили масштабную программу мероприятий ко Дню эколога. Официальный портал мэра и правительства Москвы (3 июньцта 2024). Дата обращения: 2 июньцта 2026.
  21. ↑ Акция «Зеленый трамвай» стартовала в Кемерове. ako.ru. Дата обращения: 2 июньцта 2026.
  22. ↑ Салатовая ленточка стала символом «Дня Эколога». sostav.ru (6 июньцта 2014). Дата обращения: 2 июньцта 2026.
  23. ↑ Выставка детских рисунков ко Дню эколога проходит в управлении Росприроднадзора в Нижнем Новгороде и Саранске (рус.). Росприроднадзор (4 июньцта 2026). Дата обращения: 6 сентябрьста 2026.
  24. ↑ В День эколога в Саранске состоялся экопикник (рус.). Единая Россия — официальный сайт партии (5 июньцта 2026). Дата обращения: 6 июньцта 2026.
  25. ↑ В Мордовии в День эколога отметили тех, кто заботится о здоровье планеты (рус.). Известия Мордовии (5 июньцта 2026). Дата обращения: 9 июньцта 2026.
  26. ↑ Планета Земля: гармония человека и природы. Информационный центр Невского международного экологического конгресса. Дата обращения: 2 июньцта 2026.
  27. ↑ XV Международный форум «Экология». Репортаж EcoStandard.journal. Дата обращения: 2 июньцта 2026.
  28. ↑ Всемирный день окружающей среды 2025: когда, история, традиции праздника, РБК Тренды. Дата обращения: 2 июньцта 2026.
  29. ↑ Всероссийская конференция по экологическому образованию (рус.). vernadsky.ru. Дата обращения: 2 июньцта 2026.
  30. ↑ Во Всероссийском субботнике приняло участие почти 2,5 млн россиян. Минстрой России (8 июньцта 2023). Дата обращения: 2 июньцта 2026.
  31. ↑ Светлана Задера. Уборку небольших свалок предложили передать в ведение регионов. Российская газета (1 ноябрьста 2024). Дата обращения: 2 июньцта 2026.

Литературась

Ссылкатне

Сявф"https://mdf.ruwiki.ru/w/index.php?title=Экологонь_шись&oldid=418915"-ста