Мокшень кялень кафедрась

Мокшень кялень кафедрась  — руз. (Кафедра мокшанского языка) — Н. П. Огарёвонь лемса Мордовскяй государственнай университетса кафедра, коса сембе научнай дисциплинатне вятевсть мокшень кяльса.

Мокшень кялень кафедрась. 2012 кизось

Кафедрать эрмопингоц

Кафедрась ушедсь покодема 1990 кизотнень С. И. Липатовонь филологическяй наукань кандидатть профессорть кядяла. Меле кафедрань вятикс ульсь филологическяй наукань кандидатсь, профессорсь Алямкин, Николай Степанович. 2003-це кизоста сявомок, кафедрать кармай вятемонза Поляков, Осип Егорович. Тя кизотнень научнай и преподавательскяй тефнень кафедраса вятьсазь колма профессорхне: Н. С. Алямкин О. Е. Поляков, Г.С. Иванова и 6 доцентт (В. П. Гришунина, Н. Ф. Кабаева, Н. А. Кулакова, М. З. Левина, В. Ф. Рогожина, П. Е. Седова). Лама кизот кафедраса покодсь масторлангса содаф учёнайсь-профессорсь Феоктистов, Александр Павлович.

Кафедрать научнай и тонафтомань тевтиемац

• Вяти дисциплинат тяниень пингонь мокшень кяльса, мокшень кяльть историяса, мокшень кялень диалектологияса, и методикань кизефксонь коряс;
• Научно-исследовательскяй тефт мокшэрзянь кялень фонетикань, лексикологиянь, морфологиянь, синтаксисонь, ономастикань диалектологиянь и кялень историянь кизефкснень коряс;
• Аноклавихть специалистт программатнень коряс:
• специалитет «Филология. Языки и литература народов России (мокшанский), Русский язык и литература»;
• бакалаврат «Отечественная филология» программать коряс;
• магистратура «Языки народов России: мокшанский язык».

Панжевсь магистратурань од направления: «Мокшанская лексикография: история развития и современное состояние». Кафедраса сембе покодихне учебниконь, учебнай пособиянь, программань авторхт.

Нолдафт учебникт:

• «Мокшень кяль» национальнай школань (4-11-це классненди);
• 5-6-це классненди «Мокшанский язык» рузонь и лия кяльса тонафнихненди;
• «Мокшень кяль. Морфология» — вузонь учебник;
• «Мокшень кяль. Синтаксис» — вузонь учебник,
• «Система гласных в диалектах мокшанского языка в историческом освещении» — монография, (Г. С. Иванова);
• «Мокшанский язык» (Г. С. Иванова, П. Е. Седова);
• «Мокшень кялень синтаксисть коряс практикум» (В. Ф. Рогожина)
• Мокшанский язык (учебнай пособия) (Н.Ф. Кабаева, М.З. Левина, В.П. Гришунина)(2015).

2011-це кизоня кафедрань покодихне анокласть терминологическяй валкст национальнай школань тонафнихненди (математикань, кялень, историянь, биологиянь, физикань, обществозаниянь, географиянь, информатикань дисциплинатнень коряс).

2015-це кизоня кафедрась кармась шовордаф «Эрзянь кялень кафедрать» мархта и кармась лемневома мокшэрзянь кялень кафедра (руз. Кафедра мордовских языков) 2025-це кизоня ульсь шовордаф «Финно-угорскяй филологиянь кафедрать» мархта и тяни канни лем «Кафедра мордовских языков и литературы».

Ссылкатне

https://mrsu.ru/ru/university/chair/kafedra-mordovskih-yazykov https://mrsu.ru/ru/ https://ru.ruwiki.ru/wiki/Мокшанский_язык