Мордовиянь воиттненди мемориалсь Великай Отечественнай войнаса шавфненди
| Мемориал | ||
| Мордовиянь воиттненди мемориалсь Великай Отечественнай войнаса шавфненди | ||
|---|---|---|
.JPG) Мемориальный комплекс на площади Победы Саранска. Слева здание Музея боевого и трудового подвига 1941—1945 гг. | ||
| 54°10′49″ с. ш. 45°10′59″ в. д.GЯO | ||
| Странась | ||
| Ащема вастоц | Саранск ошсь | |
| Статуссь |
 Объект культурного наследия народов РФ федерального значения. Рег. № 131410156500006 (ЕГРОКН). Объект № 1310009000 (БД Викигида) |
|
|
|
||
 |
||
 Мордовиянь воиттненди мемориалсь Великай Отечественнай войнаса шавфненди | ||
Мордовиянь воиттненди мемориал, Великай Отечественнай войнаса шавфненди (руз. Мемориал воинам Мордовии, павшим в годы Великой Отечественной войны) — Саранск ошень Советскяй площадьса мемориальнай комплекссь.
Мемориальнай комплексонь сооружениятне
Великай Отечественнай войнаса шавф воиттненди мялямгев
Комплексонь композиционнай центракс ащи Мордовиянь воиттненди, конат шавовсть Великай Отечественнай войнаса, памятниксь, кона панчфоль 1970-це кизонь 9-це майста. Скульптурнай группась няфнесы Тядять-Мордовиять, кона максси тор цёранцты-солдатти. Памятникть видеса ащи 18 метрань кувалмоса гранитнай пилонть лангса тяштьф: «Слава сембе пинкненди воиттненди, конат шавовсть 1941—1945 кизотнень Великай отечественнай войнаса Советскяй Родинать воляшинц и независимостенц инкса тюрематнень пингста. Тинь туде эряфста, штоба араламс эряфть. Подвигонте, лемонте сембе пингс кармайхть ломаттнень седиса». Мялямгевть арсиенза-тиинза: скульпторсь В. Томский, архитекторсь А. Н. Душкин. Мялямгевть ваксса палы Пефтома пингонь тол.
2004-це — 2005-це кизотнень мялямгевть лямбе ширденза стяфтовсь мемориальнай стена (архитекторхне В. А. Бродовский и И. В. Соловьёв) — 54 метрань кувалмоса дога лаца васта[1] колоннань кафта рядса, конатнень ёткса ладяфт 10 пилотт, конат ацафт равжа полированнай кевса, воинонь лем мархта — Саранскяйса шачфнень-касфнень, конат шавовсть Великай Отечественнай войнань кизотнень.
Боевой и трудовой подвигонь музейсь
1995-це кизоня 6-це майста памятникть ваксса панжевсь 1941—1945 кизотнень Боевой и трудовой подвигонь музейсь (архитекторхне Р. Г. Кананин, А. В. Костин). Музейть ваксса, панжада менелень ала, ладяф боевой бронетанковай и артиллерийскяй техникань экспозиция.
Воиттненди-интернационалисттненди мялямгевсь
1985-це кизоня музейть шинь мадома ширденза ладяфоль розовай гранитса валф вете стелатнень эзда мемориальнай композиция, конань лангса сёрмадовсть Саранск ошса шачф-касф воиттнень Великай Отечественнай войнаса шавф 5 тёжянть малава лемсна. Но тя композициясь курокста срадсь-каладсь и петемань мзярошка тяряфтомада меле ульсь урядаф. 2005-це кизоня сонь вастозонза путфоль памятник воиттненди-интернационалисттненди и военнослужащайхненди, конат шавовсть локальнай войнатнень и конфликттнень эса (Скульпторсь Н. М. Филатов, архитекторсь В. А. Бродовский)[1]. Памятниксь няфнесы солдатть, кона ласьки инголи и кядьсонза кирди автомат, кона люпштаф кафта уле мраморнай пилоттнень ёткса, тя корхтай войнать конат корхтайхть войнань люпштамать и солдатскяй долгть колга. Пилонца сёрматфт шавф боецнень лемсна, а стане жа сёрматфкст: « Воиттнень мужестваснонды, кемошиснонды и честьснонды, конат пяшкодезь эсь священнай шумоснон. 1952—1989» и « Россия, тонь цёратнень подвигсна кармай фалу сай пингонь эряйхнень седиса-ваймоса кармай. 1994—2003».
Адста ворьгодема (мялямгевсь)
Музейть шинь стяма ширесонза ащи мялямгев, кона лемтьф советскяй военнопленнайхнень группаснон фашистскяй концлагерьста героическяй ворьгодемаснонды, конань арьсезе Мордовияса шачись М. П. Девятаев.
Часовнясь
Победань площадть западнай ширестонза 2000-це кизоня строяфоль Святой благовернай князть Александр Невскяень лемса часовня. Часовнять зданияц (проектоц В.И. Бабаковонь) кафкса ужеса, диаметрац 4,5 метрат, серец 6 метрат, тиф акша и якстерь кирпицьса. Кафкса ужеса шатровай вельхкссь пяшкотьф крёз мархта зрнянь маковкаса, нинге фкя сяда ёмла маковкась ащи сувама вастть вельхксса. Часовнять крёзнек-мезнек марстонь серец - 20 метра [1].
Мялень салай фактт
- Великай Отечественнай войнаса шавф воиттненди памятникть вастса тяда инголе ащесь А. И. Полежаевонди мяялямгевсь, но сон тифоль аф ламос кирди материалста, пингонь ётазь таштомсь и урядафоль[1].
- Кржа кие содасы, што боевой и трудовой подвигонь музейть фтала 34№ пяк аф няеви колма этажень кудсь инголи ульсь тюремнай замококс, кона строяфоль XIX-це векста. Ся пингть сон перяфоль сери перяфксса[1]. Тяса 1860-це кизотнень ссылкасоль рузонь писательсь П. Н. Горский[2]. Тяниень пингть зданияса ащихть ошень администрациянь службатне.
Обелиск "Адста ворьгодема"
Боевой и трудовой славань музейсь
Воиттненди-интернационалисттненди мялямгев
Иняру благовернай князть Александр Невскяень лемс часовня
.jpg)
.JPG)
Лятфтамат
- ↑ 1 2 3 4 5 Градостроительные ориентиры российских столиц: Саранск: монография / В. Ф. Вавилин, В. А. Моисеенко, В. В. Вавилин; под общ. ред. В. Ф. Вавилина. — Саранск: Изд-во Мордов. ун-та, 2009. — С. 150—171. — 604 с. — ISBN 978-5-7103-2133-1.
- ↑ Куклин В. Н. Биографии саранских улиц. — Саранск: Мордов. кн. изд-во, 1983. — С. 69. — 160 с.
Литературась
- Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 168. — ISBN 5-7595-1662-0.