Поляков, Осип Егорович
Поляков, Осип Егорович — содаф учёнайсь, филологическяй наукань докторсь (1997), профессорсь (2000), Мордовия Республикань наукань заслуженнай деятельсь (2002), Мордовия Республикань Государственнай премиянь лауреатсь (1999).
Эряфонь киц
Поляков, Осип Егорович шачсь 1953-це кизоня 24-це апрельста тяниень Мордовия Республикань Зубово-Полянскяй райононь Паронза руз.: (Промзино) велеса сокааень-видиень семьяса. Веляземонь руз.: (Вад-Селище) школать адедамда меле сась тонафнема Н. П. Огарёвонь лемса Мордовскяй государственнай университету. Аделамок якстерь дипломса университеса тонафнеманц (1975) поступась аспирантурав Мордовиянь Правительствать видеса НИИЯЛИЭ (1978). Научнай руководителькс аспирантураса тонафнемстонза и кандидатскяй работанццты ульсь Феоктистов, Александр Павлович. Кандидатскяй диссертациянц раралазе 1980-це кизоня. 1978 кизоста сявомок — младшай научнай сотрудник, учёнай секретарь, 1983 —2000-це кизотнень — мокшэрзянь кялень секторть вятиец (1993-це киоста сявомок — мордовскяй языкознаниянь отдел, 2002-це кизоста сявомок — филологиянь и финно-угроведениянь отдел) Мордовия Республикать Правительстванц видеса НИИГН[1]. 1990-це кизоня тонафтсь мокшень кяльти Депреценскяй университетса (Венгрия).
1997 кизоня аралай докторскяй диссертация[2]. 2003-це кизоня — Н. П. Огарёвонь лемса Мордовскяй государственнай университетса мокшень кялень кафедрань вяти.
Тяда меле сон покоди Научно-исследовательскяй институтса: васенда младшай, сяльде старшай научнай сотрудникокс, учёнай секретарькс, мокшэрзянь языкознаниянь отделса вятикс (2001-це кизоста сявомок, лемдеви филологиянь и финно-угроведениянь отделкс).
Учёнайть аф ёмла путфксоц мокшэрзянь кялень наукати. Тяфта, кялень научно-практическяй конференциять, кона ётась Саранскяйса 1993-це кизоня, пцтай марнек аноклазе и ётафтозе сон. Сяльде тя конференцияса примаф решениятнень коряс ульсть нолдафт мокшень и эрзянь кяльса сёрмадомань, корхтамань и пунктуациянь правилатне, а О. Е. Поляков филологическяй наукань кандидатсь А. Н. Келинать мархта марса тяштсть «Русско-мокшанский школьный словарь». Ули путфксоц мокшень орфографиятнень нормаснон петеманонн эса (1995, 2008) Сёрмадсь лама научнай и учебно-методическяй работа, монографият, учебникт, тонафнемань пособият, валкст. Осип Егорович улихть сотксонза Библиянь ётафтомань институтть (Хельсинки ошсь) мархта, ётафтозе мокшень кяльти лия автор мархта «Идень озкст» руз.: (Детский молтвослов)(1997) и «Матфеень коряс Евангелиять»руз.: (Евангелия от Матвея) (2002).
Сёрмадсь 140-да мала научнай и учебно-методическяй работа, 5 монографият, национальнай школанди учебникт, тонафнемань пособият, валкст. Аноклась 4 наукань кандидиатт.
Профессорть наукаса сатфксонзон колга содайхть и омба масторса. Тяфта, 1994-це кизоня Международнай библиографическяй обществась казезе сонь Международнай культурань честень дипломса (Севернай Каролина штатсь, США), а 2001-це кизоня лемонц сувафтозь «XXI веконь 2000 содаф учёнайхне» книгати, кона лиссь Кембриджскяй университетса (Англияса).
Научнай трудонза
- «Русский язык в жизни мордовского народа» (1988)
- «Современные мордовские языки. Фонетика» (1993)
- «Русско-мокшанский разговорник» (1990; 1993)
- Мордовия многонациональная: взаимоотношения народов — взаимоотношения языков (1993)
- «Учимся говорить по-мокшански» (1995)
- «Мокшанский язык» (1991)
- «Атянь-атяньке и синь кяльсна» руз.: (Наши предки и их язык)(1991)
- Русско-мокшанский школьный словарь
- Мокшень орфографическяй словарь (1987)
- Мокшень-рузонь валкс (1998)
- Марса, башка, китькскя вельде («Слитно, раздельно, через дефис)» (2002)
- Мокшень кяль. Морфология: вузонь мокшень и финно-угрань отделениянь тонафнихненди учебник (2000)
- Касыксонь валкс: Шуфтонь, кусторксонь, тишень и пангонь лпене мокшень кяльса (2001)
- Мокшень и эрзянь кяльхнень фкакс- и аф фкаксшисна. Синь валлувкссна. Эрзянь ды мокшонь кельтнень вейкекс- ды аволь вейкексчист. Сынст валлувост: тонафнемань пособия (2004)
- Мокшень кяль:4 классонди (2005)
- Мокшень кяль:10-11 классненди (2007)
- Мокшень кяль: Синтаксис:9 классонди (2008)
- Мокшень кяльса общеобразовательнай школанди лингвистикань терминонь валкс (Словарь лингвистичнских терминов на мокшанском языке для общеобразовательных школ) (2011)
- Мокшень кяльса общеобразовательнай школанди математикань терминонь валкс (Словарь терминов по математике на мокшанском языке для общеобразовательных школ) (2011)
Профессорть наукаса сатфксонзон колга содайхть и омба масторса. Тяфта, 1994-це кизоня Международнай библиографическяй обществась казезе сонь Международнай культурань честень дипломса (Севернай Каролина штатсь, США), а 2001-це кизоня лемонц сувафтозь «XXI веконь 2000 содаф учёнайхне» книгати, кона лиссь Кембриджскяй университетса (Англияса).
Казненза
- Почетная грамота Президиума ВС МАССР
- Международный культурный диплом чести (Северная Каролина, США)
- Почетная грамота Государственного Собрания Республики Мордовия
Литературась
- Зиновьев, Н. В. Ступени роста : (Проблемы, перспективы нац. шк. и морд. лит.). — Саранск, 2001. — 237 с. — ISBN 5-93966-018-5.
- Мордовия: энциклопедия. Саранск, 2004
- Центр гуманитарных наук: история и современность. Саранск, 2008
- Ученые Мордовского государственного университета: биографический справочник,2011