Маркин, Олег Валентинович
| Маркин, Олег Валентинович | |
|---|---|
 | |
|
| |
|
Мордовия Республикань шумбрашинь ванфты министр
|
|
|
|
|
| Шачемац |
25-це мартста 1976-це кизоня (50 кизоц) Саранск ошсь, МАССР |
| Образованияц | Н.П. Огарёвонь лемса Мордовскяй государственнай университетсь |
| Учёнай степенец | медицинскяй наукань кандидатсь |
| Казненза | III степенень Славань орден |
Маркин, Олег Валентинович( Шачсь 25-це мартста 1976-це кизоня, Саранск ошсь) — Мордовиянь шумбрашинь ванфтомань министрсь. Врачсь-хирургсь, кона тись прянь шарфты карьера. Медицинскяй наукань кандидатсь.
Эряфонь кинц ушетксоц
Маркин Олег Валентинович шачсь Саранск ошса 1976-це кизонь 5-це мартста. Нинге шабакскиге сон ушедсь кельгомонза биологиять и химиять. Тя кельгомась и тиезе цёрать сай пингонц. Саранск ошень 33№ школать[1] шумордамда меле зрнянь медаль мархта, сон поступась Н.П. Огарёвонь лемса Мордовскяй государственнай университету «Лечебное дело» специальностти. 1999-це кизоня шумордазе вузть. Покодема ушедсь тяка кизоня клиническяй ординаторкс «Хирургия» специальностть коряс тяка вузса.
Карьерац медицинаса
Покодема ушедсь тяка кизоня клиническяй ординаторкс «Хирургия» специальностть коряс тяка вузса. Профессиональнай кинц ушедозе лездомань максыень покодикс, сатомшка вишкста ётазе кить карьерань куцемава. Тяда башка од специалистсь ушедсь покодема кандидатскяй диссертация лангса, конань аралазе 2005-це кизоня «Эффективность внутриаортальных инфузий озонированного изотонического раствора натрия хлорида при лечении комбинированной травмы» темань коряс[2].. 2005-це кизоня О.В. Маркинонь сявозь покодема С.В. Катковонь лемса Республиканскяй клиническяй больницяв, коса сон покодсь врачень-хирургонь вастса. Практикань 12 кизотне макссть теенза пяк оцю содамошит эсь тевсонза. 2018-це кизоста сявомок С.В. Катковонь лемса Республиканскяй клиническяй больницять главнай врачец 2019-це кизоня ладяф Мордовия Республикань шумбрашинь ванфты министркс, тяка пингть ашезе када практикань тевонц, тиендемок операцият, конатнень тиендемаснон покоди ялганза пелихть кундамска. О.В. Маркин «Единай Россия» партияса ащись[3].
Вастоц министерстваса
2017-це кизоста сявомок Олег Валентинович сатнезе клиникань оцюнянь полафтыень вастть, коса тяда инголе покодсь. Кизонь ётазь путфоль оцюнякс, и сон арай практикующай вятикс. Административнай кизефкснень коряс фалу заняфста ащемац, сембе сяка, ашезь ара перяфксокс, и Маркин таки тиендсь-вятсь операцият. Фкя кизоста сон тись кафта сятт операция, араламок сярядихнень, конатненди киньге изь кепсе кядец тиемс операция. Именна сонь, машты кядь врачть пингста, лездоманц вельде больницяса ушедсть эвондама тяниень пингонь эрявксне.
Сембе коллеганзон ёткса Маркин уважаемай специалист, кона эсь видесонза няфнесы, кода эряви покодемс, а тяфта жа тонафтомс од врачнень. 2019-це кизоня Олег Валентиновичень путозь Шумбрашинь ванфты министркс. Мордовиянь оцюнясь Артём Здунов путозе кяденц Указть алу Олег Маркинонь Мордовия Республикань шумбрашинь ванфтомань министронь вастти путоманц колга[4]. Олег Валентинович анок аф лоткамс сатфть лангса и тяряфты молемс инголи. Валонзон коряс «покодемась аньцек ушеткшни».
Эсь эряфоц
Рьвяяф. Касфты кафта итть[5]. Эсь эряфонц пингста врачсь ваны эсь шумбрашинц мельге. Кельгсы спортть.
Факттне
Аф лама пинге министронь ащема вастса, Олег Валентинович кенерсь пуроптомс мастер-класс, кона ётафтовсь межрайоннай больницяса покодихненди. Семинарса няфтевсть вете операцият, конатнень пингста тевс нолдафтольхть тяниень пингонь технологиятне. Семинарть пингста китькстафтольхть вярьгок вастса ащи прябалатне и синь пяшкодеманкса китне. Сембода оцюфне ётксост: велень медицинав специалистонь тердемась, ваенце лезкссь, сердечно-сосудистай и онкологическяй урматне, идень больницянь эрявиксса пяшкодемац, покодема вастонь автоматизациясь. Мзярошка ковонь потомста Маркин китькстась мзярошка аф виде ваймоса покодема ширет марнек республикаса. Эрь ёткшиня Олег Валентинович сашенды больницяв, коса сонць лична ётафни-тиенди стакадонга стака операцият. Сай пингть шарфтомс практикань тевть эзда врачсь аф срхкси.
Казненза
- III степенень Славань орден - короновирусонь пандемиять каршес тюремань путфксонкса (2020-це кизось);
- Президента Российскяй Федерациянь Почетнай грамота (2025-це кизось)[6].
Лятфтамат
- ↑ Муниципальное общеобразовательное учреждение "Средняя общеобразовательная школа № 33" (рус.). https://sc33sar.gosuslugi.ru/+(1 сентябрьста 1979). Дата обращения: 15 июльста 2025.
- ↑ Диссертация на тему «Эффективность внутрипортальных инфузий озонированного изотонического раствора натрия хлорида при лечении комбинированной травмы (экспериментальное исследование)» (рус.). Научная электронная библиотека диссертаций и авторефератов (2009). Дата обращения: 18 июльста 2025.
- ↑ Олег Маркин назначен Министром здравоохранения Республики Мордовия (рус.). https://mordov.er.ru/Единая Россия - Официальный сайт партии (11 ноябрьста 2021). Дата обращения: 15 июльста 2025.
- ↑ Олег Маркин продолжит работу на посту главы Минздрава Мордовии (рус.). Вестник Мордовии (11 ноябрьста 2021). Дата обращения: 18 июльста 2025.
- ↑ Министерство здравоохранения Республики Мордовия (рус.). Дата обращения: 21 июльста 2025.
- ↑ Распоряжением Президента Российской Федерации за достигнутые трудовые успехи и многолетнюю добросовестную работу (рус.). «ГТРК Мордовия» (19 сентябрьста 2025). Дата обращения: 1 октябрьста 2025.