Малькинскяй лувоматне

Рувики лопаста

Малькин, Александр Степанович — содаф народнай поэтсь и сёрмадысь.

Эряфонь киц

Малькин, Александр Степанович шачсь 1923 кизонь 26-це майста, Атюрьевскяй райононь Кяшал велеса ашу семьяса. Велень школать аделамдонза меле тусь тонафнема Темниковскяй педучилищав. Великай Отечественнай войнать пингста ульсь фронтса. Войнада меле покодсь шачема велесонза тонафтыкс. Тяда меле ётась эряма Саранск ошу, покодсь Мордовскяй книжнай издательстваса редакторкс, «Мокшень правда», «Комсомолонь вайгяль» газетаса корреспондентокс. Кулось 28 майста 1976 кизоня. Калмаф Кяшал эсь шачема велезонзавелезонза. Малькин Александр Степанович казьф «Якстерь Тяште» орденца, кафта медальса.

Творчествань киц

Поэтть, лемнесазь «мокшэрзянь цёфкс» руз. «мордовский соловей». Малькин А. С. кадсь эсь мельганза литературнай оцю козяши. Сон сёрмадтфонза эрь кодама темань коряс: перьфпяльти, тядяти, шачема ширети кельгомать колга. Сембода пяк таколфтыхть сёрматфонза Великай Отечественнай войнать колга. Васенце стихотворениянза печатлафтольхть нинге 1937 кизоня. Эста поэтсь аньцек-аньцек вешендезе эсь вайгяленц. Войнань кизотне, конатнень сон ётафтозень фронтса, лездсть сядонга лац содамс эряфонь крхкалмоть, шарьхкодемс ломаттнень потма ширеснон, оржалгофтозь поэтть ванфонц. «Стихт» руз. ("Стихи") васенце сборникоц лиссь 1948 кизоня, меле нолдазень мокшень кяльса «Ялгань вал» (руз. ("Слово товарища") (1952), «Славань киге» (руз. ("По пути славы") 1956 и лият. Войнать колга сембода содаф произведенияц — "Аф куломать колга"поэмаруз. Поэима"О бессмертии". А. С. Малькин сёрмадсь прозасовок. Рассказонза лиссть "Невеста№, «Кельгома стирти» башка книгаса. Ламоц произведениянза ётафтфт рузонь, марийскяй, чувашскяй и лия кяльс. Поэтическяй ниле сборниконза лиссть рузонь кяльса. Нят — «Слово дружбы» (1954), «Журавли зовут в дорогу» (1970), «Макарушка» (1971), «Осенний костёр» (1976). 1956 кизоста сявомок А. С. Малькин СССР-нь Писателень союзу сувафтфсь .

Малькинскяй лувоматнень эвондамасна

Александр Степановичень куломда меле 1993-це кизоста сявомок тячити самс эрь кизоня Мордовия Республикань Атюрень районца ётафневихть малькинскяй лувомат, конат лемтьфт А. С. Малькинонь лемс. Тя илати Атерень мастору пуромкшнихть инжихть аф аньцек Мордовия Республикать пря ошстонза — Саранск ошста, но и Россиять ласоц лия вастонястонза. Тя шиня лувондовихть Александр Степановичень стихонза, моравихть стихонзон лангс ладяф моротне и азондови лама лямбе вал тя ломанть колга, конанц инкса маряйхть гордость сембе Мордовиянь ломаттне.

Кочкаф произведеният

2025 – це кизонь 15-це апрельста Мордовия Республикань Атюрьевскяй муниципальнай райононь Атерь велеса ётафтовсть XXXII Малькинскяй лувоматне, конат лемтьфтольхть Великай Отечественнай войнань участникть, мокшэрзянь поэтть и прозаикть Александр Степанович Малькинонь лятфнеманцты (1923-1976). Мероприятиянь аноклайхнень ёткса-Мордовия Республикань культурань, национальнай политикань и архивнай тевонь Министерствась, Мордовия Республикань Правительствать видеса гуманитарнай наукань НИИ-сь и Мордовия Республикаса военно-историческяй обществань Региональнай отделениясь.

Мероприятиять ушедомда инголе азфоль Мордовия Республикань культурань, национальнай политикань и архивнай тевонь Министрть С. Н.Баулинать приветственнай валоц, кона арьсесь лувоматнень участникснонды плодотворнай работа А. С. Малькинонь наследиянц актуализациянц и содафокс тиеманц коряс. Приветственнай валхт тяфта жа азсь НИИГН-ть директороц, Мордовия Республикаса РВИО-НЬ РО-ть председателец, историческяй наукань докторсь, профессорсь Г. А. Куршева и мокшэрзянь народть Межрегиональнай общественнай организациянц председателец, филологическяй наукань докторсь, профессорсь Ю. А. Мишанин[1].

Книганза

  • Малькин А. С. «Стихт». — Саранск: Мордовскяй книжнай издательствась, 1948. — 54 л.;
  • Малькин А. С. «Ялгань вал: Стихт». — Саранск: Мордовскяй книжнай издательствась, 1952. — 80 л.;
  • Малькин А. С. «Славань киге: Поэмат». — Саранск: Мордовскяй книжнай издательствась, 1956. — 72 л.;
  • Малькин А. С. «Кельгома стирти: Расскаст». — Саранск: Мордовскяй книжнай издательствась, 1959. — 72 л.;
  • Малькин А. С. «Саша: Стихт». — Саранск: Мордовскяй книжнай издательствась, 1960. — 16 л.;
  • Малькин А. С. «Мода: Поэма». — Саранск: Мордовскяй книжнай издательствась, 1960. — 72 л.;
  • Малькин А. С. «Раднят: Стихт». — Саранск: Мордовскяй книжнай издательствась, 1962. — 68 л.;
  • Малькин А. С. «Лямбе пильгокит: Поэмат». — Саранск: Мордовскяй книжнай издательствась, 1968. — 80 л.;
  • Малькин А. С. «Макарня: Стихт». — Саранск: Мордовскяй книжнай издательствась, 1969. — 40 л.;
  • Малькин А. С. «Панжадонь седихть: Кочкаф стихт и поэмат». — Саранск: Мордовскяй книжнай издательствась, 1973. — 144 л.

Литературась

Самородов К.Т. Мордовская литература и критика 1860-1963: Библиогр.указ.. — Саранск, 1964. — С. 53—54.

Мордовские писатели - детям: Указ.лит. — 2-е перераб. и доп.. — Саранск, 1987. — С. 92—94.

Лятфтамат

  1. ↑ XXXII Малькинские чтения (рус.). Научно-исследовательский институт гуманитарных наук при Правительстве Республики Мордовия. Дата обращения: 9 ноябрьста 2025.

Ссылкатне

Сявф"https://mdf.ruwiki.ru/w/index.php?title=Малькинскяй_лувоматне&oldid=393749"-ста