Ельмеев, Григорий Ильич
 | Тя статьяса кулоф ломанть эряфонь кинц колга апак няфтть кулома вастоц. |
| Григорий Ильич Ельмеев | |
|---|---|
 | |
| Шачсь | 26-це ноябрьста 1906-це кизоня |
| Шачема вастоц | |
| Кулось | 1941-це сентябрь (34 кизоц) |
| Гражданство (подданство) | |
| Тевтиемань родсь | СССР, педагог |
Ельмеев, Григорий Ильиич (26-це ноябрьста 1906-це кизоня, Сузгярьге, Пензенскяй губерниясь[d] — 1941-це сентябрь) — советскяй мокшень поэтсь, педагогсь, мокшэрзянь литературать вятиензон эзда фкясь. Великай Отечественнай войнаса улись[1].
Эряфонь киц
Григорий Ельмеев шачсь 26-це ноябрьста 1906-це кизоня Сузгярьге велеса (тяни Мордовиянь Рузаевскяй районца) сокаень-видиень семьяса. Национальностьс коре мокша. Шумордазе велень школать. 1933-це кизоста сявомок якась учительскяй курсас Саранскяйса. Синь шумордамдост меле мрдась шачема велезонза, покодсь начальнай школань тонафтыкс. Великай Отечественнай войнать ушедомста тусь фронту. Шавовсь 1941-це кизонь сентябрьста.
Ельмеевонь литературнай теввятемац сашендови 1930-це кизотнень лангс. Васенцеда стихонза ульсть нолдафт 1933-це кизоня «Колхозонь эряф» (руз. «Колхозная жизнь») журналса «Ушеткшни поэт» рубрикать ала. Лисендсть сёрматфонза и «Мокшень правда» и лия периодическяй изданиятнень эса. Ельмеев арай мокшень поэтть М. И. Безбородовонь меьге моликс. Сёрмады перьфпяльть, иттнень колга стихотворениянь цикла. «Ёжка» и «Маза-таза» поэматнень-ёфкснень эса, конат сёрматфт 1940-це кизоня, келиста нолдасыне рузонь фольклоронь мотифнень. Ельмеевонь сембода оцю сёрматфонзон эзда лувондови «Полю» поэмась, кона печатлаф осенью 1940-це кизонь сёксенда. Тяса азондови Полю мокшавать эряфонц колга, дочери пастуха, кона тюри советскяй азорондамать ладяманц-кемокстаманц инкса и, кона арай политическяй руководителькс. «Полю» поэмаса тяфта жа маряви ритмико-композиционнай стиль.
Семьяц
- Рьвяц — Домна Григорьевна Ельмеева[2];
- стирец — Зинаида Григорьевна Князькова (шачсь 1939), сюреса сёрмадысь.
Сёрматфонза
- Ёжка. — Саранск, 1958.
Лятфтамат
- ↑ Ельмеев Григорий Ильич. Память народа. Дата обращения: 14 ноябрьста 2025.
- ↑ Информация из документов, уточняющих потери в электронном банке документов ОБД «Мемориал»
Литературась
Мордовские писатели — детям указатель литературы / сост. М. М. Мудрова, Мин-во культуры МАССР. Морд. Респ. детская библиотека. Добровольное об-во любителей кн. МАССР. — Саранск: Морд. кн. изд-во,, 1987. — 182 с.