Команмелна

Команмелна
Страна происхождения	Россия  Маринь Республикась[d]
Продукты
Основные	Почф вайвелез[d]
Команмелна

Команмелна́, Кома́н мелна́ (луговомар. команмелна — колмнзаф пача, слоёные блины; горномар. команмеленӓ, сев.-зап. мар. команмелнӓ)— почфста ярхцамбяль. Мариецнень национальнай ярхцамбяльсна.

Команмелна марийскяй пачатне

Эвондамац

Марийскяй ярхцамбяльсь аш кода лемдемс изысканнайкс. Сон анокламац пуромкшнесь-эвондакшнесь аф фкя сядот киза, но сяс мес мари народсь ульсь аф козя, сонь лувкссонза ламось ульсь ямксста и сёронь товста.

Ярхцамбяльсь ащи колма фкя-фкянь лангс путф пачаста, конат пидефт эрь кодама почфста. Лемрц тя ярхцамбяльть эвондась марийскяй«коман» — руз.: (слоёный) и «мелна» руз.: (блин) валхнень эзда. Тя пачатнень нинге лемнесазь «колма серень» пачакс. Алдонь пачанди шорсихть туста аф шапафтфт шапакс, мяда сидеста розьбочфонь, кайсихть тоза ал и салня. Тя шапаксть лапшкофтсазь шуваня пачанякс, 1,5-2 см эчколмаса пачкалгть корява, цютькада эждьсазь пянакудса куяса ватьф пачкалга лангса. Мзярда пачась цютькада «мазоми», путсазь омбоце пачать, кона шоряф пинем почфста эслек шапамф лофцонь (ули кода сявомс эсезонза шапамф лофца) или вайвелез мархта. Омбоце пачанди шапакссь эряви тиемс пяк тустста, кода вайвелезсь, шорямс почф мархта. Омбоце пачать тага тонгсазь аф ламос пянакуду цютькада штоба пидеволь и валхтоволь пачкалгста. Меле путсазь колмоце пачать Колмоце пачанди сявови пинемонь тофт и 8-10 част лопафневи лангса и шяняфтфт ваень лятксса. Ямкс араф шоваркст лапасазь омбоце пачать лангс, и пачатнень пидесазь мазомозост. Пидемда меле анок команмелнать ётафтсазь лапш тарелка лангс и лангонц вадендьсазь шяняфтф и скал вайса. Пси пачатнень макссесазь целиком, кой-коста керсесазь пяльксонь-пялькс. Пачась ащи колма пяльксста, и сталмоц таргай 100 грамм, эрь пяльксть эчколмац 6-7 мм, тюсоц мазы-тюжя.

Мезьста аноклави

Вярце пачась пицеви 150 грамм пинемонь почфста и 250 грамм вайвелезста. Кучкастось — 50 грамм пинемонь почфста, 100 грамм вайвелезста и 150 грамм эслек шапамф лофцста или кефирста. Алдонь пачти эрявксты 300 грамм тозеронь почфста и 3-4 ал. Команмелна пачатне пицевихть аф фкя лаца. Кой-кона азоравась шапаксонди нолни тевс розьбочфт, манка, курурузань почфт.

Сервировкась

Васенда тя ярхцамбяльть пицелезь пачкалга лангса пянакудса. Шкайхненди озондомста тя ярхцамбяльсь ульсь васенцетнень ёткса марийскяй традиционнай религияса.

Культураса и литератураса

Марийскяй писательхне эсь сёрматфснон эса сидеста ляфтнесть маринь народть ярхцамбяльснон. Марийскяй литературань классиксь М. Шкетан 1935-це кизоня сёрмадсь юмористическяй рассказ «Команмелна». Тоса сон пачань кельгихнень лангса:

Кие васенцесь арьсезень команмелнатнень — тяни азомс стака. Улема, кати-мзярда пяк кунара синь арьсезень эчке ломань. и улема сон ульсь козя. Сон кядялонза покодсть сивотьф ломатть, а сонцень аньцек и арьсекшнесь сянь колга, кода сяда танцтиняста ярхцамс. Азорсь, улема петцесь медь и шорсесь пуре, а азоравась, улема, пачат ды эрь кодама пяряканят пицесь. Вот, улема, эста и эвондась, команмелнась.

Кивок аф арси каршек, што команмелнась — танцти ярхцамбяльсь. Эряви кафта сортса почф, ланга, мичке, вай. Васендакиге ашу ломантть кардсонза ашель траксоц, сяс теенза и афоль арьсев комнамелнась, сянкса и сюцемс сонь тянкса аш мезенкса.

Оригинальный текст(руз.)[няфтемскяшемс]

Кто первый придумал команмелна – теперь установить трудно. Возможно, очень давно изобрела их какая-нибудь толстуха. И очевидно, это была богачка. В её хозяйстве работали батраки, а сама она только и заботилась о том, как и чем лучше полакомиться. Хозяин, должно быть, цедил мёд и варил бражку, а старуха, наверно, блины да разные пирожки пекла. Вот тогда, вероятно, и команмелна появились.

Спору нет, команмелна – богатое кушанье. Нужна двух сортов мука, сливки, творог, масло. Прежде у бедняка на дворе не было коровы, он и не мог придумывать команмелна, и ругать его поэтому за них нечего.

Сембонди максф вастса ули кода кулхцондомс «Команмелна» аудиокнигать Марий Эл Республикань народнай поэтть Сабанцев, Геннадий Леонидовичень азондомаса .

Марийскяй рэперсь Шып Лий и актриса сьКачери Бавай нолдасть трек «Коман мелна» – лемсь сёрматф 2011-да кизода инголе сире орфографиять коряс, штоба мазыста маряволь «Коман» валсь и анг.: Come on.

Ванк нинге

• Блины
• Пачат
• Ынджера
• Качапа
• Кайзершмаррн

Лятфтамат

Литературась

• Пища и утварь // Марийцы. Историко-этнографические очерки. — Йошкар-Ола: МарНИИЯЛИ, 2005. — С. 108—117. — 336 с. — 2000 экз. — ISBN 5-94950-027-X.
• Юадаров К. Марийская крестьянская кухня.— Йошкар-Ола, 2009.— С. 7

Ссылкатне