Дорофеев, Захар Фёдорович

Захар Фёдорович Дорофеев
Шачема лемсь	Захар
Шачема вастсь	Салазгорь велесь, спасскяй уездсь, Тамбовонь аймакса
Кулось	18 июльста 1952(1952-07-18)
Покодемань тиендемац	поэт

К:РУВИКИ:Статьи без изображений (тип: не указан)

Захар Дорофеев (руз.: Захар Фёдорович Дорофеев; Шаблон:Шачсь 1890 — Шаблон:Кулось 1952) — мокшень валморайсь, ётафтысь, сёрмадысь, тонафтысь, од мокшень кяльвалть ушедыец. Шачсь эйзюрговть 24-це шистонза, 1890 кизоня Салазгорь велеса Спасскяень уездса, Тамбовонь аймакса (тяни Мордовия Республикась Тарбеюнь аймаксь) мокшень тналса.

Школаса тонафнемац

Захар Фёдорович Дорофеев аделазе Виндрейскяй кафта классонь школать, и кода пяк лац тонафни 1905 кизоня примафоль Казанскяй инородческяй семинарияв. Тяса и ушедсь валморонь тяштема.

Сёрмадомац

Сёрмадсь мокшень, рузонь кяльса. Валморосонза улихть мотифт, коса маряви Шкайти пшкядемась. Кочксезень мокшень фольклорть, ётафнезень синь рузонь кяльс (ёфкст: «Пяльхкяпряня», «Ленгянь и сиянь кошельня», «Колма братт колмонест», «Кода цёрась служась солдатонди» и стак тов). 1912 кизоня Москуса лиссь «Песни и думы народного учителя (Ломанень тонафтыть моронза-арьсеманза)». Валморонь кярьксоц, кона лувондови ушетксокс мокшень кяльвалти. Захар Дорофеев тюрсь Масторлангонь васенце тюрембингса. Войнада мельдень кизотнень вятсь тонафтыень и ломань пуромксонь тефт. Сонь лезксонц вельде Мокша масторса и Пенза аймакса панчфтольхть мокшень тонафтома вастт. Сон сёрмадозе «Валда ян» букварть, «Пиже пакся» морафтома книгать, мокшень тонафтома вастонди методикань вятемань валкст. Ётафтозе мокшень кяльс М. Ю. Лермонтовть, А. В. Кольцовть, Н. В. Некрасовть, Ф. И. Тютчевть валмороснон. З.Ф. Дорофеевонь произведениянза, конатнень ёткса улихть аф аньцек стихт и морот, но и азкст, нолдафт кафта книгаса и лемтьфт "Кочкаф сочиненият". Васенце книгаса (лиссь 1964 кизоня) печатлафт произведениянза рузонь кяльса, омбоцеса (лиссь 1965 кизоня) - мокшеннеса. 1990 кизоня Мордовиянь книгань нолдамаса лиссь «Пацяяф мяльхть» сонь книгац.

Покодемац

1909 к. покодсь Темниковскяй уездонь Паксянь Ордаж велеса тонафтыкс. 1918 к. путфоль Темниковскяй УОНО-нь оцюнякс. 1923 к. ётафтфоль РКП(б)-нь Пензенскяй губкому, а курок путфоль РКП(б)-нь ЦК-ть мордовскяй секциязонза секретарькс. Покодсь редакторкс Учпедгизса, ульсь Великай Отечественнай войнаса.

Книганза

• «Песни и думы народного учителя/Ломанень тонафтыть моронза-арьсеманза». Моску, 1912
• «Валда ян» мокшень букварь, 1925
• «Пиже пакся» морафтома книга, 1928
• «Окрылённые мечтания /Пацяяф мяльхть.» Саранош, 1990

Захар Фёдорович Дорофеев кулось лямбековть 18-це шистонза 1952 кизоня Москуса.