Мокшэрзянь букварьхне
Мокшэрзянь васенце букварьхне (руз. Мордовские буквари) — васенце книгатне, конатнень вельде мокшэрзятне ушедсть содама сёрмас.
Эвондамаснон эрямопингсна
Букварсь – тя васенце учебниксь, конань коряс тонафнихть содамашинь пяшкодемати[1].
1867-це кизоня Казаньца пуроптфоль святительть Гуриень братствац, конань тевоц ульсь Россиянь нароттнень христианствав сувафтомасна и тонафнефтемасна. Сонь тевонц вельде 1870-це кизотнень эзда сявомок, сяда лама ушедсть лисендема книгат мокшень и эрзянь кяльхнень эса. Нолявихть аф аньцек религиознай тексттне, конатне ётафневсть мокшень и эрзянь кяльс, но нинге эвондакшнихть букварьхть, а тяфта жа художественнай произведеният и фольклорнай материалхт. Сяс мес мокшень и эрзянь педа-пес тиф алфавитт нинге ашельхть, пцтай эрь изданияса сёрматфсь аф фкя лацоль. Но сёрмать фкя стандратс сувафтомань тяряфнемат ни тиендевсть. Тяфта, эрзянь букварть автороц-кочкаец А.Ф. Юртов тись графическяй система, конань кода аф кода нолязе тевс эсь трудонзон эса.
Лама пингонь перьф мокшэрзятнень сёрмас аф содай шабасна тонафнесть церьковнай книгатнень коряс. Васенце букварть кочкаец А.Ф.Юртов. Сон кочксесь материалхт мокшэрзятнень шкайти верондамаснон колга, а тяфта жа корхтамань кяльть колга, ётафнезень церковнай книгатнень эрзянь кяльти.
1884-це кизоня Авксентий Юртов нолдазе васенце букварьть «Букварь для мордвы-эрзи с присоединением молитв и русской азбуки», кона ащи кафта пяльксста: «Букварь для обучения мордовских детей грамоте» и «Русская азбука в алфавитном порядке с старинными названиями букв». Омбоце букварсь «Букварь для мордвы – мокши» и «Букварь для мордвы –эрзи» лиссь 1892–це кизоня. Сонь кочкаец ульсь мокшэрзянь содаф ученайсь — Евсевьев, Макар Евсевьевич. Мокшэрзянь литератураса лац содаф Дорофеев, Захар Фёдоровичень лемоц, кона тись пяк лама мокшень литературать виияфтомаса. 1925-це кизоня сон нолдазе васенце мокшэрзянь букварть «Валда ян» мокшень кяльса. И сяда тов нолнесь учебникт школаса мокшень кяльса тонафни шабатненди. Советскяй кизотннь ушеткснон пингста тевсь полафтсь и 1924-це кизоня марнек мокшетненди ноолдафоль ни 4 книгат, а 1927-це кизоня – 23. Эрзянь кяльса тонафнихненди 1924-це кизоня лиссь 9 книгат, 1927-це кизоня – 33. Аф ваномок тевть цебярь шири полафтоманц лангс, книгатне исть сатне, мезть колга корхтасть Наркомнацу и Наркомпросу саф сёрматне[2]. Сембода мяльс туфольхть Ф. Завалишинонь и Д. Орхидеянь букварьсна, а тяфта жа «Мокшень-букварь» (1922) и эрзянь кяльса Е. Скобелевонь «Туньдонь чи»( руз. «Весеннее солнце»)(1923). Тонафнемань васенце изданиятне З. Ф. Дорофеевонь мокшэрзянь художественнай литературань ушедыхнень эзда фкять, 1925 -1926 кизотнень пингста мокшень школатненди лиссь букварец «Валда ян» (1925), оцюфненди «Мокшень валкс» (1926) букварсь, морафтоманди васенце книгась «Од веле» (1925).
Эрзянь кяльса лиссть А. Рябовонь букварец оцюфненди «Валдо чи» (1925), Ф. Чесноковонь, Т. Даниловонь, В. Скобелевонь и В. Потаповонь «Од чи» (1926) букварьхне и и «Од кой» (1928). Кальдявста сёрмань содайхненди Я. Григошин 1926-це кизоня аноклась книга «Васень пулт» (руз. «Первый сноп»), а Ф. Чесноков, Т. Данилов и А. Рябов аноклазь эрзянь кяльса васенце книгать морафтоманди букварьда меле «Лисма пря» (руз. Источник).
Букварьхне
- Букварь для мордвы-мокши: 1-е изд., 2-е изд. Казань, 1892, 1897;
- Дорофеев З. Ф. Валда ян. М., 1925.
Эрзянь кяльса
- Букварь для мордвы — эрзи с присоединением молитв и русской азбуки. Казань, 1884;
- Букварь для мордвы-эрзи. Казань, 1892;
- Тундонь чи. Эрзянь букварь. М.-Пг., 1923;
- Данилов Т. Валдо чи. М., 1926.
Васенце букварьхне мокшень и эрзянь кяльса
Букварть лангаксоц
Лятфтамат
- ↑ Первый букварь мордовского народа (рус.). Ильтеряковская модельная сельская библиотека. Дата обращения: 9 октябрьста 2025.
- ↑ Инфоурок «Первые мордовские буквари» (рус.). Национальная библиотека им. А.С. Пушкина (12 февральста 2021). Дата обращения: 9 октябрьста 2025.
Литературась
- Феоктистов А. П. Очерки по истории формирования мордовских письменно-литературных языков. — Саранск: Мордовское книжное издательство, 2008. — 392 с. — 1000 экз. — ISBN 978-5-7595-1753-5.
- Кубанцева И. А. Первые учебные и справочные издания для мордвы // Регионология: Научно-публицистический журнал. — 2014. — № 1 (86). — С. 199 - 210.
- Кубанцева И. А. Организация национального книгоиздания у народов Поволжья (октябрь 1917–1929 г.) // Финно-угорский мир. — 2013. — № 1 (86). — С. 14 - 49.