Антонова, Мария Николаевна
| Мария Николаевна Антонова | |||||
|---|---|---|---|---|---|
 | |||||
| Основная информация | |||||
| Лемоц марнек | |||||
| Шачема шиц | 26 августста 1926 | ||||
| Шачема вастоц | |||||
| Кулома шиц | 1 мартста 2020 (93 кизоня ) | ||||
| Кулома вастоц | Саранск ошсь, Россия | ||||
| Странась |
 СССР →  Россия |
||||
| Профессиянза | морайсь | ||||
| Морамань вайгялец | контральто[d] | ||||
| Казненза |
|
||||
Мария Николаевна Антонова 24-це августста 1926-це кизоня, Левжа, Пензенскяй губерниясь[d] — 1-це мартста 2020-це кизоня, Саранск ошсь — масторлангса содаф мокшэрзянь морайсь. РСФСР-нь народнай артисткась.
Эрямокиц
Шачсь 24-це августа 1926-це кизоня Левжа мокшень велеса (тяни Мордовия республикась Рузаевскяй районць)[1].
1945-це кизоня шумордазе Мордовскяй студиять Саратовскяй консерваториять видеса.
Тяса тонафнемада меле арась Мордовиянь музыкальнай театрань хоронь артисткакс, а 1948-це кизоста ушедомок — «Умарина» кштимань и морамань ансамбляти солисткакс.
1955-це кизоста ушедомок, 1993-це кизоти самс ульсь солисткакс Государственнай мокшэрзянь филармонияса.
Мария Николаевна Антоновась морсесь мокшень, эрзянь и рузонь народнай морот, советскяй композиторхнень сёрматфснон. Сон сембода цебярьста российскяй морайхнень ёткста фкясь лирическяй моротнень морамаснон коряс.
Мария Николаевнань сотцелезь сонцень, а меле марнек Мордовияса «Умарина» мороть вельде.
Васенцеда «Умарина» мороть М. Н. Антоновась моразе 1957-це кизоня Од ломанень и студентонь всемирнай фестивальса руз. (Всемирный фестиваль молодёжи и студентов Москуса. Морось пяк вишкста арась сембода содавикс и кельговикс народнай морокс Мордовияса.
М. Н. Антоновать лемоц сувафтф Мордовскяй АССР-нь героизмань и трудовой доблестень книгас руз. (Книга трудовой доблести и героизма Мордовской АССР).
Мария Николаевнань колга тифт кафта музыкальнай фильмат. РСФСР-нь заслуженнай артистсь В. Акашкин радиваса аф весть морафнезе кулхцондыхненди Россиянь Писателень союзу сувафтфть, мокшень поэтть А. Норкинонь «Цёфкс» поэманц, кона лемтьф М.Н. Антоновати.
Казненза и премиянза
- народная артистка РСФСР (04.01.1980)
- заслуженная артистка РСФСР (08.03.1960)
- народная артистка Мордовской АССР (1969)
- заслуженная артистка Мордовской АССР (1957)
- Государственная премия Мордовской АССР (1971)
- Государственная премия Республики Мордовия (2002)
- орден «Знак Почёта»
- орден Дружбы народов
- Почётный гражданин Республики Мордовия (2000)
Лятфтамат
Литературась
Все о Мордовии : Энцикл. справ. / [Сост. Голубчик Е. М. и др.]. — Саранск: Морд. кн. изд-во, 1997. — 713 с. — ISBN 5-7595-1028-2.