Щипакин, Иван Алексеевич

Внешние изображения
Внешние изображения
	Личной листок по учёту кадров

Внешние видеофайлы
Внешние видеофайлы
	Герой Советского Союза ; Иван Алексеевич Щипакин
	Герой Советского Союза Иван Щипакин на Первом канале

Иван Алексеевич Щипакин
Иван Алексеевич Щипакин
Шачема шиц	20-це декабрьста 1923-це кизоня
Шачема; вастоц	Ромодановскяй районць[d], Ардатовскяй уездсь[d], Симбирскяй Губерниясь[d], СССР;
Кулома шиц	17-це февральста 2016-це кизоня (92 кизоц)
Кулома; вастоц	Ставрополь[d], Россия;
Принадлежностсь	СССР
Войскань родсь	связень войскат
Служама кизонза	1942—1971
Званияц	Майор
Сражениятне/войнатне	Великай Отечественнай война;
Отставкаса	партийнай и административнай тефт

Щипакин, Иван Алексеевич (20-це декабрьста 1923 — 17-це февральста 2016 — отделениянь командирсь 167-це гвардейскяй связень башка батальононь (108-це гвардейскяй стрелковай дивизиясь, 46-це армиясь, 2-це Украинскяй фронтсь). Майор. Советскяй Союзонь Герой (24.03.1945).

Эряфонь киц

Шачсь 20-це декабрьста 1923-це кизоня тяниень Мордовия Республикань Ромодановскяй райононь Курмачкасы велеса сокаень видиень семьяса. Школада меле шумордазе Саранскяень велень хозяйствань техникумть. Покодсь слесарькс ошень теплоэлектроцентральса,меле тоса получась электросварщиконь специальность. 1941-це кизонь декабрьста бригаданц мархта ульсь кучф Кировскяй области ши мадома ширде ускф военнай завоттнень петема-ладяма.

Великай Отечественнай войнась

Якстерь Армияв тертьф 1942-це кизонь майста Удмуртскяй АССР-нь Глазовскяй РВК-ть вельде. 1942-це к изонь сенябрьста сявомок ульсь Закавказскяй фронтса, 1944-це кизонь сентябрьста — 2-це Украинскояй фронтса. Воявась Ставропольяса, Севернай Кавказса, Кубаньца, нолдась Украинать, Молдавиять, Румыниять и Венгриять эса. Сяськома шить васьфтезе Австрияса.

Подвигсь

Казема лопастонза^[1]:

Дунай Ляйть видева ётамста Эрчить маласа 5-це декабрьста 1944-це кизоня васенце венчть мархта лиссь види трвазонза и вии толть ала ладязе сотксть васенце стрелковай батальонца.
Мзярда врьгятнить снаряднзон сязендевоманзон ала сересь ульсь тапаф и салазе ведсь, геройсь-связистсь аф ваномок даволкс ащи ляцендематнень ала тага ётась ляйть туркс итага кармась тиема-аноклама од линия сотксонди. Види берякти маладомста венчсь ульсь тапаф снарядса, а кабельсь ашкорявсь катерть винтонц перьф. Щипакин сувась ведти, орадозе кабельть и пачфтезе линиять батальонти, конань вельде и вятевсь бойть мольфтемац и минь артиллерияньконь толонц ляцедемац повомац.

СССР-нь Верховнай Советть Президиумонц Указонц коряс 24-це мартста 1945-це кизоня фронтса Командованиять боевой заданиянзон пяшкодеманкса немецкяй врьгятнихнень каршес тюремста и тяка пингть отвагань и геройствань няфтнманкса гвардиянь старшай сержантть Иван Алексеевич Щипакинонди максф Советскяй Союзонь Герой лемть и казьф Ленинонь орденоц и «Зрнянь Тяште» медальсь^[2].

Войнада мельдень пингсь

Войнада меле сяда тов служась армияса. 1971-це кизоня майорсь Щипакин — запасса. Шумордазе Ставропольскяй педагогическяй институтть. Ульсь партийнай и административнай работаса. Аф весть кочксевсь депутатокс народнай депутатонь Ставропольскяй краевой Советса .

2005-це кизоня ульсь Сяськомань юбилейнай парадса Москуса. Эрясь Ставропольскяй крайса. Кулось 17-це февральста 2016-це кизоня Ставропольса^[3].

Казненза

«Зрнянь Тяште» медаль ]] (24.03.1945)^[1]^[2];
Ленинонь орден (24.03.1945);
Отечественнай войнань I-це степенень орден (11.03.1985)^[4];
«Почётонь Тяште» кафта ордетт;
«Отваганкса» медаль (28.07.1943)^[5];
«Кавказть аралманкса» медаль;
Ставрополень почётнай гражданин.

Мялямсь

Геройть бюстонза ладяфт Ставропольса и шачема ширесонза, Ромоданова руз. (Ромоданово) поселкаса (Мордовия).
Курмачкасы велеса ладяф мяляфтомань седяф.
Ставропольса Иван Щипакинонь лемонц каннесы фкя курось «Перспективный» микрорайонца^[6].

Лятфтамат

↑ ¹ ² Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 56. Л. 104, 105)..
↑ ¹ ² Указ Президиума Верховного Совета СССР в электронном банке документов «Подвиг народа» (архивные материалы ЦАМО. Ф. 33. Оп. 686046. Д. 28. Л. 12)..
↑ В Ставрополе ушёл из жизни Герой Советского Союза Иван Щипакин.
↑ Карточка награждённого к 40-летию Победы в электронном банке документов «Подвиг народа»..
↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 682526. Д. 1289. Л. 4, 50, 51)..
↑ Улицы в Ставрополе называют именами героев (неопр.). ГТРК «Ставрополье» (14 августста 2019). Дата обращения: 16 августста 2019.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Ссылкатне

Иван Алексеевич Щипакин (рус.). Сайт «Герои страны».
Ильинов И. Фронтовой связист Иван Щипакин — Герой Советского Союза // Ставропольская правда : газета. — 2011. — 9 декабрьста.
Облогина О. Какой ценой досталась звезда Героя Союза ставропольскому ветерану войны // Аргументы и Факты : Ставрополь. — 2013. — 8 майста.
«Свой добрый век живу для людей» // Победа : газета Ромодановского района. — 2014. — 10 январьста.
Краеведческий проект «Созвездие Героев»: Щипакин Иван Алексеевич - Национальная библиотека им. А. С. Пушкина Республики Мордовия

[нлГСС-1] ¹ ² Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 56. Л. 104, 105)..

[ГСС-2] ¹ ² Указ Президиума Верховного Совета СССР в электронном банке документов «Подвиг народа» (архивные материалы ЦАМО. Ф. 33. Оп. 686046. Д. 28. Л. 12)..

[3] В Ставрополе ушёл из жизни Герой Советского Союза Иван Щипакин.

[4] Карточка награждённого к 40-летию Победы в электронном банке документов «Подвиг народа»..

[5] Наградные документы в электронном банке документов «Подвиг народа» (архивные материалы ЦАМО. Ф. 33. Оп. 682526. Д. 1289. Л. 4, 50, 51)..

[6] Улицы в Ставрополе называют именами героев (неопр.). ГТРК «Ставрополье» (14 августста 2019). Дата обращения: 16 августста 2019.

[1]

[2]

[3]

[4]

[5]

[6]