Шунеев, Фёдор Герасимович

Фёдор Герасимович Шунеев
Фёдор Герасимович Шунеев
Шачема шиц	24 апрельста (7 майста) 1907
Шачема; вастоц	Андреевка[d], Ардатовскяй уездсь[d], Симбирскяй Губерниясь[d], Россиянь империя[d];
Кулома шиц	9 майста 1972 (65 кизоц)
Кулома; вастоц	Андреевка[d], Оцю Игнатовань район, Мордовскяй Автономнай Советскяй Социалистическяй Республикась[d], РСФСР, СССР;
Принадлежностсь	СССР
Служама кизонза	1937—1940; 1941—1945
Званияц	Старшай сержант
Сражениятне/войнатне	Советско-финляндскяй войнась[d]; Великай Отечественнай война;

Фёдор Гера́симович Шуне́ев — противотанковай орудиянь командир 429-це башка истребительно-противотанковай дивизиононь 306-це стрелковай дивизиянь 43-це армиянь 1-це Прибалтийскяй фронтонь, старшай сержантсь. Советскяй Союзонь Геройсь (1945 год).

Эряфонь киц

Шачсь 24-це апрельста 1907-це кизоня тяниень Мордовия Республикань Большеигнатовскяй райононь Андреевка велеса сокаень-видиень семьяса. Эрзя. Шумордазе начальнай школать. Покодсь колхозса шачема ширесонза, Горькай ошса рабочайкс Карелияса Прионежскяй районца«Ладва» машина кинь станцияса.

Якстерь Армияса 1937—1940-це кизотнень, советско-финскяй войнаса 1939—1940 кизотнень улись. Оду тертьф армияв запасста 1941-це кизоня. Великай Отечественнай войнань толу китнень эса 1942-це кизонь ноябрьста сявомок, полковой школань аделамда меле. ВКП(б)/КПСС-у сувафтфвсь 1943-це кизоста сявомок.

Подвигоц

Противотанковай орудиянь командирсь 429-це башка истребительно-противотанковай дивизиононь старшай сержантсь Фёдор Шунеев обашка няфтсь пря Белоруссиянь Минскяй областень Вилеяскйть и Мядельскяй районть нолдамста «Багратион» Белорусскяй операциять пингста (1944).

4-це июльста 1944-це кизоня Гуменники велеть видеса, кона ащи тяниень пингонь Нарочь агроошть видеса (Кобыльник), автомашинась взводонь командирть Кухарскяень и артиллерийскяй расчётть старшай сержантть Шунеевонь мархта повсть автоматнай и ружейнай толть алу. Сисем ломаньцта шиса лядсть колмось. Старшай сержантсь Шунеев кафта боецнень мархта ладясь васта араламанди и 40 инутат кирдсть врьгятнихнень эса. Лездыхнень самда меле, врагсь ульсь паньф сатф вастснон эзда и теест савсь потамс.

5-це июльста 1944-це кизоня Ф. Г. Шунеевонь орудийнай расчётоц кирдезень врагть кафта врьгятеманзон, крьвястезь танкаснон и «Фердинанд» самоходнай орудияснон, машфтсть врьгятиень ротада лама солдат. Колмоце врьгятемать пингста, снарядсь повсь ордияти и тапазе. Фкя солдатсь ульсь шавф, омбоцесь — стакаста ранендаф. Старшай сержантсь Шунеев тяфта жа ульсь ранендаф, но тюрема паксяста изь ту. Сон салава шаштсь шабра орудияти, коса сембе ни солдаттне шавфтольхть. Ляцендемок гитлеровцнень лангс орудияста, теенза удалась кирдес лездыхнень самс. Ёжефтома ульсь муф орудиять ваксса омбоцеда ранендамда меле.

Казнень лопаста

Казнетне

СССР-нь Верховнай Советть Президиумонц Указонц коряс 24-це мартста 1945-це кизоня командованиять заданиянзон пяшкодеманкса и пяк лац прянь няфтеманкса тюремста гитлеровецнень каршес и сяконь лувксса мужествань и героизмань няфтеманкса старшай сержантти Шунеев Фёдор Герасимовиченлди максф Советскяй Союзонь Герой лемсь, казьф Ленинонь орденоц и «Зрнянь Тяште» медальса.

Казьф Ленинонь орденца, Славань 3-це степенень орденца, мзярошка медальса.

Мялямсь

Войнада меле воинць-артиллеристсь, пчкафтомок фронтонь рананзон, демобилизовандафоль. Мрдась шачема велезонза, коса покодсь бригадиркс, колхозонь председательти полафтыкс, партийнай организациянь секретарькс. Пенсияса покодсь колхозса сторожкс. Кулось 9-це майста 1972-це кизоня. Калмаф шачема велесонза.

Большеигнатовскяй райононь Андреевка велеса, коса эрясь Советскяй Союзонь Геройсь Ф. Г. Шунеев, ладяф лятфнемань седяф.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — 607 с. — 65 000 экз.
Геройская быль. — Саранск: Мордкиз, 1985.
Фралоў П. Бой ля вёскi Гуменнікi // Нарачанская зара. — 1966. — № 183 (3414; 10 лістапада).

Ссылкатне

Фёдор Герасимович Шунеев (рус.). Сайт «Герои страны». Дата обращения: 9 июльста 2014.
Краеведческий проект «Созвездие Героев»: Шунеев Фёдор Герасимович
Шунеев, Фёдор Герасимович — Энциклопедия Руниверсалис