Тонафнема кизось
| Тонафнема кизось | |
|---|---|
 Праздничнай линейкась «Протон» школаса, 2017 кизонь 1-це сентябрьста | |
| Тевс нолдама вастсь | Образованиясь |
Тонафнема кизось (руз. Уче́бный год) — тя пингонь ётка, кона няфтьсы образовательнай учреждениятнень эса тонафнемань тефнень вятемаснон[1].
Шарьхкодемац
«Тонафнема кизось» шарьхкодемась шарьхкодеви кода тонафнемань мольфтемань цикла, лувф кизонь кувалмоти.
Тонафнема кизось ладяф китькснемс номерса фкя фкянь мельге моли ковгяксонь кизотнень коряс, конатнень лангс прай тонафнемань тевонь втемась. Кепотьксонди, «2025/2026 тонафнема кизось»[2].
Тонафнема кизоть кувалмоц
Тонафнемань кизоть ушетксоц и аделамац аф фкя лацонь мастор лангонь эрь кодама странатнень эса. Пингсь кемокстаф странать законодательстваса. Занятиятнень ушедомаснон и аделамаснон коряс точнай шись сидеста тонафнемань заведенияти ули кода ладямс эсьотям[3].
Европейскяй государстватнень эса тонафнемань процессь ушеткшни августста — сентябрьста и аделави майста — июньцта. Кепотьксонди, августть кучкаста ушедыхть покодема школатне Данияса, Финляндияса, Швецияса, сентябрть васенце пялестонза — Австрияса, Францияса, Испанияса, Италияса. Германияса и Швейцарияса регионтть мяльса кирдезь тонафнема кизось может ушедовомс кода августть кучкаста, стане и сентябрть песта.[3][4].
США-са и Канадаса марстонь стандарт аш. Шитнень ладясыне штатонь законодательствась/провинциянь, но занятиятне тонафнемань заведениятнень эса ушеткшнихть сёксеть ушетксста и шуморихть кизондать ушетксста[3].
Мзярошка латино-американскяй странаса тонафнема васенце шись сашендови февральть ушетксста (Аргентина, Бразилия, Коста-Рика). Чилиса тонафнема кизось ушеткшни 1-це мартста, Кубаса и Мексикаса — сентябрть ушетксста.
Австралияса и Новай Зеландияса иттне ушеткшнихть тонафнема январть песта-февральста[3].
Африканскяй государстваса тонафнемань ковгярьксне аф фкя лацоннет. Кепотьксонди, ЮАР-са и Танзанияса тонафнемань кизось ушеткшни январьста, Суданца — мартста, Алжирса, Тунисияса, Египетса, Мароккаса, Эфиопияса, Сомалияса, Нигерияса-сентябрьста.
Азияса тяфта жа аш марстоньши. Кепотьксонди, 1-це сентябрьста тонафнемань процессь ушеды Китайса, Монголияса, Казахстанца, Киргизияса, Таджикистанца, Туркменияса, 2-це январьста — Сингапурса, мартонь васенце шитнень — Южнай Кореяса, 1-це апрельста — КНДР-са, а майста — Таиландса, июньцта — Филиппинса, июльста — Индияса и Непалса и лият[3].
Россияса
Тонафнема кизоть перьф тонафнемась вятеви школань фкя класса, высшай или средняй специальнай тонафнемань заведениянь фкя курсса.
Россияса тонафнемань кизось очнай тонафнемать коряс ушедови 1-це сентябрьста, кона лемдеви «Содамошинь шикс». Но образовательнай учреждениять решениянц коряс тонафнемань кизоть ушетксоц лиякстоптови, но аф кафта ковда лама пингс[5].
Очно-заочнай и заочнай тонафнемань форматнень коряс тонафнема кизоть ушетксонц ладясы образовательнай организациясь.
Шумори тонафнема кизось тонафнема планть коряс, конань кемокснесы образовательнай учреждениясь[1]. Лихтема класснень эса школатнень эса тонафнема процесссь шумордави итоговай аттестацияса[6].
2025-це кизоня РФ-нь Просвещениянь министерствась аноклась и нолдась региоттненди методическяй рекомендацият школаса отечественнай кинематографть тонафнеманц коряс. Рекомендованнай Школань программанди фильмань лемлувкссь ульсь тиф культурань и искусствань Российскяй Федерациянь президентть видеса Советть вельде. Эзонза сувась 100 кинокартина, конатнень аноклазь отечественнай режиссёрхне.
Образовательнай циклатне
Школатнень эса
«Российскяй Федерацияса образованиять колга» законть коряс[7] школатненди ули кода эстеест содамс образовательнай циклатнень — тонафнемать нилеце, триместронь или биместрань коряс[8]. Тяфтама жа спосопт тонафнемань кизоть явомаса улихть и миронь лия странатнень эса[9].
Четверттне
Четвертной системась явсы тонафнема кизоть ниле пяльксова[10]:
- васенце четвертсь — сентябрьста сявомок октябрть пенцты;
- омбоце четвертсь — ноябрьста сявомок декабрень пети;
- колмоце четвертсь — январьста сявомок мартти самс;
- нилеце четвертсь — апрельста сявомок майть пенцты молемс.
Тонафнемань четвертной системать коряс школьникне тушендыхть каникулас кизоти нилексть[8].
Триместратне
Триместровай (модульнай) системаса тонафнемань кизось явондови модульга «5 + 1» принципть коряс: тонафнемань вете недяляда меле моли каникулань недяля[10].
Биместратне
Тонафнема кизось явови тонафнемань вете пингова (биместрань) сисем недялянь, синь ётковаст — каникулатне лисендихть ветексть кафтонь недяля. Котоце биместрась — кизонь каникулатне, кафта ковонь кувалмоса[8].
Колледжса и вузса
Средне-специальнай и высшай образовательнай учреждениятнень эса образовательнай процессти ункстамань единицакс лувондови семестрась (французонь кяльста: semestre латинонь sēmestris (*secsmestris) «кота ковонь»). Обобщеннай вариантса фкя семестрась — тя пяле киза. Тонафнемань пингть аделамда меле ётафтови экзаменонь сессия[11].
Каникулатне
Тонафнемань кизоти сувсихть и каникулатне — тонафнемань процессть пингоц, кона ляды тонафнемать эзда[2].
Каникулатнень кувалмосна ладявихть образовательнай стандартть коряс.
Лятфтмат
- ↑ 1 2 Вопрос: Что такое календарный год, что такое учебный год? Корректно ли говорить о "полугодиях" учебного года применительно к временным периодам с сентября по декабрь и с января по август и издавать приказы о выплате стипендий учащимся в соответствии с указанными временными рамками? (ответ службы Правового консалтинга ГАРАНТ, декабрь 2013 г.). base.garant.ru. Дата обращения: 14 сентябрьста 2025.
- ↑ 1 2 Сфера образования — документация. docs.istina.msu.ru. Дата обращения: 14 сентябрьста 2025.
- ↑ 1 2 3 4 5 По школьному календарю: когда начинается учебный год в разных странах(рус.). Forbes.ru (3 сентябрьста 2024). Дата обращения: 19 сентябрьста 2025.
- ↑ Как устроен учебный год в разных странах мира: где-то начинается в январе, а где-то летние каникулы – всего месяц, gol.ru (31 августста 2022). Дата обращения: 18 сентябрьста 2025.
- ↑ Учебный год начинается 1 сентября \ 2025-2024-2023 год \ Акты, образцы, формы, договоры \ КонсультантПлюс. www.consultant.ru. Дата обращения: 19 сентябрьста 2025.
- ↑ Статья 59. Итоговая аттестация \ КонсультантПлюс(рус.). www.consultant.ru. Дата обращения: 18 сентябрьста 2025.
- ↑ Статья 28. Компетенция, права, обязанности и ответственность образовательной организации \ КонсультантПлюс(рус.). www.consultant.ru. Дата обращения: 14 сентябрьста 2025.
- ↑ 1 2 3 Ирина Кочковая. Триместры, четверти, модули, биместры в школе. В чем различие?, roditeli.maximumtest.ru (5 августста 2022). Дата обращения: 18 сентябрьста 2025.
- ↑ Как устроены школы в разных странах мира, Известия (1 сентябрьста 2017). Дата обращения: 18 сентябрьста 2025.
- ↑ 1 2 Школьные каникулы 2025/2026. Расписание по четвертям и триместрам, РБК Life (18 августста 2025). Дата обращения: 18 сентябрьста 2025.
- ↑ Семестр: что это такое, сколько месяцев длится в учебном году в колледже, ВУЗе | Университет Синергия. synergy.ru. Дата обращения: 14 сентябрьста 2025.
 |
|
|---|
