Сире Шяйгав

Сире Шяйгав
	Веле
Сире Шяйгав
	Содафксоц
	54°18′11″ с. ш. 44°28′26″ в. д.GЯO
Странась	Россия
Федерациянь субъектсь	Мордовия
Историясь и географиясь
Ушетф	XVII вексь
Частонь каркссь	UTC+3:00
Эряйхне
Эряйхне	▼4327 ломань (2025);
Официальнай кяльсь	Мокшень и эрзянь, рузонь
Цифрань идентификаторхне
Телефоннай кодсь	+7 83432
Почтовай индекссь	431540
Код ОКАТО	89246884001
Код ОКТМО	89646484101
ГКГН -са номерсь	0012676
	Сире Шяйгав Москва Саранск Сире Шяйгав

Сире Шяйгав, Сире Шайгав (руз. Ста́рое Ша́йгово) — веле Мордовия Республикаса ^[1]. Административнай центра Старошайговскяй райононь и Старошайговскяй велень эряма вастонь.

Географиясь

Велесь ащи регионть кучка вастсонза, Сивинь (ляй)-ть види ширдень трвасонза, 48 вайгяльбень вастса (видеста) и 62 вайгяльбе (автомобильнай кить эзга) Саранск ошть эзда. 28 вайгяльбень вастса Хованщина машина кинь станциять эзда.

Январь ковонь кучкаса ащи температурась -11,2°С, июлень +19,4°С.

Эрямопингсь

Сире Шайгавть клга васенце лятфнематне ульсть 1692-це кизоня^[2].18-це векть омбоце пяльксстонза вакссонза эвондась Од Шайгавсь (тяни — Сире Шайгавть пяльксоц). «Пензенскяй губерниянь эряма васттнень лемлувксса» (руз. «Список населённых мест Пензенской губернии»)(1869)^[3] Сире Шайгавсь — велесь казённай 92 пирьфста Инсарскяй уездонь; ульсь Никольскяй шуфтонь церькав Казанскяй придел мархта (1861). 1889-це кизоня ульсь панчф церковно-приходской школа. 1913-це кизонь уликснень коряс велеса ульсь 387 пирьф (2 702 ломань); 3 ваень пихтема вастт, 6 мешень перет, 9 вармань меленцят (руз.) (мок., 3 кяшень тии завтт, 2 дранкат, кузенця, 2 мишендема лавкат, пивань мишендема васта, чайнай, кирпицень калдаз.

1918-це кизоня улсь пуроптф РКП(б)-нь ячейка, ашу ломанень (руз.) (мок. 2 комитетт. 1929-це кизоня ульсь пуроптф колхоз «Красный Шанхай», меле Молотовонь Кировонь лемса колхоз, 1950-це кизотнень эзда сявомок — «Россия» оцюлготф хозяйства, 1996-це кизоста — СХПК «Рассвет», 2001-це кизоста — ТНВ «Колос». 1932-це кизоста ульсть панчфт МТС, средняй школа.

1928-це кизоста ащи вятикс районти.

Лемонц эвондаманц

Лемоц, улема, моли мокшень шяй валть эзда, сяс мес велесь стройсевсь шяйналса ляйхнень трваса^[4].

Эряйхне

Эряйхнень лувкссна
1959	1970^[5]	1979^[6]	1989^[7]	2002^[8]	2020^[9]
3582	↗4417	↗5035	↗5258	↘5205	↘4818
2021^[10]	2025
→4818	↘4327

1000

2000

3000

4000

5000

6000

1979

2025

Эряйда (2010 кизось) — 5185 ломань, сембода ламосна мокшет^[2]. 2025-це кизонь 1-це октябрти Сире Шайгав велеса эряйда лувондови 4 327 ломань, сяконь лувксса 6 кизоти молемс итть — 432 ломань, 7 кизоста сявомок 17 кизос молемс подросткат (школьникт) — 512 ломань, 18 кизоста сявомок 29 кизоти молемс од ломатть — 518 ломань, 30 кизоста сявомок 60 кизос молемс оцю ломатть — 1 862 ломань, 60 кизоста сявомок сире ломатть - 943 ломань, а Сире Шайгав велети 80 кизода сире — 61 ломань.^[11].

Содаф ломаттне

Сире Шайгавсь — Славань орденонь полнай кавалерть В. С.Налдинонь, советско-партийнай работникть С. С. Шишкановонь, историкнень М. В. Дорожкинонь, Т. В. Попковонь, медицинскяй службань полковникть С. Н. Анисимовонь, Саранск ошень Пролетарскяй райононь оцюнять заместителенц Е. Д. Гришинонь, Мордовскяй республиканскяй клиническяй больницять хирургическяй отделениянц заведующаенц А. М. Дерябинонь, Мордовиянь Комсомолонь заслуженнай артистть и лауреатть В. М. Кудряшовонь, экономическяй наукань докторть В. В. Гришинонь, биологиянь наукань кандидатть Е.В. Лысенковать, историческяй наукань кандидатть А. С. Тувинонь, филологическяй наукань кандидатть О. И. Чудаевать.

Сире Шайгавса тонафнесь и ётафтозе идькс пингонц россиянь театрань и кинонь актёрсь, Мордовия Республикань заслуженнай артистсь Дужников, Станислав Михайлович.

Инфраструктурась

Велеса покоди — ДРСУ-сь, «Агрохимремонт» ОАО-сь, «Агропромснаб» АО-сь, подстанциясь, ЖКХ-нь предприятиясь; музейсь, средняй и начальнай школатне, 2 идень школась, искусствань школась, од ломанень центрась, Творчествань идень кудсь, Старошайговскяй центральнай районнай больницясь, поликлиникась, И. М. Девинонь лемса районнай централизованнай библиотечнай системась ^[12], РФ-нь Сберегательнай банкть И «Россельхозбанк» АО-ть Мордовскяй отделениянц филиалсна, мишендемань-рамамань учреждениянь сетть, населениянь социальнай защитань центра; Великай Отечественнай войнаса шавф воиттненди памятниксь, Божьяй Матерть Казанскяй шкаень ликонянц церькавоц, святой Иоанн Предтечинь храмсь.

Лятфтамат

↑ Административно-территориальное деление Республики Мордовия (рус.) (11 октябрьста 2023). Дата обращения: 17 октябрьста 2025.
↑ ¹ ² Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 278. — 840 с. — ISBN 5-7595-1662-0.
↑ Список населённых мест Пензенской губернии 1869 (рус.). Проект «Исторические материалы». Дата обращения: 20 октябрьста 2025.
↑ Инжеватов И. К. Топонимический словарь Мордовской АССР: Названия населённых пунктов / Под ред. В. А. Никонова и Д. В. Цыганкина. — 2-е изд., испр. и доп.. — Саранск: Мордов.кн. изд-во]], 1987. — С. 215. — 264 с.
↑ Всесоюзная перепись населения 1970 года. Численность сельского населения РСФСР - жителей сельских населенных пунктов - районных центров по полу (неопр.).
↑ Всесоюзная перепись населения 1979 года. Численность сельского населения РСФСР - жителей сельских населённых пунктов - районных центров (неопр.).
↑ Всесоюзная перепись населения 1989 года. Численность сельского населения РСФСР - жителей сельских населённых пунктов - районных центров по полу (неопр.).
↑ Численность и размещение населения Республики Мордовия. Итоги Всероссийской переписи населения 2010 года (неопр.).
↑ https://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).
↑ Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (неопр.).
↑ Население села Старое Шайгово Старошайговского района Республики Мордовия (рус.). Статистика России и мира 2025. Дата обращения: 20 октябрьста 2025.
↑ Детская модельная библиотека «БиблиоГалактика» открылась в селе Старое Шайгово (рус.). Национальная библиотека им. А.С. Пушкина Республики Мордовия (22 июньцта 2022). Дата обращения: 20 октябрьста 2025.

Литературась

* Боль и радость ты наша, земля старошайговская / Чудаев, Ф.П., А.С. Тувин. — Саранск: Тип. «Крас. Окт.», 1998. — 198 с. — ISBN 5-7493-0140-0.

Ссылкатне

[1] Административно-территориальное деление Республики Мордовия (рус.) (11 октябрьста 2023). Дата обращения: 17 октябрьста 2025.

[all_mordovia-2] ¹ ² Всё о Мордовии: Энциклопедический справочник / сост. Н. С. Крутов, Е. М. Голубчик, С. С. Маркова. — Саранск: Мордов. кн. изд-во, 2005. — С. 278. — 840 с. — ISBN 5-7595-1662-0.

[3] Список населённых мест Пензенской губернии 1869 (рус.). Проект «Исторические материалы». Дата обращения: 20 октябрьста 2025.

[4] Инжеватов И. К. Топонимический словарь Мордовской АССР: Названия населённых пунктов / Под ред. В. А. Никонова и Д. В. Цыганкина. — 2-е изд., испр. и доп.. — Саранск: Мордов.кн. изд-во]], 1987. — С. 215. — 264 с.

[5] Всесоюзная перепись населения 1970 года. Численность сельского населения РСФСР - жителей сельских населенных пунктов - районных центров по полу (неопр.).

[6] Всесоюзная перепись населения 1979 года. Численность сельского населения РСФСР - жителей сельских населённых пунктов - районных центров (неопр.).

[7] Всесоюзная перепись населения 1989 года. Численность сельского населения РСФСР - жителей сельских населённых пунктов - районных центров по полу (неопр.).

[8] Численность и размещение населения Республики Мордовия. Итоги Всероссийской переписи населения 2010 года (неопр.).

[9] ttps://rosstat.gov.ru/vpn/2020/Tom1_Chislennost_i_razmeshchenie_naseleniya (неопр.).

[10] Таблица 5. Численность населения России, федеральных округов, субъектов Российской Федерации, городских округов, муниципальных районов, муниципальных округов, городских и сельских поселений, городских населенных пунктов, сельских населенных пунктов с населением 3000 человек и более (неопр.).

[11] Население села Старое Шайгово Старошайговского района Республики Мордовия (рус.). Статистика России и мира 2025. Дата обращения: 20 октябрьста 2025.

[12] Детская модельная библиотека «БиблиоГалактика» открылась в селе Старое Шайгово (рус.). Национальная библиотека им. А.С. Пушкина Республики Мордовия (22 июньцта 2022). Дата обращения: 20 октябрьста 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]