Пугачёв, Арсений Филиппович

Арсений Филиппович Пугачёв
Арсений Филиппович Пугачёв
Шачема шиц	1922
Шачема; вастоц	Целпанова[d], Ардатовскяй уездсь[d], Симбирскяй Губерниясь[d];
Кулома шиц	8 октябрьста 1943
Кулома; вастоц	Дымерский район[d], Кыивонь аймак, Украинонь Советонь Социализмань Республикась, СССР;
Принадлежностсь	СССР
Войскань родсь	артиллерия
Служама кизонза	1941—1943
Званияц
Частец	гвардейскяй стрелковай 75-це дивизия
Сражениятне/войнатне	Великай Отечественнай война;

Арсений Филиппович Пугачёв (1922—1943) — советскяй офицерсь, Великай Отечественнай войнаса улись, гвардиянь лейтенантсь, Советскяй Союзонь Геройсь (1943)^[1].

Эряфонь киц

Арсений Филиппович Пугачёв шачсь 1922-це кизоня сокаень-видиень семьяса Симбирскяй губерниянь Ардатовскяй уездонь Лобаскинскяй волостень Чалпанова велеса, тяни Мордовиянь Атяшевскяй райононь Киржеманскяй велень поселениять видеса Челпанова велесь. Мордвин. Филипп Арсеньевич и Екатерина Леонтьевна Пугачёфнень семьяса ульсь колма цёрат - Михаил, Арсений и Василий. Семьясь кирнесть оцю хозяйства, мзярошка семьянь келес путсть иляназонь, канцёронь и шиньжаромань ваень маслобойка. Коллективизациять пингста Пугачёфнень семьясна раскулачендафоль, аньцек аляснон 1-це мировой войнань фронтса шумбрашинц юмафтоманкса, кадовсть вели^[2].

1937-це кизоня семьясна ётасть эряма Челябинскяй области, Курган ошть эзда 12 вайгяльбеса ащи вели, коса Арсений аделась 8 класст, сяльде покодсь колхозса. Курган ошса тонафнесь гражданскяй авиациянь лётнйй школаса (ГВФ-нь тонафнемань 73-це эскадрильясь)^[3], 5-це классонь пилот^[4], ГТО-нь и ПВХО-нь значкист^[5]. 1942-це кизоня шумордазе Саратовскяй областень Энгельс ошу эвакуировандаф Якстерь Октябрть лемса Ленинградскяй артиллерийскяй 1-це училищать. 26-це январьста 1943-це кизоста — Великай Отечественнай войнань фронтса стрелковай 95-це дивизиянь гвардейскяй стрелковай 241-це полконь 76-мм орудиянь батареянь взводонь командир, кона 1942-це кизста сентябрь ковста 1943-це кизоть февраль ковть самс араласть Сталинградть. Сталинградть араламанкса стрелковай 95-це дивизияти максовсь 75-це гвардейскяй стрелковай, 241-це полксь арась гвардейскяй стрелковай 241-це полкокс. Гвардииянь лейтенантсь Пугачёв казевсь «Сталинградть араламанкса» медальса.

Гвардейскяй стрелковай 241-це полкть видеса А. Ф. Пугачёв ульсь Курскай битваса Поныри—Ольховатка районца, васенда потафнесь немецнень вргятнемаснон, а сяльде срафтсь и панць врагть эса. Курскяй дугаса боевой действиянкса, боевой задачан цебярьста пяшкодеманкса, тяка пингть героизманкса и мужестванкса гвардейскяй 241-це полконь 76-мм орудиянь взводонь командирсь гвардиянь лейтенантсь Пугачёв А. Ф. казевсь Отечественнай войнань 1-це степенень орденца. Каземань кагодса, конанди путсь кядь гвардейскяй стрелковай 241-це полконь гвардиянь командирсь подполковниксь Николай Петрович Бударин, азовсь^[6]:

257.0 т сери вастть инкса тюремста Пугачёв А. Ф. орудиянь расчётонь стройста лисемда меле орудиянь вятема арась сонць, и ляценць нежеди немецнень ланга, машфтсь карша тюриень фкя танка и малава 100 фрицта, а мзярда орудиясь тапавсь, сявсь автомат и гранатат и поладозе моли бойть.

Гвардиянь лейтенантсь, гвардейскяй стрелковай 241-це полконь 76- орудиянь батареянь командирсь Пугачёв А. Ф. цебярьста няфтезе прянц Киевть эзда кельме ширеса Днепр ляйть араламста, Украинскяй ССР-нь Киевскяй областень Дымерскяй райононь Глебовка и Ясногородка велетнень маласа (тяни велетне кандовихть Украинань Киевскяй областень Вышгородскяй районтти) Днепрать виде трвасонза плацдармать сявомста и кирдемста бойса.

Каземань кагодса полконь командирсь подполковник Бударин Н. П. сёрмадсь^[7]:

Киевскяй ширеса моли бойса няфтезе прянц кода аф пели и тевонь содай командир. 23.09.43-це кизоня Десна ляйть араламста ульсь стрелковай подразделениянц мархта васенцетнень ёткса, видеста машфнесть фашисттнень эса. 24.09.43-це кизоня, эрь кодама паршиста тиемок уеманди плот, пяльксонь-пяльксонь явозень пушкатнень и веть 2 частонь перьф аралась Днепрать эса, ётафтозе материальнай сембе пяльксть и тюреманди анок боеприпаснень. Кирнезе толса стрелковай подразделениять ширенц, потафнезень карша тюрихнень оцю вийснон и техникаснон, тяка пингть машфтсь кафта танка, самоходнай фкя пушка, тапась пулемётнай толонь 8 вастт, люпштазе карша тюрихнень минамётнай батареянь толснон, машфтсь пцтай пехотань 2 ротат.Тюремста аф стакаста 2 ранендафоль, стройста ашезь лись, вятсь батареять эса.

СССР-нь Верховнай Советть Президиумонц Указонц коряс 17-це октябрьста 1943-це кизоня Киевть эзда кельме ширеса Днепрать араманкса, Днепра лять западнай трвасонза плацдармать цебярьста путоманкса и тяка пингть мужестванкса и геройстванкса гвардиянь лейтенантти Арсений Филиппович Пугачёвонди максовсь Советскяй Союзонь Герой лемсь^[8].

1943-це кизоня 8-це октябрьста 231-це и 241-це стрелковай полкне, тиемок разведка, ётасть Глебовкать шири наступленияс и 16:00 частти листть рубежти: 115,6 сери васттнень восточнай скаттне — Солодкое шяйса, коса арамок вятьсть толонь бой, ванцть карша тюрихнень оборонань системаснон лангс. Карша тюрихнень авиациясна ётафнесть ваномань лиемат и аф 5—8 самолётонь аф оцю группаса — тапазь районца боевой порядкатнень. ВЛКСМ-му сувсись гвардиянь лейтенантсь А. Ф. Пугачёв тя шить шавовсь плацдармаса. 11-це октябрьста 1943-це кизоня стрелковый 241-це полксь сявозь 115,6 сери васттт и ладязь тоса вастснон. 16-це октябрьста 1943-це кизоня гвардейскяй стрелковай 75-це дивизиянь часттне полафтовсть стрелковай 121-це дивизияса, Глебовксь ульсь идеф 4-це ноябрьста 1943-це кизоня.

Арсений Филиппович Пугачёв калмаф Киевскяй областень Вышедубечанскяй райононь Тарасовича велеса. 1965-це кизоня Тарасовичи велесь ваяфтовсь Киевскяй водохранилищать пяшкодемста, тяни васттне кандовихть Украинань Киевскяй областень Вышгородскяй районтти.

Великай Отечественнай войнаса ульсть А. Ф. Пугачёвонь кафта брадонза. Оцюсь, Михаил Филиппович, ушедсь тюрема 1941-це кизоня Москуть ала, аделазе Польшаса 1945-це кизоня. Дуганоц, Василий Филиппович, шавось Киевть ваксса Григорьевка велеса 1943-це кизоня 26-це июньцта^[9].

Казненза

Советскяй Союзонь Герой, 17-це октябрьста 1943-це кизоня^[10]
«Зрнянь Тяште» медаль
Ленинонь орден
Отечественнай войнань 1-це степенень орден, 21-це июльста 1943-це кизоня^[11]
«Сталинградонь араламанкса» медаль

Мялямсь колганза

Геройть шачема Челпанова велесонза путовсь памятник и озафтовсь парк, кона лемдевсть тейнза^[3].
Пугачёв Арсений Филипповичень лемоц сувафтовсь Ленинградскяй артиллерийскяй училищань пефтома пингс мяляфтоманди лемлуксозонза^[3].

Лятфтамат

↑ Должность и воинское звание приведены на дату совершения подвига.
↑ Лица Зауралья. ПУГАЧЁВ Арсений Филиппович. (неопр.) Дата обращения: 1 февральста 2020. Архивировано 10 апрельста 2019 года.
↑ ¹ ² ³ Газета «Эрзянь мастор». Архив номеров.
↑ Какие подвиги зауральских летчиков в период Великой отечественной войны не забыты? (неопр.) Дата обращения: 1 февральста 2020. Архивировано 1 февральста 2020 года.
↑ Авиационный вестник Урала. Эскадрилья, ушедшая в бой. (неопр.) Дата обращения: 1 февральста 2020. Архивировано 1 февральста 2020 года.
↑ ЦАМО, ф. 33, оп. 682526, д. 1836, запись 17232331, стр. 38.
↑ ЦАМО, ф. 33, оп. 793756, д. 39, запись 150027021, стр. 159.
↑ ЦАМО, ф. 33, оп. 682525, д. 48, запись 12057300.
↑ В память о брате. Новости Республики Мордовия и Саранска сегодня.
↑ Наградной лист в электронном банке документов «Подвиг народа».
↑ Наградной лист в электронном банке документов «Подвиг народа».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Днепр — река героев. — 2-е изд., доп. — Киев: Изд. полит. лит. Украины, 1988. — ISBN 5-319-00085-5.

Ссылкатне

Арсений Филиппович Пугачёв (рус.). Сайт «Герои страны».
Пугачёв А. Ф.
В память о брате.
Золотая звезда челпановцев.

[1] Должность и воинское звание приведены на дату совершения подвига.

[2] Лица Зауралья. ПУГАЧЁВ Арсений Филиппович. (неопр.) Дата обращения: 1 февральста 2020. Архивировано 10 апрельста 2019 года.

[autogenerated1-3] ¹ ² ³ Газета «Эрзянь мастор». Архив номеров.

[4] Какие подвиги зауральских летчиков в период Великой отечественной войны не забыты? (неопр.) Дата обращения: 1 февральста 2020. Архивировано 1 февральста 2020 года.

[5] Авиационный вестник Урала. Эскадрилья, ушедшая в бой. (неопр.) Дата обращения: 1 февральста 2020. Архивировано 1 февральста 2020 года.

[6] ЦАМО, ф. 33, оп. 682526, д. 1836, запись 17232331, стр. 38.

[7] ЦАМО, ф. 33, оп. 793756, д. 39, запись 150027021, стр. 159.

[8] ЦАМО, ф. 33, оп. 682525, д. 48, запись 12057300.

[9] В память о брате. Новости Республики Мордовия и Саранска сегодня.

[10] Наградной лист в электронном банке документов «Подвиг народа».

[11] Наградной лист в электронном банке документов «Подвиг народа».

[1]

[2]

[3]

[4]

[5]

[6]

[7]

[8]

[9]

[10]

[11]