Надёжкин, Герасим Мартемьянович

Герасим Мартемьянович Надёжкин
Герасим Мартемьянович Надёжкин
Шачема шиц	25-це октябрьста 1914-це кизоня
Шачема; вастоц	Лемдяй, Инсарскяй уездсь[d], Пензенскяй губерниясь[d], Россиянь империя[d];
Кулома шиц	21-це августста 1974-це кизоня (59 кизоц)
Кулома; вастоц	Равош[d], РСФСР, СССР;
Принадлежностсь	СССР
Войскань родсь	Пехота[d]
Служама кизонза	1935—1964 (с перерывом)
Званияц	Полковник
Сражениятне/войнатне	Советско-финляндскяй войнась[d]; Великай Отечественнай война;

Надёжкин, Герасим Мартемьянович (1914—1974) — Советскяй Армиянь полковник, Великай Отечественнай войнаса улись, Советскяй Союзонь Геройсь (1944).

Эряфонь киц

Герасим Надёжкин шачсь 25-це октябрьста 1914-це кизоня Мордовия Республикань Сире Шайгавонь Лемдяй мокшень велеса. Кафкса классонь шумордамда меле покодсь комосомолонь тефнень коряс Красноярскяй крайса. 1935—1937-це кизотнень ётазе службанц Рабоче-крестянскяй Якстерь Армияса. 1939-це кизоня Надежкин омбоцеда тертьфоль армияв. Ульсь советско-финскяй войнань тюрематнень эса. 1941-це кизоня Надежкин шумордазе военно-политическяй училищать.Тяка кизонь августста сявомок — Великай Отечественнай войнань толу китнень лангса.^[1].

1944 -це кизонь февральти гвардиянь майорсь Герасим Надежкин командовась мотострелковай батальонть 5-це гвардейскяй башка мотострелковай бригадань 3-це гвардейскяй армиянь 4-це Украинскяй фронтонь.Няфтезе прянц Украинскяй ССР-нь Днепропетровскяй областть нолдаманкса. 6-це февральста-8 февральста 1944-це кизоня Надежкинонь батальоноц ётась Днепрать туркс Никополть (Днепропетровская областсь) видеса и фатясть 138 вражескяй венчт, конат нолдафтольхть тевссембе бригадать ётаманцты. Батальонць вишкста сявозе плацдармать и кирдсь ляйть тя ширезонза сембонь ётамаснон самс. Наступлениять пингста Надежкин васенцетнень ёткста фкясь сувась Никополи^[1].

СССР-нь Верховной Советть Президиумонц указонц коряс 19-це мартста 1944-це изоня «командованиять заданиянзон пяшкодеманкса и тяконь лувксса няфтьф мужестванкса и героизманкса» гвардии майорсь Герасим Надежкинонди максфоль Советскяй Союзонь Герой лемсь и казьф Ленинонь орденонц и «Зрнянь Тяште» медальсь номер мархта 3479^[1].

Войнать аделамда меле кармась служама Советскяй Армияса. 1948-це кизоня шумордазе Бронетанковай и механизированнай войскань военнай академиять. 1964-це кизоня полковниконь званияса Надежкин ульсь нолдаф запасс. Эрясь и покодсь васенда Махачкалса, меле Волгоградса.

Кулось 21-це августста 1974-це кизоня, калмаф Волгоградса^[1].

Тяфта жа ульсь казьф Якстерь Знамень орденца,Богдан Хмельницкяень 3-це степенень и Александр Невскяень орденца, Якстерь тяштень кафта орденца, мзярошка медальса^[1].

Надежкинонь лемонц каннесы Никопольса курось^[1] и Красноярскяй краень Краснотуранск велень куроса.

Казненза

Лятфтамат

↑ ¹ ² ³ ⁴ ⁵ ⁶ Герасим Мартемьянович Надёжкин (рус.). Сайт «Герои страны».

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Лелюшенко Д. Д. Москва-Сталинград-Берлин-Прага. — М.: Наука, 1987.

Ссылкатне

Краеведческий проект «Созвездие Героев»: Надежкин Герасим Мартемьянович

[wh-1] ¹ ² ³ ⁴ ⁵ ⁶ Герасим Мартемьянович Надёжкин (рус.). Сайт «Герои страны».

[1]