Мордовия Республикать гербоц

Мордовия Республикать Государственнай гербоц
Пяльксне
Кемокстаф	30-це мартста 1995-це кизоня
Щитсь	Французонь ниле ужеса ушеткссонза оржаптф
Гербть арьсиец	Чикринёв Н.Д.

Мордовия Республикать масторкотфоц (руз. Герб Мордовии) — Мордовиять государственнай символоц (серцек Мордовия Республикать масторкотфоц и Мордовиять гситьимнанц мархта), прняндаф мордовскяй парламентть ведьде 30-це мартста 1995-це кизоня.

Колганза

Саранск ошть тяниень гербоц, конань лангса няфтьф келазь, сотф тядонголень тяштьксть мархта, кона аноклаф XVIII-це векста. 1724-це кизоня Пётр Великай серьгядсь Италияста специалист геральдикань коряс, коонань лемнезь рурузксь Франц Матвеевич Санти. Сон аноклась герт Российскяй империянь мзярошка ошенди, сяконь лувксса и Саранскяйти. Гербсь, конань аноклазе Санти Саранскяйти — «сиянь паксяса якстерь келазь и колма налхт» — корхтась тя вастса лама тяфтама ракшань улемать и сонь сатоманц колга.

Гербть лангса няфтьф геральдикань щит Сараскяйть республикать пряошенц гербонц мархта — якстерь тюсонь ласьки келазть няфтеманц мархта, кона ладяф вярде алу шарфтф колма налхнень ала, кучка видесонза Мордовиять масторкотфонц фтала ащеманц видеса.

Герб перяф зрнянь тозер пряса и зрнянь ярмаконь кргаксса. Тозербрятне лятфнихть мокшэрзятнень покодеманц велень сокамань-видемань тефнень коряс сотксснон колга, а ярмакста кргакссь — аватнень кргаса каннема мазоптомка.

Колосне ашкотфт шобда-якстерь лентокса, акша и сенем (Мордовиянь масторкотфть тюсонза).

Ярмакть (гривнать) лангса ладяфт сисем орнаментт, конат корхтайхть Мордовиянь 7 ошнень колга:

• Ардатов;
• Инсар;
• Ковылкино;
• Краснослободск;
• Рузаевка;
• Саранск;
• Темникав.

Гербть вярде ширесонза кафкса ужеса якстерь тюсса розетка (октаграмма)  — солярнай тяштсь, шить символоц.

Лятфтамат

Ссылкатне

• Закон Республики Мордовия «О Государственном Гербе Республики Мордовия»
• «Геральдическое единство»
• Герб дня: Мордовия
• Проект закона Республики Мордовия "О внесении изменений в Закон Республики Мордовия «О Государственном гербе Республики Мордовия»
• Герб Республики Мордовия