Мордовияса киноть эвондамац
Мордовияса киноть эвондамац — киноискусствась Мордовияса вятьсы эсь лувксонц 1900-це кизотнень эзда.
Киноть эрямопингоц
Тяниень Мордовияса киноустановкатне эвондасть 1900-це кизоня (Россиять коряс вете кизода инголе)[1]. Васенцекс синь састь Саранскяи. Передвижкатне пачфневсть Нижняй Новгородонь ярманкаста.Кинотне няфневсть козя ломаттненди, дворянонь клубса. Меле ушедсть няфнемост ошень садса ащи «Пяшенят» руз. Липки кизонь театраса 1910 кизоня Макаровка велень помещиксь, отставкаса полковниксь Г. Тепляков арендас сявсь палатка и кармась няфнема кинот «простой» ломаттненди.
Тянь вельде пуроптсь лама ярмакта, и кафта кизода меле строяфтозе «Художественнай кинотеатрать. Фильматнень няфтемста (синь эста ульсть немойхть) морась симфоническяй оркестра, косоль 12 ломань. Меле Тепляков сявозе арендас кинонь няфтемс Сыромятников купецть шуфтонь кудонц. Тоза панчсь «Олимп» кинотеатра. Кудсь ав лама пингта меле палсь. Вастозонза 30-це кизотнень тиф Красноармейскяй ульцяса 2 номер банясь. 1911-це кизоня фильмат ушедсть няфнема нинге фкя кудса, кона революwияда меле лемтьфоль «Юность» кинотаетракс. Чуфарова велеса Ромодановскяй районца козякотф крестьянинць Я. Андреев Саранскяйса тифтсь нинге фкя кинотаетра, — «Гигант». Сон ульсь Рождественскяй (тяни – Л. Толстойнь) куроса.
Кинось революцияда меле
Революцияда меле лемтьфоль «Комсомолецокс». Кудсь изь ванфтов. 1915 –це кизоня А. С. Пушкинонь лемса паркса тифоль 248 вастонди нинге фкя кинотеатра. Лемтьфоль «Кизоннекс». Тяни вастсонза тиф кштимань васта. Краснослободскяйса васенце театрать панжезе предпринимательсь Ивакин 1912-це кизоня. А кафта кизода меле панжевсь омбоцесь – «Рекордсь. Билеттне уцестольхть, кинонь ванома сашенсдсь лама ломаньда. Но пцтай сембе киноустановкатне ошсотольхть, велева ёфси кржаль. Кеполтьксонди, Теньгушева аймаконь эряйхне васенце киноть ванозь 1914-це кизоня ярманкань пингста.
Мордовияса киноустановкатне эвондасть 1900-це кизоня. Кизоста кизос тефне полафнесть цебярь шири. 1927 – це кизоня Мордовияса ульсь стационарнай и передвижной 25 установка. 1937-це кизоня Саранскяйса панжевсь «Октябрь» - ся пингонь инь оцю кинотеатрась. Тяни сон калафтф. Кинось пяк вишкста кармась эреклама войнада мельдень кизотнень. 1950-це кизоня республикасонк ульсь ни 281 (кафта сятт кафксагемонь фкя), 1955-це кизоня – 330 (колма сятт колмогемонь) киноустановка. 1960-це кизотнень посёлкава и оцю велева стройсевсть типовой кинотеатрат. 200 (кафта сятт), а цють сяда меле – 500 (вете сятт) вастонди – Ковылкинаса, Рузаевкаса, Комсомольскяй посёлкаса и стак тов. 1974-це кизоня Саранскяйса панжнзень кенкшензон 850 (кафкса сятт ветьгемонь) вастонди «Победа» кели форматонь васенце кинотеатрась, видесонза пуроптфоль «Кадр» кинотеатрась. Сонь кармась тернема содаф артистт ваныхнень мархта васетькшнема. Миньцонк инь ламоль киноустановкада ульсь 1982-це кизоня – 817 (кафкса сятт кемсисемге). 1985–це кизоня Мордовияса кинонь ванома сашендсть 13 миллион 451 (ниле сятт ветьгемонь фкя). Тя – эсь лацонь рекорд.
Киноть тяниень пингоц
1989 –це кизоня Саранск ошса панжевсь «Россия» кинотеатрась. А 2016-це кизоня сон панчфоль одкс петьфтомдонза меле. Тяниень пингть сон лувондови обособленнай структурнай подразделениякс Россиянь Госфильмфондса. 2022-це кизоста сявомок «Россия» кинотеатрась» лувондови «Республиканский дом народного творчества» культурань государственнай бюджетнай учреждениянь структурнай подразделеникс. Пинкне полафнихть. А эрь пингть сонцень моронза. Тяни кинось сонць сашенды пцтай эрь кудти. Сонь пачфнесы телевизорсь.
Литературась
- Терехин А.Ф. Кино в Мордовии / А. Ф. Терехин, И. Г. Афонин. — Саранск: Морд. кн. изд-во, 1970. — 122 с.