Мокшэрзянь ярхцамбяльхне
Мокшэрзянь ярхцамбяльхне — ярхцаманди пидемась-панемась мокшэрзянь народть эряфса занци оцю васта. Кода и ламоц Россиянь нароттнень, мокшэрзятнень улихть синцень эсь лацонь ярхцамбяльсна. Улихть, конат пицевихть стакшиста, а улихть, конат пицевихть кеняртьфти кодамовок иланди[1].
Мокшэрзянь народть эрь шинь ярхцамбялец ульсь касыксонь эзда: розень кши,эрь кодама ям суронь, снавонь, эзонза кайсесть канцёрвай, суронь пачат, конат пицевсть суронь эчкса, пярякат эрь кодама топа мархта.
Тялонь ярхцамбяльхть
Тялонди косьфнесть панкт, шонгарямонди, салыяфнесть капстат, лопафнесть марьхть. Салыяфнесть шуфтонь парьс и коптиндакшнесть тувонь сиволь, кода толмар вельхксса, а сяда сидеста банянь пянакудняса. Сивольсь сяда сидеста нолневсь тевс ярхцамбяленди пидефста, лямса.
Кизонь ярхцамбяльхть
Кизонда тиендсть шапама кувас, конань аноклакшнезь розьбочфста, эзонза керсельхть сянгяря шурьхкя толгат, алхт, куяр и танцтелгофнезь вайвелезса. Симондихть лофцта и лофцонь эзда аноклаф эрь кодама ярхцамбяльда сембода сидеста аноклакшневсь мичке. Пянакудса пидеф лофцста, кона кельмофневсь станя, кода кирди сурце, шапафтоманза кайсесть тярьфтем эслек шапамф лофца. Тустомозонза кирнезь лямбе вастса, сяда сидеста тозк томбалангса, та сяльде лихнезь кельме вастс бохаряму. Кельмоста, кда шорямс ведь мархта, тяфтама лофцсь лац янгафтсы симомацень.
XIX-це векть омбоце пяльксстонза ушедсть ярцсема модамарьда— руз.: земляное яблоко.
Ярхцамбяльть мархта сотф койхне-обуцятне
Мокшэрзятнень ульсть эсь лацонь койсна-обуцясна, конат сотфтольхть ярххцамбяльть мархта. Кстингас пицесть суронь ям, кона, кода и аолхне шарфнесть мяль эрекламать лангс. Кие ульсь кстингаса, арьсекшнеодс шачити сняра шумбраши и эрямс сняра киза, мзяра ямкскя ульсь тя кукшеннняса ямть эса.
Рьвяямань-рьвакс тумань иласта пицесть — лукш розень шапаксста или тозеронь почфста топа мархта, серец ащесь 7—12 пачаста.
Пицесть пярякат «од рьвянянь мяштенят» руз.: груди молодушки топонди путнесть мичке, рьвяяй цёрать кудса озонкшнесть, и эняльтькшнесть инь оцю шкайти Нишке, Шкай, штоба од рьвянять мяштьса улель лама лофцта , шачфтоль сисем цёрат и сняра жа стирь. «Шумбра кши» руз.: хлеб здоровья сявондсть мархтост кудатне рьвянять ширеса путнезь шра лангс, и ушеткшнесть кудалама; «шумбра кшить»путнезь лангкас мархта оцю парень потмаксс парь, коза марсевсь рьвянять паршиец рьвяяйть шири прважамдонза инголи/
Лятфтамат
Литература
Мокшин, Николай Федорович. Мордва: мокша и эрзя / Н. Ф. Мокшин, А. С. Лузгин.. — Саранск: Мордовское книжное изд-во, 2008. — 271 с. — ISBN 978-5-7595-1761-0.