Миронов, Вениамин Борисович

Вениамин Борисович Миронов
Вениамин Борисович Миронов
Шачема шиц	29 декабрьста 1912
Шачема; вастоц	Константиновка (Рамаданбуе)[d], Саранскяй уездсь[d], Пензенскяй губерниясь[d], Россиянь империя[d];
Кулома шиц	20 августста 1980 (67 кизоц)
Кулома; вастоц	Саранск ошсь, РСФСР, СССР;
Принадлежностсь	СССР
Войскань родсь	артиллеррия[d]
Служама кизонза	1934—1955
Званияц
Сражениятне/войнатне	Великай Отечественнай война;

Вениамин Борисович Миронов (1912 — 1980) — Советскяй Армиянь полковник Великай Отечественная войнаса улись, Советскяй Союзонь Герой (1945 год|1945).

Эряфонь киц

Вениамин Миронов шачсь 29-це декабрьста 1912-це кизоня тяниень Мордовия Республикань Ромодановскяй райононь Константиновка велеса. Омскяй педагогическяй техникумть аделамда меле покодсь ртонафтыкс Томск ошса. 1934-це кизоня Миронов ульсь тертьф служама Рабоче-крестьянскяй Якстерь Армияв. 1936-це кизоня сон шумордазе Томскяй артиллерийскяй училищать, 1941-це кизоня — М. В. Фрунзень лемса военнай академиять. 1941-це кизонь июньцта — Великай Отечественнай войнань фронттнень эса^[1].1942-це кизонь майста-июльста командиронь должностьса 211-це воздушно-десантнай бригадань башка миномётнай дивизионца воевась немецкяй тылса Вязьмать ала генералть Белов, Павел Алексеевичень войскань группанц лувксса|П. А. Белова]]^[2].

1945-це кизонь апрельти гвардиянь подполковниксь Вениамин Миронов командовась 347-це гвардейскяй стака самоходнай артиллерийскяй полкть лангса 1-це механизированнай корпуссь (2-це формированиянь) 2-це гвардейскяй танковай армиянь 1-це Белорусскяй фронтонь Прянц няфтезе Берлинть сявомста. Мироновонь полкоц сатфкс мархта сязезе немецнень тиф аралама вастснон Берлинть маласа (Вайсензее районць). 1945-це кизонь 21-це апреляьста Миронов сонць вятезе немецкяй аралама вастть сяомаса, ульсь ранендаф, но илядсь стройса. Бой мархта полксь сувась немецонь ошпрять кучкас^[1].

СССР-нь Верховный Советть Президиумонц Указонц коряс 1945-це кизонь 31-це майть эзда «фронтса немецкяй врьгятнихнень каршес командованиять боевой заданиянзон лац пяшкодеманкса и отвагань и геройствань няфтеманкса» гвардиянь подполковниксь Вениамин Мироновонди ульсь умаксф Советскяй Союзонь Герой оцю званиясь и казьфоль Ленинонь орденца и «Зрнянь Тяште» (СССР)медальса 7369 номнер ала^[1].

Войнать аделамда меле Миронов саки служась Советскяй Армияса. 1955-це кизоня полковниконь званияса ульсь нолдаф запасс. Эрясь и покодсь Саранскяйса, эрекста вять общественнай тефт. Кулось 1980-це кизонь 20-це августста , калмаф Саранскяйса^[1].

Тятфта жа ульсь казьф Якстерь Знамянь колма ордненца, Отечественнай войнань 1-це степенень орденца, Якстерь Тяштень колма орденца и мзярошка медальса^[1].

Мироновонь лемса Саранскяфйса лемтьф кура^[1].

Советскяй Союзонь Геройть лемонц каннесы Саранск ошть лемоц и общеобразовательнай 20-це № гимназиясь, коса сон аф фкя кемонь кизот тонафтсь Ушетксонь военнай анокламати.

Сёрматфонза

Миронов В. Б. За счастье Родины. — Саранск, 1968.
Миронов В. Б. Стальная гвардия. — Саранск, 1971.
Миронов В. Б. Крылатый дивизион. — Саранск, 1973.
Миронов В. Б. Воспоминания о полковой школе. — Саранск, 1984.

Лятфтамат

↑ ¹ ² ³ ⁴ ⁵ ⁶ Вениамин Борисович Миронов (рус.). Сайт «Герои страны».
↑ Ефимов Н. В тылу врага. // Военно-исторический журнал. — 1974. — № 3. — С. 117-118.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
Герои огненных лет. — М.: Московский рабочий, 1984. — Кн. 7.

[wh-1] ¹ ² ³ ⁴ ⁵ ⁶ Вениамин Борисович Миронов (рус.). Сайт «Герои страны».

[2] Ефимов Н. В тылу врага. // Военно-исторический журнал. — 1974. — № 3. — С. 117-118.

[1]

[2]