Моисеев, Михаил Степанович
| Моисеев, Михаил Степанович | |
|---|---|
| Шачема вастсь | Моску ошсь |
К:РУВИКИ:Статьи без изображений (тип: не указан)
Моисеев, Михаил Степанович (руз.: Моисеев Михаил Степанович) (шач. 17.10.1939, Москуса) — мокшень сёрмадысь, юморескань сёрмадысь, лия кяльста ётафтысь.
Эряфонь киц
Моисеев Михаил Степанович шачсь тюжяковть 17-це шистонза Моску ошса. Сонь тядяц-аляц тусть тоза 1937 кизотнень кучкаста Торбеевскяй райононь Сире Пяцёра мокшень велеста.Великай Отечественнай войнань кизотнень мрдасть меки Сире Пяцёра вели.
Тонафнемац
Моисеев М.С. вейхкса класст тонафнесь Сире Пяцёра велеса. 1961-це кизоня аделазе Ромодановскяй райононь Красноузельскяй средняй школать. 1968-це кизоня аделазе Н.П. Огарёвонь лемса Мордовскяй государственнай университетонь филологическяй факультетть.
Сёрмадомац
Валморонь сёрмадома ушедсь идькспингста. Васенце стихотворениянц печатлазь Торбеевскяй районнай газетаса 1957 кизоня. 1962-це кизоня "Мокша" журналса ульсь печатлаф "Мрдафтф паваз" ("Возвращённое счастье") поэмац. 1972-це кизоня лиссь "Кячказ" ("Крючок") юморескань васенце сборникоц. Авторсь сёрмадсь 10-да лама книга, коса няфтезе прянц сатирань-юморонь произведениянь мастеркс. Произведениянь сюжетне сявфт эряфста: "Атёкшень шонгарям" ("Уха из петуха", 1984), "Куцемат и сюцемат" ("Ступени" 1988). 1985-це кизоня нолдафоль "Кельгомань пинге" ("Пора любви") лирическяй стихонь сборникоц. 1990-це кизоня лиссь "Пяльди вармат" ("Вихри буйные") фантастическяй повестец.