Ларионов, Сергей Степанович

Сергей Степанович Ларионов
Сергей Степанович Ларионов
Шачсь	6-це октябрьста 1908-це кизоня
Шачема вастоц	Анаю велесь Зубово-Полянскяй районць
Кулось	4-це августста 1991-це кизоня (82 кизоц)
Гражданство	СССР
Образованиясь	ЦК-нь КПСС-ть видеса высшай партинай школа[d];
Тевтиемань родсь	сёрмадысь
Казненза

Серге́й Степанович Ларионов (6-це октябрьста 1908-це кизоня, Анаю, Тамбовскяй губерния^[d] — 4-це августста 1991-це кизоня) — мокшень советскяй писатель. СССР-рь писателень Союзу сувафтфсь (1958). МАССР-нь заслуженнай писатель (1977).

Эряфонь киц

Шачсь 6-це октябрьста 1908-це кизоня тяниень Зубово-Полянскяй райононь Анаю велеса сокаень-ввидиень лама идь мархта семьяса.

12 кизоста сявомок якась лездома постуфокс, меле сонць арась постуфокс.

Школать шумордамда меле 1926—1927-це кизотнень покодсь Саранскяй педтехникумса, но ашезе шуморда — алянц урмаськодоманц сюнеда савсь мрдамс шачема велезонза.

Колхозу сувась васкецетнень ёткса, ульсь кочкаф велень советонь секретарькс, меле — колхозонь председателькс шачема велеса.

1930—1933-це кизотнень ётась срочную служба Якстерь Армияса — Пензаса помкомвзводонь стройбатса. Армияса шарфтсь мяль стенань газетать лангс, и демобилизацияда мелекафта кизот покодсь «Рабочая Пенза» газетаса.

1935-це кизоня мрдась Саранскяи — сотрудник, а меле «Комсомолонь вайгяль» (руз. «Голос комсомола») саранскяй городской комсомольскяй газетань редактор. Сувась ВКП(б)-в.

1937—1939-це кизотнень — «Мокшень правда» газетать партотделонц вятиец.

РККА-сса 1939-це кизоста сявомок. Великай Отечественнай войнань фронтса васенце шиста сявомок— лейтенант, пулемётнай ротань 409 стрелковай полконь 138 стрелковай дивизиянь командир. 1941-це кизонь июльть ушеткссста Белоруссияса сувась бойс. 22-це июльста 1941-це кизоня ульсь ранендаф пуляса кержи лафтути. 1942-це кизоня — тага фронтса. Ульсь тёждяста ранендаф и контужендаф. 1942-це кизонь мартста-июньцта ётась «Выстрел» курсат. 1942-це кизонь июньцта — старшай лейтенант, 238-це стрелковай дивизиянь 843-це стрелковай полконь ляцендемань батальононь командир. 22-це ноябрьста 1942-це кизоня — стакаста ранендаф: кшнинь чакшса ульсть тапафт кафцьке пильгонза — сисем ковонь кувалмоса пчксемда меле демобилизовандафоль 3-це группань инвалидстень кроряс. Казьф Якстерь Знамянь орденца (1944, каземань лопаса конкретнай подвиг аф няфтьф — 1942-це кизоня тюрематнень эса улеманкса. Каземань лопать и каземать колга приказти путозе кяденц Саранск ошень военкомсь).

1943-1947 кизотнень — Мордовскяй АССР-нь Министронь Советть видеса кинофикациянь управлениянь начальник.

1947-1948 кизотнень — ВКП(б)-нь ЦК-ть видеса Высшай партийнай школань курсонь кулхцондысь.

1949-1951 кизотнень — Мордовскяй АССР-нь трудящаень депутатонь Саранскяень райсоветонь исполкомонь председатель.

1951-1960 кизотнень — Мордовскяй книжнай издательствать директороц.

1960-1962 кизотнень — «Мокшень правда» газетать редакциянц партийнай эряфонь завотделонц мархта.

1962—1968 кизотнень — областной литературань цензор.

1968—1971 кизотнень — писателей Мордовскяй АССР-нь Писателень союзонь ответственнай секретарь.

1971-це кизоста сявомок — профессиональнай писателень покодемаса.

Кулось 4-це августста 1991-це кизоня.

Творчествац

Мон сёрмадан аньцек сянь колга, мезе пяк лац содан. Лувондыне и лувондса, што тяниень писательти аш месть арьсемс-арьсемс... минь перьфканк тяшкава козя и козя событияса пяшкотьф эряфсь, сяшкава интереснай ломатть эрь шинь тевснон мархта, хоть эрть колга сёрмадт роман.
— Сергей Степанович Ларионов

Литературати кярьмодсь 1950-це кизотнень. Литератураса содамонза кармасть иттненди сёрматф «Архип атянь ёлкац» (руз. «Ёлка деда Архипа»)^{[К 1]} (1955) и «Дикие гуси» (1957).

Писательти содафтома кандсь «Настя» повестсь, кона нолдафоль 1959-це кизоня, а кизода меле «Совесть» лем ала нолдафоль «Молодая гвардия» издательстваса^[1]^[2]. Повестсь лемтьф од семьяса уликс прябалатненди: аф кунара школань шумордайть, васенда траксонь потяйкс покодикс, меле фермань вятикс, Настять и сонь мирденц Андрей Лапшовонь, кооперативнай техникумса тонафнить

Ларионов няфни афкуксонь каршекондамат семья потомса, коса сяда сидеста няевихть кунардонь пингонь эряфонь ладяфксне, а сиреть и одть васедемасна сядонга оржат. Авторсь врьгятфни сялондоматнень эса ломанень аф фкя лацонь характерхт, миронь эрь кодама шарьхкодемат — колхозонь дояркать Настять и сонь мирденц, тёждя эряфонь вешить, Настять и сонь авозенц.
— Хрестоматия «Мордовская литература», 1989^[3]

1962-це кизоня лись романць «Лямбе кядьса» руз. «Тёплыми руками» — 50-це кизотнень кучкаса мокшэрзянь велетнень эса полафтоматнень-одктоптоматнень колга. 1969-це кизоня романць нолдаф Москуса «Советский писатель» издательствать вельде.

1967 кизоня лиссь «Колма вармат» (руз. «Три ветра») романоц, кона лемтьфоль велень хозяйствань производствать коренной цебярьгофтоманц мархта сотф прябалатненди, и коса авторсь шарфни сяда оцю мяль вели од кадрань кемокстамать лангс, велень од ломаттнень общественнай тевса активнайста участвондамаснон лангс. Сисем кизот — 1968 кизоста сявомок 1975 кизоти молемс — покодсь «Хрусталень пайкт» (руз. «Хрустальные колокола») (1974, 1989) романонц лангса, коса Саранскяй электроламповай заводть кепотьксонц вельде няфтезе, кода провинциальнай Саранскяйсь арси промышленнай оцю центракс.

Критикне китькснезь, што писательть произведениянза сидеста канихть автобиографичнай характер, кода, кепотьксонди, «Дикай мацихть»( руз. Дикие гуси) азкс стадань ваныть колга, или нежедсть афкуксонь материалть лангс — писательсь лама кизот кемоста сотфоль электроламповай заводть коллективонц мархта, конань колга меле сёрмадсь роман^[4].

Эряфонь университеттнень «эса няйфть и сембе аф фкя лацонь шись солась художникть творческяй арьсемасонза, пяшкодезень сонь произведениянзон афкуксоньшиса. Ломаттнень лац содамасна няфтеви И Ларионовонь основной стилевой манеранц ушетксоц — прозанц крхка психологизманц, лангонь событиятнень геройхнень шарьхкодемаснон и няфтемаснон вельде.
— История мордовской советской литературы, 1968^[5]

Библиографиясь

Изданиятне рузонь кяльса:

Совесть: Рассказы и повесть / Авторизованный перевод с мордов.-мокша В. Авдеева. — Москва: Молодая гвардия, 1961—144 с.
Совесть Рассказы и повесть / Авторизованный перевод с мордов.-мокша В. Авдеева.- 2-е изд. — Саранск: Мордовское книжное издательство, 1968—144 с.
Тёплыми руками: Роман / Авторизованный перевод с мордовского А. Кременского; Ил.: И. М. Хазанов. — Москва: Советский писатель, 1968—255 с.
Тёплыми руками: Роман / Авторизованный перевод с мордовского А. Кременского. — М. : Современник, 1983—223 с.
Три ветра: Роман / Авторизованный перевод с мордов.-мокша В. Авдеева. — Саранск: Мордовское книжное издательство, 1971—264 с.
Дни детства [Текст] : Повесть / Авторизованный перевод с мордов.-мокша В. Авдеева; Ил.: М. Шанин. — Саранск: Мордовское книжное издательство, 1972—197 с.
Три ветра: Роман / Перевод с мордов.-мокша В. Авдеева; Ил.: А. Рюмин. — Москва : Современник, 1973—239 с.
Три ветра: Роман / Перевод с морд.-мокша В. Авдеева. — 3-е изд. — Саранск : Мордовское книжное издательство, 1978—238 с.
Хрустальные колокола: Роман / Перевод с мордовского М. Шкерина. — Москва: Современник, 1976—333 с.
Хрустальные колокола: Роман / Перевод с мордовского М. Шкерина, 2-е издание. — Саранск: Мордовское книжное издательство, 1987—312 с.
Дикие гуси: Рассказ: Для младшего школьного возраста / Перевод с мордовского-мокша В. Авдеева ; Худож. Б. Лебедев. — Саранск: Мордовское книжное издательство, 1977 — 28 с.
На берегах полноводной Сивини: Повесть / Перевод с мордов.-мокша В. Авдеева. — М.: Детская литература, 1981—174 с.
Ёлка деда Архипа: Раассказ: Для сред. шк. возраста / Перевод с мордовского-мокша В. Авдеева, 3-е издание. — Саранск: Мордовское книжное издательство, 1985 — 24 с.
В июльский долгий день: Повесть / Перевод с мордовского-мокша М. Шкерина. — Саранск: Мордовское книжное издательство, 1986—214 с.

Казненза и званиянза

Великай Отечественнай войнаса улеманкса казьф Якстерь Знамянь (1944) и Отечественнай войнань I степенень (1985) орденца, медальса.

Творческяй работанкса казьф Народонь ялгаксшинь орденца (28.04.1989) и «Почётонь Тяштьса».

Мордовскяй АССР-нь заслуженнай писатель (1977), СССР-нь Писателень союзу сувафтфсь (1958).

Тяштьфоц

Лямбе кядьса (1962 кизось)
Колма вармат (1967 кизось)
Хрусталень пайкт (1974 кизось, 1989 киось)

Ссылкатне

Ларионов С. Ёлка деда Архипа: Рассказ

Комментарийхне

↑ Рассказ «Ёлка деда Архипа» стал хрестоматийным, впоследствии включался во многие сборники, в том числе в сборник лучших рассказов о Великой Отечественной войне «Ради жизни на земле» (М., 1975), а также в антологию произведений о войне «Венок славы» (В 12 т. М., 1986. Т.12).

Лятфтамат

↑ Журнал «Знамя», Выпуски 3-4, 1961 — стр. 188
↑ И. А. Алявин, А. А. Соболевский — Солнечный край: литературно-художественный сборник — Мордовское книжное изд-во, 1979—270 с. — стр.264
↑ А. И. Брыжинский, Е. И. Чернов — Мордовская литература, Том 2 — Саранск: Мордовское книжное издательство, 1989 — стр. 86
↑ И. А. Алявин, А. А. Соболевский — Солнечный край: литературно-художественный сборник — Мордовское книжное издательство, 1979—270 с. — стр.264
↑ История мордовской советской литературы, Том 2 - В. В. Горбунов, Мордовская А.С.С.Р. (Р.С.Ф.С.Р.). Научно-исследовательский институт языка, литературы, истории и экономики - Саранск: Мордовское книжное издательство, 1968 - стр. 251

Источникне

Б. Е. Кирюшкини — Ларионов Сергей Степанович // Краткая литературная энциклопедия
Ларионов Сергей Степанович // Библиотека мордовской литературы
Ларионов Сергей Степанович // Н. В. Зиновьев — Человек и время: мордовская литература и национальная школа — Саранск: Мордовское книжное издательство, 1995—269 с. — стр. 214—220
По следу писательского откровения. К 105-летию со дня рождения мордовского писателя С. С. Ларионова

[1] Рассказ «Ёлка деда Архипа» стал хрестоматийным, впоследствии включался во многие сборники, в том числе в сборник лучших рассказов о Великой Отечественной войне «Ради жизни на земле» (М., 1975), а также в антологию произведений о войне «Венок славы» (В 12 т. М., 1986. Т.12).

[2] Журнал «Знамя», Выпуски 3-4, 1961 — стр. 188

[3] И. А. Алявин, А. А. Соболевский — Солнечный край: литературно-художественный сборник — Мордовское книжное изд-во, 1979—270 с. — стр.264

[4] А. И. Брыжинский, Е. И. Чернов — Мордовская литература, Том 2 — Саранск: Мордовское книжное издательство, 1989 — стр. 86

[5] И. А. Алявин, А. А. Соболевский — Солнечный край: литературно-художественный сборник — Мордовское книжное издательство, 1979—270 с. — стр.264

[6] История мордовской советской литературы, Том 2 - В. В. Горбунов, Мордовская А.С.С.Р. (Р.С.Ф.С.Р.). Научно-исследовательский институт языка, литературы, истории и экономики - Саранск: Мордовское книжное издательство, 1968 - стр. 251

[К 1]

[1]

[2]

[3]

[4]

[5]