Краснай горкась (Очижинь ильхтемась)
| Краснай Горкась | |
|---|---|
.jpg) | |
| Типсь | Народно-христианскяй |
| Лиякс | Кликушное воскресенье, «Ярылавіца» (белор.) |
| Тяфта жа | Антипасха, Фомино воскресенье |
| Смузсь | тундать прокс самац |
| Ётафневи | шинь стяма ширдень славяттне |
| Датась | Очижида меле васенце недляшись |
| 2025 | 14-це апрельста (27-це апрельста) |
| 2026 | 6-це апрельста (19-це апрельста) |
| 2027 | 26-це апрельста (9-це майста) |
| Васьфтевомац | од ломанень налхксемат |
| Сотф | Очижить мархта |
Кра́снай го́ркась — тяфта ломаттне лемнесазь Очижить мельде васенце недляшить[1]. Церькавонь койхнень коряс тя илась лемневи Антипасхакс или Фомань недляшикс. Тя илась ладяф лятфнеманди сянь колга, мзярда вельмомада меле 8-це шиня Христоссь няфтсь пря Фома апостолти. Шинь стямань славяттнень ёткса тя илась лемтьфоль тундать саманцты — крьвяснесть толмархт, вятнесть хоровотт, морсесть тундань тернемань-сяргядемань моронят, ётафнесть од стирень ярмонкат. Тя илась лувондовсь сяда пяк стирень илакс[2].
Пачкодсть азкст, бта мокшэрзятне[урядамс шаблон] ётафнесь Очижинь "васьфтемань" и Очижинь "прважамань-ильхтемань" илат. Очижить ильхтема лисендсь сембе велесь. Тяфтама иланди нолясть поза, тиендсть пуре. Ульцяса каванязь сембонь. Очижись сашендсь шинь стяма ширде, а тушендсь шинь валгома шири. Очижить кунардонь мороса лемнезь Вярдень шкаень стирькс или цёракс. А сонцень Вярдень шкайть лувондозь ши лаца. Очижить прважамста мокшетне и эрзятне плхнесть толхт. Кепотьксонди, Саратовскяй губерниянь мокшетне тяфтама илань пингоня ёрясть ляи палы шужярьхть, тише. Самарань аймакса мордватне тяфтама иласта шарондозь велеть палы тол мархта, нолясть пандоня пряста "палы шарыхть" [3] Ня толхне кода и шись кандсть валда и лямбе.
Кой-коса руснень ёткса Краснай горкакс лемневи Радоницкяй неделянь шавшись [4], уленди и марнек недялясь, а кой-коса лемневи тундань Юриень шись или тя илать алдонь шиц}.
Лия лемонза
руз. Фомино воскресенье, Антипасха[5], Радостное воскресенье[6]; бел.: Ярылавіца[7], Фаміна нядзеля, Хамова нядзеля, Правадная нядзеля[8]; укр.: Красна гірка, Ляля[9]; серб.: Антипасха, Мали васкр, Томина недеља.
«Красная горка» лемсь содаф шинь стяма ширдень сембе славяттнень ёткса. «Краснайкс», лиякс мярьгомс мазыкс, стане жа лемнезь Тундать и Очижить — «якстерь, мазы илакс». Горкакс лемнезь ся васттнень - пандоня прятнень, конат тунда коськондсть васендакиге, коса ётафневсть велеса илань весялготкшнематне. Краснай горкакс ульсь кода лемдемс илань гуляндаматнень, конат ётафневсть Очижинь недялять или Юриень шиста, или Фомань понедельникста сявомок тундань Юриень шити молемс[10].
Церькавонь койхне
Православнай церькафнень эса Фомань недляшись лемтьф-ладяф лятфнеманди сянь колга, мзярда вельмомада меле 8-це шиня Христоссь няфтсь пря Фома апостолти. Мзярда Христоссь няфтсь пря апостолхненди(ru), Фомась ётксост ашель, сяс кулемок Христость вельмоманц колга, Фомась (Евангелияса сон нинге лемневи - Близнец) ашезь кема ня валхненди. Сяс и путсть теенза лем Фома Неверующай, кона арась нарицательнай лемкс. Недяляда меле сон васедсь Идить мархта, но тага кафтолгодсь, эста Христоссь няфтезень эскнень эзда кядьсонза варятнень и мярьгсь теенза варжамс эсь кядьсонза ся васттнень. Аньцек тяда меле Фома кармась кемома Вельмомати и содазе Христосса эськотьф Тонафтыть.
Народнай койхне
«Краснай горкакс» шинь стяма ширень славяттне лемнезь Радоницкяй неделять васенце шинц. Краснай горкась ульсь од ломаттнень весялготкшнема шисна, морсесть-кштикнесть, ётафнесть стирень ладямат.
В. Г. Холоднаянь мяленц коряс, сокайхненди-видихненди тя илась сотфоль васендакиге аф хритианскяй койхнень мрхта, а языческяй илать мархта, кона лемтьфоль тундать ушедоманцты. А. А. Коринфскяень валонзон коряс, конат аф кемокстафт кодамовок историческяй источник вельде, Сире пингонь Русьса пандоня прява плхнесть толмархт Даждьбог Шинь шкайти.
Шить, толть, лямботь мархта сотфт мокшэрзятнень ламоц иласна. Толсь, лямбось семботь касфтсазь, лямбофтома мезевок аф шачи, сембось эйндай. Авонь авань озкссь ётафнесть или Очижинь недяляста, или недялянь ётазь. Кудазорхне озондсть Авонь авати, штоба сон кучель лама сёра и ванфтольхце сёроть ёндолда, пяляз толда. Озксу пуромфне симондсть кеченя пуре и ёрязь кеченять вяри. Ёрдамбачк корхнесть: "Катк тянь сереса касы сёрось!" [11]. Толтьке лувондозь пяк аропты вийкс. Толсь, кле, машфтсы сембе кальдявть, плхтасы юрнек-мезнек. Вов мес оцю илань ётафтомста тол крьвяснесть фалу. А сяс, мес Очижись фалу ётнесь видемань карша, паксянь тевонь ушедомда инголе, толть вельде панцезь сембе кальдяв вийхнень.
Свадьбатне
Революцияда ингольдень Россияса Очижить мельде васенце недляшить ладяфоль кой ётафнемс свадьбат. Тя шиста сявомок, васенцеда Оцю постта меле церькавса ушеткшнихть венцяма[12]. Лувондовсь, кле кда рьвяямс тя шиня, семьясь кармай павазу. Кда велеса Краснай горкаста ётнесь свадьба, эста илась и свадьбась шоворькшнесь марс. Моравияса стане жа тя шиста ушеткшнесть сбадьбатне.
Тундать тердемац, теенза моронь морсематне
Тя шиня тернезь-юватькшнезь тундать. Россиять кельме ширесонза од ломаттне васьфнезь шинь стямать панда пряняса. Кочксесть юватькшни-терни стирь, кона шинять васенце сюролданц мархта, лисендсь кядьта кундаф од ломаттнень кучкас и азонкшнезень тундань тердема валхнень, конат ванфтовсть кельме ширень и шинь стямань ширень Русьса.
Сембе марса тундань тернить-юватькшнить мельге азонкшнезь валхнень. Сяда меле стирсь путнесь кругса пуромф ломаттнень ёткс модать лангс архтф ал и покаряв кши, и тарксесь мора тундать васьфтеманц колга. Сембе морасть мархтонза. Фкя морть мельге морсезь омбоцеть, колмоцеть. Морамда меле сембе ярхцасть.
Тульскяй губернияса Очижить мельде васенце недляшить тернезь-юватькшнезь тундать. Ранакиге шобдава шить стямстонза лисендсть панда пряняв, шарфнемок шинь стяма шири терни-юватькшни стирсь озондсь и сяда меле сувсесь кругть потмос фкя кядьсонза ульсь кши, омбоце кядьсонза якстерь ал и морась тундать(ru) колга мор.
Калужскяй губерниянь эряйхне стане жа тернезь тундать моразь. Тиендсть шужярьста чучела, кемокснезь сонь кувака олгоня(ru) лангс и пезфнезь панда пряв. Перьфканза пуромкшнесть алят, ават. Морамда меле озсесть пандонять перьф, ярхцасть алонь пачада. Илять крвяснезь чучелать, морсесть-кштикшнесть.
Буйскяй уездса (Костромскяй губернияса) тундать васьфтемста стирьхне и цёратне шить стямста ульцяса валондозь пряснон ведьса. Сембода тазатне эшелякшнесть ляйса. Сяда меле кочксевсть марс, морсесть морхт, комотнесть перяфкс вельф, куцендсть шуфта пряс, тише капатнень перьф якасть кядень кундазь, моразь.
Украинаса нинге XX-це сяда кизотнень ушетксста тя шиня шабатне якасть кудга и азонкшнесть шнама валхт «ярь и зеленачку». Шабатне канесть кядьсост шуфтонь пзьгатат(ru). Од стирьхне якасть ульцява и морсесть тундань моронят.
Гуляндаматне
Од ломаттне кочксевсть марс: кштикшнесть, морсесть морхт. Марстонь весялготкшнематне-гуляндаматне ётнесть велень ульцятнень эса. Эрь цёрати и стирти, конанди ни пинге рьвяямс, эрявсь улемс велень ня илатнень эса. Сятнень сялнезь, кит ашесть яка ня илатненди, рахсесть лангсост. Лувовсь оцю пежекс аф самась тя илати, пельсть апак рьвяяк лядомада, идьфтома эрямада, удавакс ранакиге лядомада.
Архтф алхт
Революцияда ингольдень Россияса лувондовсь, кле Краснай горкаста ломаттне кулофнень мархта христосендайхть, сяс тя шити архнесть алхт, но аф якстерьста, а тюжяста или сянгяряста «поминандамань» тюсса . Тячити самс велетнень эзга калмотнень лангс путнихть архтф алхт , кой-коса синь путнесазь крёз лаца или калмосесазь калмоть лангс, максесазь анцинятненди. Ульсть и содамань койхтьке, кеворясть алхт панда пряста. Кда алсь кевори видеста и аф колави, эста алть кевордаенцты тя кизось ули павазу и удалаф. Кельме шире Краснай горкаста стирьхне казендезь од цёраснон архтф алса.
Поминкатне
Кой-кона русне тя шиня якайхть калмалангс, штоба лятфтамс атянь-атятнень («кулофнень мархта христосондамс»), стане жа кода Родительскяй ёткшиста [13]. Калмотнень лангс путневихть Очижинь иласта лятф ярхцамбяльхть-симомбяльхть, архтф алхт[14]. Тя ашезь мярьгондев тиендемс церькавонь койхнень коряс, но народнай койхне аф фкя лацотольхть христианскяйхнень мархта[15]. Кулофнень лятфнемань койти сувси и церькавонь поминандамась, калмалангу молемась, ярхцамста-симомста доходкянь арьсемась. Тя шиня аннезь кулофнень ваймоснон. Аноклакшнесть поминандамань ярхцамбяль: медь мархта ям, кутья, пачат, кши и лия мезе. Пицесть пива и ванондозь койхнень[16].
XIX-це сядокизоть пестонза Спасск-Рязанскяйса стирьхне и аватне равжа щамса якасть калмалангс, сюконямс кулоф тядятненди-алятненди. Васенда синь явсекшнесть калмоснон лангса, меле путнесть калмотнень лангс ярхцамбяльхть, симомбяльхть. Ломаттне малаткшнесть радняснон калмоснонды: эряфкшуфне каванякшнесть фкя-фкянь, а оттне кеворясть архтф алхт калмотнень ланга. Винань ляткснень пяярезь калмотнень лангс. Калмалангста илань щамса якасть Краснай горка илати, морсема-кштикшнема, весялготкшнема[17].
Лия койхть
Кой-коса мокшетнень и эрзятнень ёткса тячемс ванфтовсь Очижинь прважамань-ильхтемань койсь. Тяфтама ила ётафнихть Самарскяй областень Исаклинскяй районца. Веле песа наряжакшнихть лентаса шуфтонь тараткат (эрз. андямо). Тяфта мазоптф таряткя мархта молихть вири, кунардонь нешкоперезост. Озондыхть тоса, симихть-ярхцайхть, кштишендихть-морсихть [18].
Тя шитнень ладяфоль руснень ёткса казендемс раднятнень. Аноклакшнесть казнет офненди и рьвянятненди.
Тяфта, Хомутино велеса, кона Алтайса Краснай горкаста «Очижить плхнезь» — усксесть панда пряти шужярь и плхнезь сонь, тяфта прважсезь Очижить.
- Поминальнай шит славяттнень койса
- Якстерь ужа
Лятфтамат
- ↑ Громыко, 1991, с. 234.
- ↑ Холодная // Красная горка.
- ↑ Мельников, Павел Иванович
- ↑ Даль-Горка, 1880—1882.
- ↑ Шангина, Некрылова, 2015.
- ↑ Щербакова, 2005, с. 69.
- ↑ Лозка, 2002, с. 112.
- ↑ Васілевіч, 1992, с. 607.
- ↑ Воропай, 1958, с. 17.
- ↑ Забылин, 1880, с. 54.
- ↑ [Евсевьев М.Е. Избранные труды. - Саранск, 1966. - Т.5 С. 403]
- ↑ Какой праздник после Пасхи(руз.), propaskhu (23 декабря 2016). Архивировано 5 октябрьста 2018 года. Дата обращения: 4 октябрьста 2018.
- ↑ Даль-Поминать, 1880—1882.
- ↑ Коринфский, 1901, с. 245.
- ↑ Власов, 1993, с. 126.
- ↑ Толстая, 2009, с. 161.
- ↑ Сахаров, 1885, с. 187.
- ↑ [Корнишина Г.А. Традиционные обычаи и обряды мордвы: исторические корни, структура, формы бытования. - Саранск, 2000 С.30-31]
Литературась
- Вьюнишник / Т. А. Агапкина // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 1995. — Т. 1: А (Август) — Г (Гусь). — С. 480–481.
- Фомина неделя / Т. А. Агапкина // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2012. — Т. 5: С (Сказка) — Я (Ящерица). — С. 402–404.
- Яйцо пасхальное / Агапкина Т. А., Белова О. В. // Славянские древности: Этнолингвистический словарь : в 5 т. / под общ. ред. Н. И. Толстого; Институт славяноведения РАН. — М. : Межд. отношения, 2012. — Т. 5: С (Сказка) — Я (Ящерица). — С. 626–632.
- Афанасьев А. Н. Поэтические воззрения славян на природу. — М.: Тип. Грачёва и комп., 1869. — Т. 3. — 851 с.
- Баранова О. Г., Зимина Т. А., Мадлевская Е. Л. и др. Русский праздник. Праздники и обряды народного земледельческого календаря. Иллюстрированная энциклопедия / Науч. ред. И. И. Шангина. — СПб.: Искусство-СПБ, 2001. — 668 с. — (История в зеркале быта). — ISBN 5-210-01497-5.
- Белкин А. А. Русские скоморохи. — М.: Наука, 1975. — 192 с. — (Институт истории искусств Министерства культуры СССР).
- Сахаров И. П. Сказания русского народа. Народный дневник. — СПб.: Издание А. С. Суворина, 1885.
- Снегирёв И. Русские простонародные праздники и суеверные обряды. (Выпуск 3). — М.: Университетская типография, 1838. — 214 с.
- Соколова А. Л. Традиции русской народной свадьбы. — М., 2014. — 292 с.
- Холодная В. Г. Красная горка. Русские праздники и обряды. Российский этнографический музей.
- Христова Г. П., Ревнева С. Н. Календарные праздники и обряды Воронежской области // Календарные обряды и обрядовая поэзия Воронежской области. Афанасьевский сборник. Материалы и исследования. — Вып. III / Сост. Т. Ф. Пухова, Г. П. Христова. — М.: Издательство ВГУ, 2005. — С. 7—21.
- Щербакова О. С. Фольклорно-этнографические и песенные традиции русских Алтая: Учебное пособие и хрестоматия. В 2-х частях. Часть 1. — Барнаул: Изд-во АлтГАКИ, 2005. — 188 с. — ISBN 5-901897-25-0.
- Корнишина Г.А. Традиционные обычаи и обряды мордвы: исторические корни, структура, формы бытования. - Саранск, 2000 С.30-31.
- Евсевьев М.Е. Избранные труды. - Саранск, 1966. - Т.5 С. 403.
Ссылкатне
- Красная горка // Российский этнографический музей.
- Красная Горка // Сахаров И. П. Сказания русского народа — СПб: Издание А. С. Суворина, 1885.
- Красная горка: вождение «ширинок» в селах Вышние и Нижние Пены Ракитянского района Белгородской области.