Котов, Александр Григорьевич

Александр Григорьевич Котов
Александр Григорьевич Котов
Шачема шиц	19-це октябрьста 1918-це кизоня
Шачема; вастоц	Тройця, Крансослободскяй уездсь[d], Пензенскяй губерниясь[d], Россиянь Советонь Федеративонь Социализмань Республикась[d];
Кулома шиц	25-це июньцта 2005-це кизоня (86 кизоц)
Кулома; вастоц	Тройця, Лашмань район, Мордовия Республикась, Россия;
Принадлежностсь	СССР
Войскань родсь	ВВС СССР
Служама кизонза	1938—1943, 1946—1953
Званияц	; гвардии капитан
Частец	32-це гвардейскяй истребительнай авиационнай полксь
Должностец	эскадрильянь командиронь полафты
Сражениятне/войнатне	Великай Отечественнай война;

Алекса́ндр Григо́рьевич Ко́тов — (19.10.1918 - 25.06.2005). Советскяй военнай лётчик, гвардии капитан. Советскяй Союзонь Герой (1943).

Эряфонь киц

Александр Котов шачсь 19-це октябрьста 1918-це кизоня Мордовияса Ковылкинскяй райононь Троицк Троця руз. (Троця) велеса</ref>. Сисем классонь аделамда меле фабрично-заводской ученичествань школань аделамда меле покодсь Мосуть ала Монинскяй камвольнай комбинатса.

1938-це кизоня Котов ульсь тертьф службас рабоче-крестьянскяй Якстерь Армия^[1]. 1940-це кизоня шумордазе Мясниковаонь лемса Качинскяй Краснознаменнай военнай авиационнай лётчиконь школать. 1941-це кизонь июньцта сявомок — Великай Отечественнфй войнань фронттнень эса.

1943-це кизонь 22-це январти гвардиянь старшай лейтенантсь Александр Котов 32-це гвардейскяй истребительнай авиаполконь эскадрильянь командиронь полафты 210-це истребительнай авиадивизиянь 1-це истребительнай авиационнай корпусонь 3-це воздушнай армиянь (СССР) Калининскяй фронтонь. 1943-це кизоня ётафтсь 256 боевой лийкстама и 129 воздушнай бойса крьвястсь 16 вражескяй самолёт^[2]. Тя подвигонзон инкса ульсь максф Советскяй Союзонь Герой лемсь. М. Ю. Быковонь уликсонзон коряс, аньцек сонць машфтсь 11 и 4 вражескяй самолётонь группаста.

СССР-нь Верховнай Советть Президиумонц указонц коряс «О присвоении звания Героя Советского Союза начальствующему составу Военно-Воздушных сил Красной Армии» от 22 февраля 1943 года за «образцовое выполнение боевых заданий командования на фронте борьбы с немецкими захватчиками и проявленными при этом отвагу и геройство» максф Советскяй Союзонь Герой лемсь и максф Ленинонь орденоц и медаль «Зрнянь тяште» (СССР) 813 номерть ала.

1943-це кизонь апрельть ушетксста ульсь стакаста токаф. 1943-це кизонь августста инвалидностень коряс Котов ульсь нолдаф армияста улемс анококс. 1946 — 1953-це кизотнень тага служась Советскяй Армияса, отставкас лиссь капитанонь званияса. Мрдась шачема велезонза, коса васенда покодсь электротехникокс,а меле межколхознай ГЭС-онь директоркс.

Казьф Ленинонь кафта орденца, Якстерь знамянь орденца и Отечественнай войнань 1-це степенень орденца, «Киевть араламанкса» медальса, «Москуть араламанкса», «Сталинградть араламанкса», «Великай Отечественнай Войнаса Германиять лангса сяськоманкса», СССР-нь и РФ-нь медальса. Мордовия Республикань шнама гражданин (2000). Ковылкинскяй райононь шама гражданин.

Российскяй Федерациянь Вооруженнай вийхнень Верховнай Главнокомандующайть2№ 27-це апрельста 2000-це кизонь эзда Приказонц коряс года Александр Котовонди максф майор лемсь.

Кулось 2005-це кизонь 25-це июньцта 87-це эряфонь кизонц лангса. Калмаф тяниень Мордовия Республикань Ковылкинскяй райононь Троця руз. (Троицк) велеса.

Александра Котовонь лемонц каннесы Троицкяй средняя общеобразовательнай школась. Кудть лангса, коса эрясь Геройсь, ладяф лятфнемань седяф.

Лятфтамат

↑ Александр Григорьевич Котов (рус.). Сайт «Герои страны».
↑ Представление на присвоение А. Г. Котову звания Героя Советского Союза // ОБД «Память народа» (неопр.). Дата обращения: 17 январьста 2019. Архивировано 17 апрельста 2019 года.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Геройская быль. — Саранск: Мордкиз, 1985.

Ссылкатне

Александр Григорьевич Котов (рус.). Сайт «Герои страны».
Наградной лист в электронном банке документов «Подвиг народа».

[wh-1] Александр Григорьевич Котов (рус.). Сайт «Герои страны».

[2] Представление на присвоение А. Г. Котову звания Героя Советского Союза // ОБД «Память народа» (неопр.). Дата обращения: 17 январьста 2019. Архивировано 17 апрельста 2019 года.

[1]

[2]