Корнишин, Василий Иванович

Рувикиса улихть статьят лия ломанень колга, конань фамилияц Корнишин.

Василий Иванович Корнишин
Шачема шиц	6 октябрьста 1924(1924-10-06)
Шачема вастоц	Булгаково[d], Саранскяй уездсь[d], Пензенскяй губерниясь[d], РСФСР, СССР
Кулома шиц	18 июльста 1944(1944-07-18) (19 кизоц)
Кулома вастоц	Семянувка[d], Наревка[d], Ханувскяй повет[d], Подляскяй воеводства[d], Польша
Принадлежностсь	СССР
Войскань родсь	Пехота[d]
Служама кизонза	1942—1944
Званияц	Младшай лейтенант
Частец	717-це стрелковай полксь 170-це стрелковай дивизиянь (2-це формированиянь)
Должностец	командир стрелкового взвода
Сражениятне/войнатне	Великай Отечественнай война
Казненза и премиянза

Васи́лий Ива́нович Корни́шин (1924—1944) — Покодиень-сокаень-видиень Якстерь Армиянь младшай лейтенант, Великай Отечественнай войнаса улись, Советскяй Союзонь Герой (1945).

Эряфонь киц

Василий Корнишин шачсь 1924-це кизоня 6-це октябрьста Булгакова велеса (тяни — Мордовия Республикань Кочкуровскяй районць). Школаса кемонь классонь аделамда меле покодсь колхозса. 1942-це кизоня Корнишин тертьфоль покодиень-сокаень-видиень Якстерь Армияв. 1943-це кизоста — Великай Отечественнай войнань фронттнень эса. 1944-це кизонь июль ковти младшай лейтенантсь Василий Корнишин Белорусскяй 1-це фронтонь 48-це армиянь стрелковай 170-це дивизиянь стрелковай 717-це полконь стрелковай взводонь командир. Цебярьста няфтезе прянц Белорусскяй операциять пингста.

Белорусскяй ССР-са (тяни — Польшань Подляскяй воеводства) тюрематнень пингста Корнишинонь взводоц, ётамок щайть туркс, Белостоксть ширде лиссь юго-востоку Семянувка велеть малас. 1944-це кизоня 18-це июльста взводсь сатфкс мархта панезе противникть траншеяста, а меле киртьфт врагонь колма врьгятнемат, конань пингста врагсь лама юмафтсь. Ся Бойса Корнишин шавовсь. Васенда ульсь калмаф Семянувкаса, меле ульсь калмаф оду братскяй калмолангса Хайнувка ошса.

СССР-нь Верховнай Советть Президиумонц Указонц коряс 24-це мартста 1945-це кизоня «фронтса немецкяй врьгятнихнень каршес тюремста командованиять боевой заданиянзон цебярьста пяшкодеманкса и тяконь лувксса мужестванкса и герозманкса» Василий Корнишинонди младшай лейтенанти шавомдонза меле максовсь Советскяй Союзонь Героень лемсь. Тяфта жа куломда меле казевсь Ленинонь орденца.

Корнишинонь лемонц каннесы Булгаковаса школась, Кочкурова велеса (Кочкуровскяй районць) ладяф ладяф соньбюстоц.

Лятфнематне

Литературась

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
• Геройская быль — Саранск: Мордкиз, 1985.
• Навечно в сердце народном / Редкол.: И. П. Шамякин (гл. ред.) и др. — 3-е изд., доп. и испр. — Мн.: Белорусская советская энциклопедия, 1984. — С. 257. — 607 с. — 65 000 экз.

Ссылкатне

https://natlibraryrm.ru/kornishin-vasilij-ivanovich-06-10-1924-18-07-1944/ Корнишин Василий Иванович