Кола Черапкин

Кола Черапкин
Шачсь	21 майста 1917(1917-05-21)
Шачема вастсь	Исапря[d], Инсарскяй уездсь[d], Пензенскяй губерниясь[d], Россиянь империя[d]
Кулось	22 июльста 1987(1987-07-22) (70 )
Кулома вастсь	Саранск ош
Масторсь	СССР
Покодемань тиендемац	тонафтысь, сёрмадысь
Казнет

Q5Кола Черапкин

Кола Черапкин (руз.: Черапкин Николай Иосифович; шач. 21 майста 1917, Исапря, Инзарань район, Мордовия – кул. 22 июльста 1987, Саранош, Мордовия) — мокшень кяльвалонь содайсь, тонафтысь. Филологиень тонадомань доктор (1971 к.). Рузмасторонь Федерациень тонадомань шнаф тии (1977).

Эряфонь киц

Черапкин тонафнезень Рузмасторонь народонь од литературхнень, кърхкаста няфнезе, мезсь маласькофнесыне синь мокшэрзянь литературти.

Сон сёрмадсь мокшень литературть эрямопингонц коряс оцю покамат, синь ётксост: «Тяниень пингонь мокшень литературась», «В братском содружестве», «Притоки». Лама ширде тонафнезе Горькаень Максим покаманц, содафт монографиенза: «По заветам М. Горького» ди «Горячее сердце большого друга». Черапкин сятнень ёткса, кит сёрмадозь «Мордовиянь советонь литературть эрямопингонц нюрьхкяня азксонзон», 3 томса «Мордовиянь советонь литературть эрямопингонц», «Мордовиянь литературть эрямопингоц», 6 томса «Советонь лама ломаньтъналонь литературть эрямопингоц». Мекольцеть нолдазе Максим Горькаень лемса Масторлангонь литературонь институтсь.

Черапкин сёрмадсь 20 китап, ётксост тонафтомкитапт, хрестоматиет вяре тонафниенди ди тонафнемкудонди; сон тяштсь 2 налхкомат – «Вирява», «Ломанць ломанти». Черапкин Н. И. аноклась смузьшинь содамань тонадомань 10 кандидат.

Кяльвалсь

• Энциклопедия «Мордвась» Саранск, 2006 к. 515 л.(руз.)