Снегирёв, Николай Александрович
| Николай Александрович Снегирёв | |
|---|---|
 | |
| Шачсь | 28-це июньцта 1950-це кизоня |
| Шачема вастоц | |
| Кулось | 4-це ноябрьста 1999-це кизоня (49 кизоц) |
| Гражданство (подданство) | |
| Тевтиемань родсь | СССР-нь, Мордовиянь поэт |
Снегирёв, Николай Алекандрович (28-це июньцта 1950-це кизоня, Кочетовка[d], Нижегородскяй областсь[d] — 4-це ноябрьста 1999-це кизоня) — содаф поэтсь.
Эряфонь киц
Николай Снегирёв шачсь Нижегородскяй областень Сеченовскяй райононь Кочетовка велеса 1950-це кизоня, 28-це июньцта. Эряфонц оцю пяльксонц эрясь мокшэрзятнень ёткса. Велень школать аделамда меле тонафнесь Н. П. Огарёвонь лемса Мордовскяй государственнай университетса филологиянь факультетса. Шумордазе 1972-це кизоня. Аделамдонза меле покодсь редакторкс районнай газетаса, меле «Молодой ленинец» республикань газетаса, покодсь мордовиянь радиваса, телевиденияса. Сонь перанц алда лиссть «Суровая пастораль» и «Юбилей» повесттне. Композиторсь Г. И. Сураев-Королёв сонь стихотворениянзонды «Солдатская вдова», «Прощай» и «Сегедский танковый полк» ладясь музыка.
Куломдонза меле 2002-це кизоня лиссь сонь поэтическай книгац, коза сувасть стихонза и поэманза марстонь лем ала «Утро деревенское моё» и героическяй эпоссь «Русь богатырская»[1]. Ардатоваса журналистть ляфтнманкса и мяляфтоманкса лемтьф фкя од ульцять лемоц[2].
Тяштемац
Валморонь тяштеманц ушедозе шабакспингстокиге. Ашезе кадонда тя тевть тонафнемстаи журналистокс покодемать пингста. 1977-це кизоня Мордовиянь книгань издательствась нолдазе «Поезда» стихонь васенце книганц. Сон тусь мяльс лувихненди сяс, мес Снегирёв Н. А. эсь тяштьфсонза од сельмованфса варжакстсь перьфканза эряй ломаттнень лангс, конат эряйхть велеса и конат эсь пуворксу кядьсост сатозь Сяськомань шить Великай отечественнай войнаса «Мой тихий край», «Добрые люди» («Молодая гвардия»), «Юбилей» (1993).
Книгац «Мой тихий край» нолдафоль Саранскяйса, «Добрые люди» — Москувонь «Молодая гвардия» издательстваса.
Тяда башка Н. А. Снегирёвонь валморосонза сидеста лисендсть марстонь кярьмазса, альманахса, «Москва», «Знамя», «Сельская молодёжь», журналса.
Лятфтамат
- ↑ Писатели Мордовии (рус.). Книжная палата Мордовии. Дата обращения: 12 декабрьста 2025.
- ↑ Любовь Кириллова. Светлой памяти Николая Снегирёва (рус.). Маяк (5 ноябрьста 2009). Дата обращения: 12 декабрьста 2025.