Ключевой ставкась Россияса

Рувики лопаста
Ключевой ставкать полафтомац
Юрса ащи события: Ярмаконь-кредитнай политикась
Ключевая ставка в России.jpg
Пингсь 25 июльста 2025
Вастсь Россиянь Банкась
Туфталсь Инфляциять лоткамац и экономикань кельмомань ширетне
Улихне Россиянь Банкань Директоронь советсь
Результатсь Ключевой ставкань кирьфтамась
Тядонгольдень ставкась 20%
Од ставкась 18% ↘
Киремась 2%
Сайтсь cbr.ru

Ключевой ставкась Россиянь Банкань (руз. Ключева́я ста́вка Ба́нка Росси́и) — Российскяй Федерациянь Центральнай банкать (Россиянь Банка) ярмаконь-кредитнай политиканц основной инструментоц, кона тии влияния процентнай ставкатненди экономикаса, инфляциять и национальнай валютань курсти  — тя процентнай ставка, конань коряс Россиянь Банкась максcи кредитт коммерческяй банкатненди и прняндай эздост депозитт. Россияса ключевой ставкась ульсь сувафтф 2013-це кизоня. Тяда инголе Россиянь Банкаась тевс нолязе рефинансированиянь ставкать основной инструментонди ярмаконь-кредитнай политикаса[1]. Россиянь Банкань Директоронь советсь латцесы сереть ключевой ставкатненди кизоти кафксоксть[2].

Россиянь Банкась 2025-це кизонь 6-це июньцта кирьфтазе ключевой ставкать 20 % кизоньберьфоненеть, мезсь арась ярмаконь-кредитнай политикати васенце ляпоптомакс 2022-це кизонь сентябрьста сявомок[3]. 2025-це кизоня 25-це июльста Россиянь Банкась тага весть кирьфтазе ключевой ставкать — 18 % кизоньберьфоннеть[4].

Россиянь Банкать операциянза, конат ётафневихть ключевой ставкать коряс

Россиянь Банкась примси решеният ключевой ставкать уровененц колга ярмаконь-кредитнай политикать (руз.) (мок. целенц мяльс сявозь — ванфтомс кизонь инфляциять 4% малава. Питнень кемокстамаса центральнай банксь может казямгофтомс или ляпоптемс ярмаконь-кредитнай политикать. Банковскяй секторть ликвидностень дефицитонц пингста центральнай банксь келепнесы рефинансированиять и максси банкатненди ключевой ставкать коряс ликвидность, конанди малады сембода ёмла процентнай ставкась Россиянь Банкть РЕПО аукциононзон эса фкя недялянь кувалмос. Банковскяй секторть ликвидностень профицитонц пингста центральнай банкась сявондьсы сонь лишнай пяльксонц и сявондьсыне банкатнень эзда депозиттнень ключевой ставкать коряс, конань мархта равнай россиянь Банкать депозитнай аукциононзон эса сембода оцю процентнай ставкась фкя недялянь кувалмос. Эсь ярмаконь-кредитнай политикань инструментонзон вельде Россиянь Банкась вятни фкя шинь процентнай ставкатнень мархта, конатнень коряс банкатне тиендихть фкя-фкянь мархта операцият ярмаконь рынкаса. Кирдемок ярмаконь рынкань ставкатнень процентонь коридорть границаса[5].

Россиянь Банкать решенияц ключевой ставкать коряс

Россиянь Банкать Директоронь советоц (руз.) (мок.максси ключевой ставкань уровень кизоти кафксоксть. Решениятне примсевихть ниле «нежедемань» заседанияса, конат ётафневихть весть кварталти, и ниле промежуточнай, конат ётафневихть опорнайхнень ёткова. Эрь заседаниять итогонзон коряс Россиянь Банкась максси пресс-релиз ключевой ставкать колга. Нежедемань пуромкста меле пресс-релизда башка печатлакшневи «Доклад ярмаконь-кредитнай политикать колга», и Россиянь Банконь Председательсь корхтай пресс-конференцияса, тиенди комментарият примаф решениянди и отвечай журналисттнень кизефксснон лангс[6].

Ключевой ставкать цебярь ширенза

Ключевой ставкать влиянияц банковскяй секторонь процентнай ставкатнень лангс азондови тяфта лемдеви ярмаконь-кредитнай политикань «процентонь каналть» вельде. Ключевой ставкать коряс решениятне влияндайхть банковскяй сембе продуктатнень лангс. Россиянь Банкть операционнай целец ащи ярмаконь рынкать ставканц кирдемац ключевой ставкать маласа. Россиянь банксь кирьфтасы RUONIA ставкать спредонц (разностенц) и ключевой ставкать. Кда инфляционнай таргетированияти ётамада инголе спредсь 2013-2014 кизотнень ульсь 2 %, то ётамада меле, 2019 кизоть пенцты, сон кирсь 0,5% ти. Спредть киремац корхтай банковскяй секторть ликвидностенц мархта управлениять эффективностенц касоманц колга[7].

Ключевой ставкать полафтомац влияндай банкатнень кредитнай и депозитнай ставкаснон динамикаснон лангс. Сембе сяка сон аф аф пяшксе: корпоративнай кредитонь сегментса ставкатненди ётафневи 50%-ста сявомок 80%-ти молемс ключевой ставкань полафтомась, а розничнай кредитонь и депозитонь сегментса — 40%-да аф лама. Банкань продуктатнень коряс процентнай ставкатнень корректировкасна занци кой-мзяра пинге, поздандамась мольфтеви кафта-колма ковста сявомок фкя кизоти молемс. Процентнай каналть эффектонц аф фкя лацонь ширец няеви аф аньцек продуктатнень явомста, но тяфта жа срокнень коряс. Кредитнай и депозитнай рынкань ламоц сегменттнень эса нюрьхкяня пингонь ставкатне реагировандайхть ключевой ставкать полафтоманц лангс сяда вишкста и вииста, долгосрочнай ставкатнень коряс. Кредитнай и депозитнай рынкань основной сегменттненди характернай ключевой ставкать коряс реакциянь няфтеви асиметриясь. Депозиттнень коряс ставкатне шарфнихть мяль ключевой ставкать касоманц лангс сяда валом, сонь киреманц коряс, сяка пингть кода кредитнай рынкаса асимметриясь канни каршек ащемань характер. Сембе сяка ключевой ставкань процентнай каналть аф полотностец и асимметричностец аф ащихть свидетельствакс сонь ёмла эффективностенцты. Центральнай банкть процентнай ставканц аналогичнай свойстванза няевихть и лия экономикатнень эса[8].

Россиянь Банкать процентнай политикац тии молема макроэкономическяй динамикати и экономическяй агенттнень учсемаснонды. Кепотьксонди, промышленнай производствань индексть ответоц ключевой ставкать апак учсек касоманц лангс лисенди отрицательнай и эрявикс. Ответть кувалмоц таргави пингонь ётазь и мады колма кизоньберьф. Тяда башка, няеви инвестициянь реальнай объемть киремац, розничнай мишендемать, экспортть и импортть, афкуксонь зарплататнень киремасна и безработицань нормать касомац. Экономическяй тевтиемань эрь кодама виттнень эса ключевой ставкать эффектонза аф фкат. Экспортно-ориентированнай секторхне аф марясазь Россиянь Банкать ключевой ставканц, сяка пингть кода внутренняй проциклическяй экономическяй деятельностень виттне, тяфтапне кода строительствась, меколанкт, сатомшка сотфт ключевой ставкать полафтоманц мархта. Тяфтама жа эффектт няевихть ключевой ставкать киремста. Процентнай политикать ляпомомац максси стимулирующай воздействия деловой эрекшить лангс.[9].

Нейтральнай ключевой ставкась

Главнай кизефкснень эзда фкясь, кона сотф любой центральнай банкать процентнай ставканц мархта, ащи сонь равновеснай смузец. Фкя сталмоннекс лемнесазь «естественнай» или «нейтральнай» процентнай ярмаконь-кредитнай политикать процентнай ставканц реальнай выраженияса, конань пингста сатови нулевой сязевомась потенциальнай и фактическяй ВВП-ть ёткса, а инфляциясь ащи целевой ориентирть ваксса. Номинальнай нейтральнай ставкась фкя реальнай нейтральнай ставкать и учсеви инфляциять мархта суммать мархта. Инфляционнай учематнень пингста, фкат инфляциять целевой ориентиронц мархта, нейтральнай ставкась фкя лаца центральнай банкть инфляционнай целенц мархта. Фкя лацонь условияса Россиянь Банкать ключевой ставканц долгосрочнай смузенц должен улемс 4 % кизоти.[10].

Реальнай нейтральнай ставкась шарьхкодеви экономикать структуранц, финансовай и аф финансовай активс инвестициянь рисконь уровенть, а стане жа экономическяй агенттнень примамс синь эсь лангозост анокшиснон мархта. Кепотьксонди, нейтральнай ставкать лангс влияндайхть производствань факторхнень марстонь производительностьсна, демографическяй условиятне, финансовай секторть состоянияц, нейтральнай ставкать смузец лия странатнень эса. Нейтральнай ставкась лувондови аф ванови величинакс и сонь оценканза, кода правила, пяк приблизительнайхть. Ламоц случайста синь макссихть значениянь область, а аф конкретнай точка. Ставкань питнень максомась ащи лама факторста и пингонь ётазь полафни. Нейтральнай ставкань питнень максомась эряви центральнай банкати ярмаконь-кредитнай политикать ладяманцты. Путомок ключевой ставкать нейтральнай уровеньда вяри, Россиянь Банкась вяти кеме политика. Нейтральнай уровеньда ала ставкать пингста сонь политикац ащи стимулировандайкс. Нейтральнай ключевой ставкать питнень макомац стане жа эряви экономическяй агенттненди, — домохохозяйстватненди и фирматненди, — потребительскяй и инвестиционнай решениянь прняндаманкса[11].

Россияса ключевой ставкать полафтомац

Россиянь Банкть ключевой ставканц нейтральнай смузенц экспертнай оценканза ащихть 1% сявомок 3% молемс диапазонца. Сонць Россиянь Банксь 2016-це кизонь исследованияса лувондозе сонь диапазононц 1 % лама пингонь ётазь и 3 % нюрьхкяня пингонь менельёньксса[12]. Нейтральнай ставкань аф зависимай оценкатне, средняйста, сякот или сяда ёмлат. МВФ 2018-це кизоть песта лувондозе сонь 1 и 3% ёткса, тяка пингть ламоц питнень максоматне ульсть 2% перьф[13]. «ВТБ Капиталть» экономистонза арьсихть, што нейтральнай ставкась ащи 1,5% и 2,5% ёткса[14]. 2020-це кизоти Россиянь Банкась лисенди лама пингонь реальнай нейтральнай ставкань питнень максомста 2-3 %.Инфляциять (руз.) (мок. целевой ориентиронц пингста номинальнай нейтральнай ключевой ставкась должен улемс 6%-ста сявомок 7%-ти молемс [10].

2024-це кизонь 16-це февральста Россиянь Банкть директоронь советоц ванфтозе ключевой ставкать 16 % кизонь уровеньца[15].

26-це апрельста 2024-це кизоня базовай сценарийса Россиянь Банкась касфтозе средняй ключевой ставкань прогнозть 2024-це и 2025-це кизотнень 15,0-16,0% и 10,0-12,0% малава. "Кда дезинфляциянь процессь лоткафтови, минь аф ёрясаськ ключевой ставкать кеподеманц», азозе 26 апрельста РФ-нь ЦБ-нь оцюнясь Эльвира Набиуллина. Сон азозе, што ЦБ — сь кармай кирнемонза ставкать сериста «сняра пингс, мзяра эрявксты инфляциять пяк мрдафтоманцты целевой показательти — 4%». Целевой показательти 4% мрдамать Россиянь Банкась учсы сай кизоть. Тяка пингть инфляциять коряс 2024-це кизоти Россиянь Банкать прогнозоц ульсь касфтф 4-4,5 % сявомок 4,3%-4,8%-ти молемс [16].

2024-це кизоня кизонда российскяй банкань оцюнятне Герман Греф и Андрей Костин азозь, што аф учсихть цебярь лядыкст ключевой ставкать кирьфтамаса 4-5 %. Греф лемдезе тяфтама гипотетическяй решениять «сигналкс сембе банкненди, сембе экономикати», што Центральнай банка лем ала «мекольце шумбраста арьси институтсь макссь кодама-бди серьезнай сбой»[17].

26-це июльста 2024-це кизоня Россиянь Банкась васенцеда декабрь ковста 2023-це кизоня кеподезе ключевой ставкать — 16%-ста 18%-ти молемс кизоти, августста Россиянь Банкась панжезень аргументтнень, конат корхтасть ставкать кеподеманц инкса 19-20%-ти июльста заседанияса. Синь ётксост — 4%-ти цельть коряс инфляциять ламос ванфтомац и производительхнень касомань возможностьснон карьхцямасна[18].

2024-це кизоня август ковть песта Россиянь Банксь азозе экономикань марямать киреманц ключевой ставкати, мезсь веши регуляторть эзда сяда оцю полафтома сай пингть, азозе ЦБ-ть председателенц полафтыец Алексей Заботкин. Сон шарьхкодезе, што тяниень ключевой ставкань уроветтне тяйня смузьса малат рекорднайхненди, но корхтамс сянь колга, што регуляторонь политикась тяни пяк кеме, аф корректнай[19].

2024-це кизонь 13-це сентябрьста Центральнай Банкась кеподезе ключевой ставкать 18 %-ста 19 %-ти самс кизоньберьфоннетнень[20], кда инфляциясь кармай маладома 8%-ти са кизоня, ключевой ставкась ули кода касфтф 23%-ти самс, азозе ВТБ-нь правлениянь васенце зампредсь Дмитрий Пьянов[21]. Октябрьста ВТБ-нь Оцюнясь Андрей Костин 2024-це кизоня нолдазе ЦБ-ть ключевой ставканц касоманц 21%-ти 2024-це кизоня[22].

25-це октябрьста 2024-це кизоня Россиянь Банкась касфтозе ключевой ставкать 19-ста 21%-ти кизоти. Российскяй ЦБ-ть виде ключевой ставканц тя колмоце касфтомац, а 21% — сонь сембода оцю смузец историять сембе пингстонза. Ингольдень рекорднай отметкась — 20% — ульсь сатф 2022-це кизонь февральста, военнай операциять ушетксста и ЦБ-нь золотовалютнай резерватнень кельмофтемдост меле омба масторса[23]. Центробанкть казяма ярмаконь-кредитнай политикац — тя аф прянь маряма, а афкукс реакция сянди, мезе тиендеви экономикаса, азозе ЦБ-ть председателец Эльвира Набиуллина Госдумаса финансовай рынкать коряс комитетть заседанияса. Сонь валонзон коряс, ЦБ-нь казяма ярмаконь-кредитнай политикась «араласы зарплатать, пенсиять, пособиятнень и сбережениятнень питнетнень касомаснон эзда», а оцю инфляциясь может улемс выгоднай аньцек тяфтама бизнести, кинь товарснон граждаттненди сави рамамс любой случайста»[24].

2025-це кизонь 14-це февральста российскяй банкне няевиста кирьфтазь Центральнай банкать кядьста заимствованиянь объемть 1,79 трлн цалковайти, мезсь ащи минимальнай показателькс 2024-це кизонь июнть песта сявомок. Тя валгомась 43,4 % корхтай сянь колга, што банкатне аф учсесазь ключевой ставкать кеподеманц сай заседанияса[25],меле ульсь содаф, што Россиянь Банкась пуромкссонза кадозе ключевой процентнай ставкать папк полафтт кизоньберьфонь 21 % сереса[26].

2025-це кизоня 21-це мартста Россиянь Банксь колмоцеда мельцек ванфтозе ключевой ставкать 21% кизоньберьфонь уровеньца. Решениясь ульсь примаф, аф ваномок недялянь инфляциять киреманц лангс и населениять и предприятиятнень инфляционнай учендомаснон лангс[27].

25-це апрельста 2025-це кизоня Россиянь Банконь Директоронь советсь примась решения ванфтомс ключевой ставкать 21% сереса кизоньберьфонь уровеньца. Тя нилеце заседаниясь мельцек, конань эса ставкась аф полафни[28].

2025-це кизонь 6-це июньцта Россиянь Банксь васенцеда 2022-це кизонь сентябрьста кирьфтазе ключевой ставкать — 20 % кизоньберьфоннети[3].

2025-це кизонь 25-це июльста ЦБ-сь нинге весть кирьфтазе ставкать — 18% кизоньберьфоннети[4].

Мяльхне и пингта инголе арьсематне

2024-це кизонь ноябрьста Россиянь Центральнай банкань оцюнясь Эльвира Набиуллина васенцеда азозень эсь пингта инголе мялензон ключевой процентнай ставкать и инфляциянь уровенть коряс маластонь кизотненди, няфнемок синь учсеви киремаснон. Государственнай думаса выступандамста сон няфтезень Россиянь Банкать пингта ингольдень мялензон, конатнень коряс 2025-це кизоня ключевой ставкась может улемс 17% сявомок 20% молемс (тяниень уровенць — 21%), а инфляциясь —4,5-5%. Сяда тов арьсекшневи, што инфляциясь ляды 4% маласа, а 2027-це кизоти ключевой ставкась кири 7,5-8,5 %. Набиуллина азозе, што экономикась ащи шарфты этапса, маластонь кофнень эряви учсемс корпоративнай кредитнай портфельть касоманц киреманц, мезсь, эсь инксонза, кирьфтасы сонь путфонц спрость марстонь касоманцты и кирьфтасы тяниень инфляциять. Сон китькстазе, што тя должен улемс свидетельствакс сянди, што ярмаконь-кредитнай политикась мекпяли пачкодсь эрявикс уровенти[29].

2025-це кизонь 25-це февральста ВТБ-са прогнозировандазь, што ключевой ставкась ляды 21% кизоньберьф. Банкань правлениянь васенце зампредсь Дмитрий Пьянов путозе 2025-це кизоть кода «кредитнай маневрань киза», китькстазе, што физическяй лицатнень кредитованияснон кирьфтамасна кармай аф административнай мераса, а потребительскяй кредитованияса перяфкснень вельде[30].

2025-це кизонь 28-це февральста ВТБ-нь оцюнясь Андрей Костин инголдазе ЦБ-ть ключевой ставканц киреманц 19%-ти 2025-це кизоть омбоце пяльксстонза. «Россия 24» эфирса сон корхтась инфляциять кирьфтаманц учеманц колга, кона малаткшни сембода вяри кеподемати. Аф ваномок пяк кеме кредитнай политикать и ЦБ-ть прогнозонц лангс 19-22% ставкать коряс, Костин азозе надиямать ставкать киреманц лангс кизоть пенцты. Топ-менеджерть питнень максоманц коряс, банкатнень прибыльсна 2025 кизоня киренди 15-20 %[31].

3-це апрельста 2025-це кизоня Россиянь Банкань оцюнясь Эльвира Набиуллина азозе, што средняй ключевой ставкась 2025-це кизоня, ЦБ-ть прогнозонзон коряс, учсеви 19-22% диапазонца, тянь пингста регуляторсь лувсы, што сон кармай сяда мала тя диапазонть алце границанцты[32].

9-це апрельста 2025-це кизоня Эльвира Набиуллина, корхтамок Госдумаса, азозе, што Центральнай Банксь кармай вятема тевонц ключевой ставкать кирьфтаманц коряс. Набиуллина лятфтазе, што ётай кизоть инфляциясь тага вишкомсь кизоть ушетксста савор, сяс ЦБ-сь эряви тиемс тевонзон пелезь[33]. Глава регулятора подчеркнула:

Ставкать кирьфтаманцты минь карматама малаткшнема пяк аккуратнайста, саворня. Важна кемамс, што инфляционнай саворне кири. Но ули и од риск-тектоническяй шаштомат мировой торговляса. Торговай войнатне ётнихть сельминголенк, и мзярс стака шарьхкодемс, мезти синь вятихть мировой экономикаса и кода влияндайхть Россиять лангс[34].

2025-це кизоня 21-це апрельста аналитикне, конатнень кизефнезень РБК-сь, прогнозировандазь, што Россиянь Банкась 25-це апрельста заседанияса, улема, ванфтсы ключевой ставкать 21% кизонь коряс нилецеда мельцек. Эксперттнень ламошкасна кирдихть мяльхть, што ставкась ляды аф полафтовикс, но кой-конатне мярьгондихть ушедомс ярмаконь-кредитнай политикать ляпомгодоманцты и ставкать кирьфтаманцты апрельста ни. Ставкань ванфтомать коряс аргументтнень ёткса лемневихть инфляциять кирьфтамац, но населениять и бизнесть ванфтови оцю инфляционнай учсеманза, а стане жа геополитическяй напряженностсь и торгавамань войнатнень касомаса пелькссь. Сяка пингть, кой-кона эксперттне няфнихть экономикань кельмофтевомань признакнень, кредитованиять савор молеманц и М2 ярмаконь массать киреманц лангс, мезсь может арамс нежедема вастокс ставкать кирьфтаманцты[35].

25-це апрельста 2025-це кизоня ВТБ-нь председательть васенце полафтыец Дмитрий Пьянов путозе серцек Россиянь Банкть оцю ключевой ставканц экспериментальнай антибиотикть мархта, китькстазе кувака пингонь сонь ванфтоманц эрявиксшинц. Сонь мяленц коряс, ярмаконь-кредитнай политикать пингта инголе ляпомомац может улемс тяфтама жа вреднайкс, кода лекарстватнень примамасна. Пьянов азозе, што Россиянь экономикась 2022 кизода меле няфни эсь лацонь случай, и Центральнай банкти аф видеста азови тя «антибиотикть» примаманц колга[36].

2025-це кизонь 2-це июньцта содавсь, што аналитикнень колмоцекс пялькссна учсесазь Россиянь Банкать ключевой ставканц киреманц заседаниясонза 6-це июньцта. РБК-нь консенсус-прогнозонь 30 участникнень эзда 10 лувсазь, што ставкась может кирьфтавомс 19 %, ся пингть кода ламотне (20-сь 30-ста) арьсихть, што сон ляды 21% сереса, но сяда ляпе сигналса. Ставкань кирьфтамаса основной факторкс лувондови инфляциять кемоста кирьфтамац, хуш инфляционнай учематне ляткшнихть серикс. Россиянь Банкать зампредоц Филипп Габуния азозе эрь кодама вариантонь ваномать колга сай заседанияса. Финансонь министрсь Антон Силуанов стане жа нолдазе возможностть кирьфтамс ставкать, няфнемок инфляциять цебярь динамиканц лангс. Но ламоц эксперттне няфтихть пелькс аськолкснень лангс, сотфнень покодемань рынкать, инфляциять и бюджетнай политикать мархта, мезсь шоряй июньцта ставкать киреманцты[37].

2025-це кизонь 6-це июньцта Россиянь Банкась кирьфтазе ключевой ставкать 21%-ста 20%-ти кизоти, мезсь арась васенце ляпомакс ярмаконь-кредитнай политикать 2022-це кизонь сентябрьста сявомок. Тя решениясь ульсь примаф инфляциять стабилизациянц пингста и экономикать и кредитованиять кельмофтемань признаконзон пингста. Хоть ламонц аналитикне учсть ставкать ванфтоманц 21 % сереса, финансонь и экономическяй развитиянь министратне азсть вал сонь кирьфтаманц инкса. Уликснень коряс, инфляциясь Россияса кармась кирема, апрельста пачкодсь 10,23% и июнть ушетксста 9,66%. Цалковайть кемокстамац стане жа лездсь питнетнень кирьфтамаснонды. Аналитикне учсихть сяда тов ключевой ставкать киреманц 2025-це кизоня, инголькиге арьсематнень мархта 14-15% кизоть пенцты[38].

27-це июньцта 2025-це кизоня Россиянь ингольдень премьер-министрсь Сергей Степашин азозе, што ЦБ-ть тяниень ключевой ставкац 20% пяк сери промышленностти, путомок серцек ситуациять 1999-це кизоть мархта, мзярда ставкась пачкодсь 60 %. Сон китькстазе, што 1999 кизоня инфляциясь ульсь 36,5% малава, а экономическяй условиятне ульсть лият. 2025-це кизонь июньцта ЦБ-СЬ васенцеда 2022-це кизонь сентябрьста кирьфтазе ставкать 21% сявомок 20% молемс, учендомок инфляциять киреманц 7-8% самс кизоть пенцты[39].

2-це июльста 2025-це кизоня Россиянь Банкть Финансовай конгресса ЦБ-ть оцюняц Эльвира Набиуллина азозе, што регуляторсь няи инфляциять киреманц сяда вишкста учеманзон коряс, но мзярс сон цельть коряс сяда оцю; инфляциять кирьфтамац цельда сяда алува ащемань уровеньца максы васта ключевой ставкать сяда курок кирьфтаманцты[40].

Россияса ключевой ставкатнень смузьснон историясна

Ключевой ставкань стаистикась (панжеви таблицась):

Первоисточник: сайт Банка России (рус.). — база данных.

Молемань пингсь % годовых Изменение
17.09.2013 — 02.03.2014 5,5 —
03.03.2014 — 27.04.2014 7,0 ↗ 1,5
28.04.2014 — 27.07.2014 7,5 ↗ 0,5
28.07.2014 — 04.11.2014 8,0 ↗ 0,5
05.11.2014 — 11.12.2014 9,5 ↗ 1,5
12.12.2014 — 15.12.2014 10,5 ↗ 1,0
16.12.2014 — 01.02.2015 17,0 ↗ 6,5
02.02.2015 — 15.03.2015 15,0 ↘ 2,0
16.03.2015 — 04.05.2015 14,0 ↘ 1,0
05.05.2015 — 15.06.2015 12,5 ↘ 1,5
16.06.2015 — 02.08.2015 11,5 ↘ 1,0
03.08.2015 — 13.06.2016 11,0 ↘ 0,5
14.06.2016 — 18.09.2016 10,5 ↘ 0,5
19.09.2016 — 26.03.2017 10,0 ↘ 0,5
27.03.2017 — 01.05.2017 9,75 ↘ 0,25
02.05.2017 — 18.06.2017 9,25 ↘ 0,5
19.06.2017 — 17.09.2017 9,0 ↘ 0,25
18.09.2017 — 29.10.2017 8,5 ↘ 0,5
30.10.2017 — 17.12.2017 8,25 ↘ 0,25
18.12.2017 — 11.02.2018 7,75 ↘ 0,5
12.02.2018 — 25.03.2018 7,5 ↘ 0,25
26.03.2018 — 16.09.2018 7,25 ↘ 0,25
17.09.2018 — 16.12.2018 7,5 ↗ 0,25
17.12.2018 — 16.06.2019 7,75 ↗ 0,25
17.06.2019 — 28.07.2019 7,5 ↘ 0,25
29.07.2019 — 08.09.2019 7,25 ↘ 0,25
09.09.2019 — 27.10.2019 7,0 ↘ 0,25
28.10.2019 — 15.12.2019 6,5 ↘ 0,5
16.12.2019 — 09.02.2020 6,25 ↘ 0,25
10.02.2020 — 26.04.2020 6,0 ↘ 0,25
27.04.2020 — 21.06.2020 5,5 ↘ 0,5
22.06.2020 — 26.07.2020 4,5 ↘ 1,0
27.07.2020 — 21.03.2021 4,25 ↘ 0,25
22.03.2021 — 25.04.2021 4,5 ↗ 0,25
26.04.2021 — 14.06.2021 5,0 ↗ 0,5
15.06.2021 — 25.07.2021 5,5 ↗ 0,5
26.07.2021 — 12.09.2021 6,5 ↗ 1,0
13.09.2021 — 24.10.2021 6,75 ↗ 0,25
25.10.2021 — 19.12.2021 7,5 ↗ 0,75
20.12.2021 — 13.02.2022 8,5 ↗ 1,0
14.02.2022 — 27.02.2022 9,5 ↗ 1,0
28.02.2022 — 10.04.2022 20,0 ↗ 10,5
11.04.2022 — 03.05.2022 17,0 ↘ 3,0
04.05.2022 — 26.05.2022 14,0 ↘ 3,0
27.05.2022 — 13.06.2022 11,0 ↘ 3,0
14.06.2022 — 24.07.2022 9,5 ↘ 1,5
25.07.2022 — 18.09.2022 8,0 ↘ 1,5
19.09.2022 — 23.07.2023 7,5 ↘ 0,5
24.07.2023 — 14.08.2023 8,5 ↗ 1,0
15.08.2023 — 26.10.2023 12,0 ↗ 3,5
27.10.2023 — 15.12.2023 15,0 ↗ 3,0
15.12.2023 — 25.07.2024 16,0 ↗ 1,0
27.07.2024 — 13.09.2024 18,0 ↗ 2,0
13.09.2024 — 25.10.2024 19,0 ↗ 1,0
25.10.2024 — 06.06.2025 21,0 ↗ 2,0
06.06.2025 — 25.07.2025 20,0 ↘ 1,0
25.07.2025 — {{{1}}}—н. в. 18,0 ↘ 2,0

Лятфтамат

  1. ↑ Введение ключевой ставки ЦБ России и ее изменения, РИА Новости. Дата обращения: 10 августста 2025.
  2. ↑ Ключевая ставка - что это простыми словами - Российская газета, Российская газета (19 декабрьста 2024). Дата обращения: 11 августста 2025.
  3. ↑ 1 2 Банк России снизил ключевую ставку впервые с 2022 года (рус.). www.forbes.ru. Дата обращения: 6 июньцта 2025.
  4. ↑ 1 2 Центробанк снизил ключевую ставку второй раз подряд, РБК. Дата обращения: 11 августста 2025.
  5. ↑ Система инструментов денежно-кредитной политики. Банк России (2019). Дата обращения: 11 августста 2025. Архивировано 20 августста 2019 года.
  6. ↑ Решение Банка России по ключевой ставке: процесс подготовки и коммуникация. Банк России (2019). Дата обращения: 11 августста 2025. Архивировано 20 августста 2019 года.
  7. ↑ Станик и Крайнюков, 2020, с. 23.
  8. ↑ Егоров и Борзых, 2018, с. 115.
  9. ↑ Пестова и др., 2019, с. 65.
  10. ↑ 1 2 Евдокимова, Жирнов, 2020, с. 11.
  11. ↑ Банк России, 2019, с. 16.
  12. ↑ Крепцев и др., 2016, с. 33.
  13. ↑ IMF, 2019, p. 14.
  14. ↑ Isakov A., Latypov R. The Ibsen Manoeuvre: Yet Another R* Estimate(анг.) // VTB Capital Research Alert (Very) Technical Brief Series. — 2019. — 15 July.
  15. ↑ Жестко стелет: почему ЦБ сохранил ключевую ставку на уровне 16 процентов. Профиль (16 февральста 2024). Дата обращения: 11 августста 2025.
  16. ↑ Ставка может быть больше. Журнал "Эксперт" (26 апрельста 2024).
  17. ↑ Костин и Греф назвали «ужасом» и «сбоем» снижение ставки до 4–5%, РБК. Дата обращения: 11 августста 2025.
  18. ↑ В ЦБ раскрыли детали обсуждения роста ставки до 19–20%, РБК. Дата обращения: 11 августста 2025.
  19. ↑ ЦБ признал снижение чувствительности экономики к ключевой ставке, РБК. Дата обращения: 29 августста 2024.
  20. ↑ Центробанк повысил ключевую ставку до 19% годовых, РБК (11 августста 2025). Дата обращения: 13 сентябрьста 2024.
  21. ↑ В ВТБ описали сценарий с ростом ключевой ставки до 23%, РБК. Дата обращения: 1 августста 2025.
  22. ↑ Глава ВТБ допустил повышение ключевой ставки ЦБ до 21% в 2024 году, Interfax.ru (16 октябрьста 2024). Дата обращения: 11 августста 2025.
  23. ↑ ЦБ поднял ставку выше кризисного уровня 2022 года, РБК. Дата обращения: 25 октябрьста 2024.
  24. ↑ Набиуллина объяснила, почему ЦБ повышает ключевую ставку, РБК. Дата обращения: 31 октябрьста 2024.
  25. ↑ Банки не заложили новое повышение ставки ЦБ в феврале, РБК. Дата обращения: 11 августста 2025.
  26. ↑ Банк России сохранил ключевую ставку на уровне 21% годовых, РБК. Дата обращения: 11 августста 2025.
  27. ↑ ЦБ в третий раз подряд сохранил ключевую ставку 21%, РБК. Дата обращения: 11 августста 2025.
  28. ↑ ЦБ сохранил ключевую ставку 21% в четвертый раз подряд, РБК. Дата обращения: 11 августста 2025.
  29. ↑ В ЦБ представили «план Набиуллиной» по снижению ключевой ставки, Life.ru (19 ноябрьста 2024). Дата обращения: 11 августста 2025.
  30. ↑ В ВТБ предсказали ключевую ставку на 2025 год, Lenta.RU. Дата обращения: 11 августста 2025.
  31. ↑ Глава ВТБ спрогнозировал снижение ключевой ставки в 2025 году, РБК. Дата обращения: 28 февральста 2025.
  32. ↑ Набиуллина дала прогноз по средней ключевой ставке на 2025 год, РБК Инвестиции. Дата обращения: 11 августста 2025.
  33. ↑ ЦБ будет аккуратно подходить к вопросу снижения ключевой ставки, TACC. Дата обращения: 11 августста 2025.
  34. ↑ Банк России будет учитывать в решении по ключевой ставке новый риск, РБК Инвестиции. Дата обращения: 11 августста 2025.
  35. ↑ Эксперты предсказали сохранение ставки ЦБ 21% четвертый раз подряд, РБК. Дата обращения: 11 августста 2025.
  36. ↑ В ВТБ сравнили высокую ключевую ставку с «экспериментальным антибиотиком», РБК. Дата обращения: 11 августста 2025.
  37. ↑ Треть аналитиков поставили на снижение ключевой ставки уже в июне, РБК. Дата обращения: 11 августста 2025.
  38. ↑ Банк России снизил ключевую ставку впервые за три года, РБК. Дата обращения: 11 августста 2025.
  39. ↑ Степашин сравнил ситуацию с ключевой ставкой сейчас и в 1999 году, РБК. Дата обращения: 11 августста 2025.
  40. ↑ На Финансовом конгрессе Банка России обсуждали замедление экономики и снижение ставки, BFM.ru (2 июльста 2025). Дата обращения: 11 августста 2025.

Литературась

Ссылкатне

Сявф"https://mdf.ruwiki.ru/w/index.php?title=Ключевой_ставкась_Россияса&oldid=417736"-ста