Каникулатне

Рувики лопаста
Каникулатне
Каникулат. Художниксь Анатолий Янев. 1980-це кизотне
Каникулат. Художниксь Анатолий Янев. 1980-це кизотне
Тевс нолдама вастсь Образованиясь
Эвондама шиц XIX векть обмоце пяльксстонза (Россия)

Каникулатне (руз. Кани́кулы) — тя тонафнемать пингста план коряс максф ваймама пинкне, конат улихть образованиянь законодательстваса, кочкавихть тонафнемань календарнай графикть и образовательнай организациянь вастонь-вастонь акттнень коряс.

Этимологияц

Кунардонь Римса кизонь пси пинкне малаткшнесть Сириус тяштть шобдавань няеманц мархта, лемневсь тя — Canicula («ёмла пиненя»). Тя шитне лемдевсть «dies caniculares»[1] — «пинень шитне» (22-це июльста сявомок 23-це августть самс). Именна тяфта лемнезь кизонь отпусконь пингть, башка мзярда башка[2][3][4].

Россияса

Россияса 1917-це кизоти самс "каникулат" валса ульсь лемтьф кизонь ваймамань пингсь. Владимир Далень толковай валкссонза ули кода мумс тяфтама шарьхкотьфтема: «Каникулатне—кизонь пси пинге, и гуляндамат, стак ащема пинге тонафнемань заведениятнень эса; пяшксе каникулат 1-це июльста сявомок 15-це августти молемс; васток-васток лувсазь июнь ковста сявомок, мянь майста»[5].

Революцияда инголе начальнай школатнень и приходскяй училищатнень эса каникулатне мольфтевсть кота или сисем кофт — «паксянь тефнень аделамда меле и синь ушедомозост сай кизоть». Региоттнень эзда ащезь, синь ушеткшнесть октябрьста-декабрьста, а аделсевсть мартста-майста[6].

НИУ-нь ВШЭ-нь образованиянь виияфнемань Институтонь главнай научнай сотрудниксь, профессорсь Ирина Абанкина китькстазе[7]:

Школьнай каникулатне сотфтольхть или илатненди, или перьфпяль явлениятненди. Мартть песта каникулат аф пархт — апрельть ушетксста лемтьфтольхть шадоти, сяс мес ламонц регионца школав пачкодемась арсесь пяк стакакс. Тонафнемань кизоть ушедомац 1-це сентябрьста — тя рузонь ингольдень пингонь коень од кизось. Сёксень каникулатне — ноябрьскяй илатне.

1803-це кизоня лиссь «Народонь просвещениянь ингольдень правилатне», конатнень юрса ащесть тонафнемань реформатне. Эсост, кепотьксонди, корхтавсь, што тонафнемань кизось должен ушедомс 1-це августста и аделавомс сай кизонь 1-це июльста [8].

Советскяй властень кизотнень тонафнемань кизось (руз.) (мок. ушеткшневсь аф фкя пингоня. Ламоц школатнень эса — 14 августста.

1935-це кизоня лиссь народнай комиссаронь Советть и ЦК ВКП(б) «Начальнай, аф полнай средняй и средняй школаса тонафнемань тевть ладяманц и потмонь ладяманц колга» постановленияц. Документть коряс, тонафнемань кизось ушеткшнесь 1-це сентябрьста. Ладяфтольхть каникулань пинкт: сёксень — 5-це ноябрьста сявомок 9-це ноябрти самс, тялоннетне — 30-це декабрьста сявомок 10-це январти самс, тунданнетне — 24-це мартста сявомок 31-це мартти самс, кизоннетне — тонафнемань кизоть аделаманц шиста 31-це августти самс[8].

Покоди депутатонь районнай Советонь исполнительнай комитеттнень решенияснон коряс велень школатнень эса тундань каникулатне вастонь условиятнень инкса ульсь кода ётафнемс лия пингс.

СССР-нь Министрань Советть 1970-це кизонь 8-це сентябрь ковонь 749 № постановлениянц коряс[9] ладяфоль, што школатнень эса занятиятне ушеткшнихть 1-це сентябрьста и аделсевихть, сувафтомок экзаметтнень и практикать ётафтомаснон, 1-це — 7-це класса — 30-це майста, 8-це класса —10-це июньцта, 9-10 (11) класса—25-це июньцта.

Сась каникулас. Художниксь Фёдор Решетников. 1948 кизось

Тяниень пингонь школатнень эса каникулань графиксь латцеви 29-це декабрьста 2012-це кизоня 273-ФЗ № «Российскяй Федерацияса образованиять колга» Федеральнай законть коряс[10].

Российскяй студенттненди каникулань единай график аш. Высшай учебнай заведениятнень вятисна тиенди расписания сонць, кирдемок мяльса тонафтомань планть, курсть, тонафнемань формать и производственнай практикатнень (руз.) (мок. улемаснон. Кода фалу студенттне тушендыхть каникулас экзаменационнай сессияда меле. Каникулатнень лувкссна ащи кизоти тонафнемань шитнень эзда. Вуз-са, коса тонафнемань кизось ащи колма или ниле семестраста, улихть модульхнень ёткса вельф ваймама вастт[11].

Колледжса и техникумса кизонь ваймамань графиксь тиф-ладяф сяка принципть коряс кода и вуз-са: васенда сессия, сяльде производственнай практика и каникулат. Студенттненди, конатнень аш производственнай практикасна, каникулатне фалу ушеткшнихть июнть кучкаста — песта, экзаменда меле. Студенттненди, конат тушендыхть производственнай практикас, — июльть песта — августть ушетксста[11].

Каникулатнень расписанияснон тонафнихне сотцесазь деканатса, образовательнай организациять сайтса или личнай кабинетса.

Омба масторса

Каникулань пингсь сембе масторонь школатнень эса аф фкя лацонне. Германияса тонафнема кизось ушеды фалу 24-це августста 15-це сентябрти самс[7]. Тялонь каникулатне ётнихть январть песта и февральста полафневи датати самс. Сёксенда школьникне ваймосихть октябрть песта, фалу кафта недялят. Роштувань каникулатне ушедыхть 20-це-23-це декабрьста и аделавихть 3-це-11-це январьста.

Финляндияса кизонь каникулатне фалу молихть 1 июньцта сявомок август ковть кучканцты молемс. Роштувань каникулатне — 22-це декабрьста сявомок 8-це январти самс. Очижинь каникулас тонафнихне тушендыхть мартть песта или апрельть ушетксста[12].

США-са каникулань шитне аердыхть штаттнень, школьнай окрукнень, тонафнемань васттнень и тонафнихнень кизоснон коряс. Сёксенда школьникне фалу ваймосихть сентябрьста или октябрьста, тялонда — февральста или мартста, тунда — мартста или апрельста, кизонда — июньцта сявомок августть пес[13].

Китайса тонафнема кизось явови кафта семестрава, сяс улихть аньцек тялонь и кизонь каникулат. Кизоннетне — июльста и августста, тялоннетне — январть кучкаста февральть кучкас.

Японияса тонафнема кизось ушеды апрельть омбоце недяляста. Кизонь каникулатне — июльть песта сявомок августти молемс, тялоннетне — декабрть песта январть васенце недялянцты молемс, тунданнетне — мартть кучкаста.

Филиппинаса каникулань шитнень кочксесыне образованиянь Министерствась. Тонафнема кизось ушеды августста и аделави июньцта. Тунда школаса тонафнихне ваймосихть фкя недяля апрельста. Роштувань каникулатне кода фалу ушеткшнихть 24-це декабрьста и аделавихть 6-це январьда меле, васенце атяньжиста. Школань директорхненди мярьгондеви эсь мяльснон коряс касфнемс тонафнемань кизоть перьф ваймамань колма шис[14].

ЮАР-са тонафнемань кизось ушеды январть кучкаста и явови ниле пяльксова: январь-март, апрель-июнь, июль-сентябрь и октябрь- декабрь ковть ушетксста. Декабрьста ушеткшнихть кизонь каникулатне, конат молихть фкя пяле мархта ков, тонафнемань сай кизоть ушедоманцты.

Танзанияса тонафнемань од кизось ушеды од кизонь илада меле. Сембода кувака «кизонь» каникулатне сашендыхть декабрь ковти. Сай каникулатне сашендыхть Рамадан (руз. Рамадан ) священнай ковста. Фкя ков школаса тонафнихне ваймосихть июльста[15].

Шумбрат, пионеронь киза! Художниксь Герман Безукладников. 1992 кизось

Школьнай каникулань графиксь

Россиянь тонафнемань эрь учрежденияти ули кода ладямс каникулань шитнень эсь мяльснон коряс, шарфтомок Российскяй Федерациянь Просвещениянь министерствать рекомендациянзон.

Рекомендациятнень коряс, тонафнемань нилеце системати 2025-це/2026-це тонафнемань кизотненди нолдавихть каникулань тяфтама шитне[16]:

  • сёксеннетне — 25-це октябрьста сявомок 2-це ноябрти самс;
  • тялоннетне — 31-це декабрьста сявомок 11-це январти самс;
  • тунданнетне — 28 мартста сявомок 5 апрельти молемс;
  • кизоннетне — 27 майста сявомок 31 августти молемс.

Васенце классу якайхненди колмоце четвертьста мярьгондеви макссемс вельф ваймамань шит — 16-це февральста сявомок 22-цети самс.

Триместровай системаса тонафнемань кизось явови колма фкя лацонь пяльксс, эрсь эздост явови кафта фкя кувалмон коряс модульс. Шабатне тонафнихть вете недялят, а меле фкя недяляс тушендыхть каникулас.

Триместровай системаса каникуланди Российскяй Федерациянь Просвещениянь министерствась макссь тяфтама датат[16]:

  • васенцетне — 4-це октябрьста сявомок 1-це октябрти молемс;
  • омбоцетне — 15-це ноябрьста сявомок 23-це ноябрти молемс;
  • колмоцетне — 31-це декабрьста сявомок 11-це январти молемс;
  • нилецетне — 2-це февральста сявомок -це мартти молемс;
  • ветецетне — 28-це мартста сявомок 4-це апрельти молемс.

Каникулада башка, арьсефт вельф ваймама шит государственнай илатнень пингста, синь ётксост Народонь марса улемань шись, Шачема масторонь аралаень шись, Сяськома шись и лия дататне.

Культураса няфтемасна

Кинематографса

  • «Пара мяльса учтядязь, или Ширденнетненди сувамс аф мярьгондеви» (руз. Добро пожаловать, или Посторонним вход воспрещён ) (1964)
  • «Бонифациянь каникуланза» (руз. Каникулы Бонифация ) (1965)
  • «Сяда ши идькс пингта меле» (руз. Сто дней после детства ) (1975)
  • «Каникулатне Простоквашиноса» (руз. Каникулы в Простоквашино ) (1980)
  • «Петровонь и Васечкинонь каникуласна, обыкновеннай и аф верондафтомань» (руз. Каникулы Петрова и Васечкина, обыкновенные и невероятные ) (1984)
  • «Пяшксе ковонь королевства» (руз. Королевство полной луны ) (2012)
  • «Camp Rock: Музыкальнай каникулат» (руз. Camp Rock: Музыкальные каникулы ) (2008)

Литератураса

  • Николай Носов «Шурик атянц ширеса» (руз. Шурик у дедушки ) (1956)
  • Юрий Нагибин «Вирявань вайгяль» (руз. Эхо ) (1960)
  • Рене Госсини, Жак-Жак Сампе «Николя иднять каникуланза» (руз. Каникулы малыша Николя ) (1962)
  • Анатолий Алексин «Вечнай Каникулань Масторса» (руз. В Стране Вечных Каникул ) (1966)
  • Любовь Воронкова «Мацихне-локстихне» (руз. Гуси-лебеди ) (1966)
  • Евгений Носов «Варька» (руз. Варька ) (1967)
  • Владислав Крапивин «Сюру викинкнень ворьгодемасна» (руз. Бегство рогатых викингов ) (1975)
  • Анатолий Гладилин «Женя Сидоровонь Секретоц» (руз. Секрет Жени Сидорова ) (1975)
  • Юз Алешковский «Кышсь и мон Крымса» (руз. Кыш и я в Крыму ) (1975)
  • Сильвия Труу «Ков кода оцю» (руз. Месяц как взрослая ) (1978)
  • Евгений Велтистов «Каникулань миллион и фкя ши» (руз. Миллион и один день каникул ) (1979)
  • Кир Булычёв «Инжи сай пингста. Космосса каникулат или Вете-Ниле планета» (руз. Гостья из будущего. Каникулы в космосе или планета Пять-Четыре ) (1986)
  • Анатолий Рыбаков «Крошань Каникуланза» (руз. Каникулы Кроша ) (1998)
  • Тамара Михеева «Асянь кизоц» (руз. Асино лето ) (2008)
  • Наринэ Абгарян «Манюня сёрмады фантастичЫскЯй роман» (руз. Манюня пишет фантастичЫскЫй роман ) (2011)
  • Давид Гроссман «Кинь мархта ласькондемс» (руз. С кем бы побегать ) (2011)
  • Тинатин Мжаванадзе «Киза, бабазе и мон» (руз. Лето, бабушка и я ) (2022)[17]
  • Наталья Евдокимова «Кизось шиньфтай салса» (руз. Лето пахнет солью ) (2023)
  • Ольга Бочкова «Никитань эряфста виде азкст» (руз. Правдивые истории из жизни Никиты ) (2024)

Лятфтамат

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — P. 22. — ISBN 0-387-48941-X.
  2. ↑ Каникула
  3. ↑ {{ВТ-ТСД|Вакация|Вакация|т=1|с=163
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд. — М: Наука, 1986. — С. 126.
  5. ↑ Каникула.т2.с.84
  6. ↑ Воронцова, Ю.. Школы в дореволюционной России: гимназия, реальное училище, земское училище…, sibmama.ru (25 сентябрьста 2023). Дата обращения: 17 сентябрьста 2025.
  7. ↑ 1 2 Борта, Юлия. Школа выживания. Какие каникулы есть у учеников разных стран, AiF. Дата обращения: 17 сентябрьста 2025.
  8. ↑ 1 2 Бурт, В.. «Девочки могли отвлекать мальчиков от учебы, но об этом не говорили». Как начинали учебный год при царе и в СССР, Мослента (27 августста 2023). Дата обращения: 17 сентябрьста 2025.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970. docs.cntd.ru. Дата обращения: 17 сентябрьста 2025.
  10. ↑ Федеральный закон "Об образовании в Российской Федерации" от 29.12.2012 N 273-ФЗ(рус.). КонсультантПлюс. Дата обращения: 17 сентябрьста 2025.
  11. ↑ 1 2 Платят ли стипендию студентам во время летних каникул, Банки.ру. Дата обращения: 17 сентябрьста 2025.
  12. ↑ Школьные каникулы и отпуск учителей в разных странах, Repit Блог (4 июньцта 2023). Дата обращения: 17 сентябрьста 2025.
  13. ↑ School Holidays in the US 2024-2025 (англ.). www.tutorchase.com. Дата обращения: 17 сентябрьста 2025.
  14. ↑ Каникулы в филиппинских школах(рус.). TravelAsk. Дата обращения: 17 сентябрьста 2025.
  15. ↑ {{Cite web|lang=ru-RU|url=https://www.forbes.ru/education/518170-kak-rabotaet-sistema-obrazovania-v-tanzanii?%7Ctitle=Как работает система образования в Танзании?|website=Forbes.ru|access-date=2025-09-17
  16. ↑ 1 2 График школьных каникул в 2025/26 учебном году, Известия (19 августста 2025). Дата обращения: 17 сентябрьста 2025.
  17. ↑ Книги о лете и о летних каникулах, рекомендуемые для чтения детям и подросткам. (рус.). VK. Дата обращения: 18 сентябрьста 2025.

Литературась

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Logo-bie.svg Ишимова А. И. Каникулы 1844 года, или Поездка в Москву / Соч. Александры Ишимовой. — Санкт-Петербург: тип. Имп. Акад. наук, 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — 2021. — №. 2. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Ссылкатне

Сявф"https://mdf.ruwiki.ru/w/index.php?title=Каникулатне&oldid=417829"-ста