Каменка (панда соксонь курькснема вастсь)
| Каменка | |
|---|---|
 Каменка (панда сокосонь центрась) | |
| 53°21′00″ с. ш. 46°04′16″ в. д.GЯO | |
| Расположение | Ошень Дмитровскяй округсь |
| Ближайший город | Атяшево |
| Трассатне | кемонь |
| Кеподемань системась | Бугельнай подъёмник |
Каменка — панда соксонь центрась ащи Мордовия Республикань Атяшевскяй районца Каменка велеть видеса.
Эвондамац
2022-це кизоня Мордовия Республикань Атяшевскяй райононь Каменка велеть видеса панжевсь панда соксонь комлекс «Каменка», тяфта лемтьф, мес ащи аф ичкозе Каменка велеть эзда. Велесь ащи Драевка ляйнять видеса, 20 вайгяльбе вастса райононь центрать и 8 вайгяльбе Бобоедово машина кинь станциять эзда. Саранск ошть эзда тя центрась ащи 99-шка вайгяльбень вастса. Спортивнай комплексть эвондамдонза инголе Каменка[1]ёмла веленять колга, кона ащи сельмонь салай перьфпяльдень мазы вастса, кивок ашезь лятфне и кржа кие содась.
Каменкась тячи
Курькснема вастсь веть
Курькснема вастсь
Панда соксонь курькснема кись
Каменкаса соксса курькснемась
.jpg)
Тяни тяза сашендыхть сембе сят, кие кельгсы тялоть, тялонь видонь спортть и семьянь келеса ваймаматьаф аньцек Мордовия Республикаста, но и лия региоттнень эзда, сяда сидеста Ульяновскяй областьста, Чувашиянь Республикаста и Татарстанцта.
Тяфтама спортивнай комплекст сядонголе аф Мордовияса, аф шабрань региоттнень эса ашельхть. Эрямок прокс аф пандонь мархта вастса, ули кода самс Каменкав и ушедомс маладома тя мялень салай видонь спортти. Марнек тяса ули кода варжамс курькснемс вейхкса трассань эзга (фкять эздост ладямац-тиемац мзярс прокс апак шумордак). Ланга ванозь соксса курькснеманди ладяф китне аф стакат, но тя аньцек сятненди, кие пяк лац машты сокксса курькснема, а кие аф пяк машты. а аньцек кельгсы курькснеманц, сятненди синь марявихть аф покс тёждякс и курькснемста котькофьтсазь ваймоценьге.
Башка ладяф курькснеманди китне иттненди семьянь келеса корнама руз.: (ватрушка) лангса. Тя кись тиф-аноклаф тожа арьсефста. Эзганза иттне курькнихть пара мяльса и кенярдезь. Мзярда кржа ловда, китнень лангса покодихть ловонь пушкат, конат тисазь лангонц кить, кода эряви цебярьста курькснеманди. Трассать видеса улихть бугельнай типонь кеподемат.Веб-камерать вельде ули кода няемс курьктомать валгома ширенц. Курькснемань пингть кувалмоц сотф перьфпяльть мархта. Сяда сидеста ушеткшни декабрь ковста и моли март ковти самс. Программаса кирдеви мяльсь курькснемать коряс аф аньцек шить, но и веть. Сембе китне валдоптовихть сембе вастова.
Инфраструктурасонза улихть инжиенди эряма коттеджат, соксонь и корнамань максома-явондома вастсь, кафе, баянь комплекс, идень центра, ярхцамс-симомс кафе, коса вастта 50-шка ломаненди. Вакссонза ащи ретроавтомобилень музей. Эсонза ванондомс ладяф выставка «Ломаттне и Машинатне» руз.: («Люди и Машины»), коса ладяфт кода ташта и сядонгольдень, станя и тянипень пингонь транспортнай средствань модельхне. Это тя выставкась салай мяльхть кода оцю ломанень, станя и иттненьге, каземок няфтемать сире пингть эзда тячиень шити самс ётама-молема автомобильнай индустриять коряс. Кинь ули мялец, можна лядомс удома, тянкса ладяфт куднят кафта типса: стаконь и «землянкат»
Тя комплекссь пуроптф и покоди оцю предпринимательть и меценатть Бирюков Виктор Степановичень инвестициянзон вельде, кона лама путфкс тись шачема крайть цебярьгофтоманц иннкса.
Няйф:Каменка (панда соксонь курькснема вастсь. jpg.Каменка (панда соксонь курькснема вастсь|кенжешка
Лятфтамат
Литературась
Инжеватов, Иван Корнилович Топонимический словарь Мордовской АССР : Названия населённых пунктов / И. К. Инжеватов ; НИИ яз., лит., истории и экономики при Совете Министров Мордовской АССР. - 2-е изд., доп. и испр. - Саранск : Мордовское книжное издательство, 1987. - 263 с.