Денисов, Алексей Александрович

Алексей Александрович Денисов
Алексей Александрович Денисов
Шачема шиц	18 сентябрьста (1 октябрьста) 1907
Шачема; вастоц	Петровка[d], Алатырскяй уездсь[d], Симбирскяй Губерниясь[d], Россиянь империя[d];
Кулома шиц	14 апрельста 1976 (68 кизоц)
Кулома; вастоц	Моску, СССР;
Принадлежностсь	СССР
Войскань родсь	ВВС ВМФ СССР
Служама кизонза	1929—1946
Званияц	ВВС СССР, Майор
Частец	Балтийскяй флотонь ВВС
Сражениятне/войнатне	Гражданскяй войнась Ипанияса[d]; Советско-финляндскяй войнась[d]; Великай Отечественнай война;

Дени́сов, Алексей Александрович (1907 — 1976) — ВВС-нь ВМФ-нь истребительнай авиациянь советскяй лётчик, 1939—1940-це кизонь советско-финскяй и Великай Отечественнай войнаса улись, Советскяй Союзонь Геройсь (21.04.1940). Майор (20.11.1939)^[1].

Эряфонь киц

Алексей Денисов шачсь 1907-це кизонь 18-це сентябрьста кизоня тяниень Мордовия Республикань Дубёнскяй райононь Петровка велеса сокаень-видиень снмьяса. Получась начальнай образования. Эрясь Москуса.

1929-це кизонь октябрьста тертьф служама Якстерь Армияв пингонди служамс. Служась якстерьармеецокс 15-це башка тостоконь ляценди батальонца Главнай артиллерийскяй полигонть видеса (Ржевка (станциясь), тяни Санкт-Петербургть маласа) 1930-це кизонь октябрти самс, мзярда венептсь рапорттонафнема кучеманц колга. 1933-це кизоня шумордазе Склянскяень лемса Ленинградскяй пехотнай Краснознамённай школать и пялешка киза служась тоса тонафты взводонь командиркс. 1932-це кизоста сявомок ульсь ВКП(б)-са.1933-це кизонь декабрьста ётафтф авиацияв. 1934-це кизоня шумордазе Осоавиахимонь лемса лётчиконь 2-це Военнай школать Борисоглебскяйса. Служась пилоткс и звенань командиркс 3-це истребительнай авиационнай эскадрильяса ВВС-нь Балтийскяй флотса^[2].

1937-це кизонь декабрьста лейтенантсь А. А. Денисов ульсь Испанияса Гражданскяй войнаса, «И-16» самолётса тись 10 боевой лийкстамат марнек кожфса ульсь 40 частта лама, ульсь кемонь кожфонь тюремаса. 21-це февральста 1938-це кизоня бойть пингста ульсь стакаста ранендаф, комотсь парашют мархта и госпитальса пчкамда меле 24-це апрельста 1938-це кизоня мрдась шачема ширезонза.^[3] Кой-кона публикациятнень коряс, 1 самолётть машфтозе сонць лична^[2], лиятнень коряс — сяськоманза Испанияса ашельхть^[4].

1938-це кизонь июльста ВВС-нь Балтийскяй флотса командовась авиационнай эскадрильять лангса 61-це ВВС КБФ-нь истребительнай авиационнай бригадаса ^[5].

Ульсь Советско-финскяй (1939—1940-це кизонь) войнаса, улемок ВВС-нь Балтийского флотонь 12-це башка машфтыень эскадрильянь 61-це истребительнай авиационнай бригадань командиркс. Тись 25 боевой лийкстама финскяй аэродромонь , противовоздушнай оборонань батареянь и лия эрявикс объектонь машфтомаса. Кожффса тюремать пингста Денисовонь эскадрильяста лётчикне машфтсть 9 финскяй самолётт^[2].

СССР-нь Верховнай Советть Президиумонц Указонц коряс 21-це апрельста 1940-це кизоня «фронтса белофиттнень каршес тюремста командованиять боевой заданиянзон лац пяшкодеманкса и сяконь лувксса отвагань и геройствань няфтеманкса» майорсь Алексей Денисовти максфоль Советскяй Союзонь Герой лемсь и казьф Ленинонь орденца и «Зрнянь Тяште» медальса 481 номер ала ^[2].

1940-це кизоста сявомок тонафнесь ВВС-нь и ПВО-нь ВМФ-нь начсоставонь цебярьгофтомань Высшай курснень эса (Новый Петергоф), коста ульсь пингта ингодле нолдаф сразу 1941-це кизонь июнть песта войнать ушедомда меле^[6]. Нинге ковшка тонаткшнезень од самолёттнень тонафнемань частьса Москуть ала.

1941-це кизонь августста — Великай Отечественнай войнаса улись, 1942-це кизонь январти самс – воявась 13-це башка машфты авиационнай эскадрильянь Балтийскяй флотонь ВВС-нь командиркс. Ульсь тюремаса Ленинградть араламанц инкса. Ульсь ранендаф кожфонь бойса.

Мартста 1942-це кизоня ульсь ётафтф состав Тихоокеанскяй флотонь Военно-воздушнай вийхнень лувксс, командовась 12-це машфтыень авиационнай полкть лангса (Владивостокса).^[7]

Меле Денисовонь мрдафтозь фронту и 1942-це кизонь октябрьста сявомок декабрти самс сон тага воявась ВВС-нь КБФ-нь машфты авиаэскадрильянь Балтийскяй флотонь ВВС ВМФ-нь 71-це машфты авиационнай полконь командиронь должностьса. Аралась Ленинградть эса. Тись аф фкя боевой лийкстама И-153 и И-16 истребительса, кожфса тюремста лична машфтсь врьгятниень самолёт.^[2]

Меле тиевсь мезень-бди дисциплинань колама (крхкаста тянь колга аф содаф), конань инкса 21-це декабрьста 1942-це кизоня А. А. Денисовонь валхтозь рядовой солдаткс и кучезь штрафной взводу 3 ковс. Воявась Балтийскяй флотонь 587-це башка штрафной взводонь Ораниенбаумскяй плацдармса (Ленинградскяй фронтсь). 26-це мартста 1943-це кизоня тюрематнень пингста командованиять боевой заданиянзон пяшкодемста смелшинь няфтеманкса и аралай группать лац вятеманкса контрольнай пленнайть сявомста, нолдаф штрафной взводса сяда тов ащемать эзда, Мрдафтфт сядонгольдень праванза и кучф Балтийскяй флотонь Военнай Советть распоряженияс.^[2]

1943-це кизонь июльста – Балтийскяй флотонь ПВО-нь Войскань дивизиянь штабонь машфты авиациянь коряс офицер. Ульсь Ленинградско-Новгородскяй и Выборгскяй инголи моли операциятнень эса. Пуропнезе ти тиендезе и отработку истребительнай авиациять зенитнай артиллериять мархта марс тевс вятемаснон, латсезень истребительхнень противникть самолётснон лангс.

1945-це кизонь августста – Балтийскяй флотонь ВВС-нь машфты авиациянь ладямань 730-це группань нначальник. 1946-це кизонь мартста А. А. Денисов майорсь – запасса.

Эрясь Москуса, ульсь военно-научного обществааса ащикс Советскяй Армиянь Центральнай Кудть видеса. Кулось 14-це апрельста 1976-це кизоня, калмаф Преображенсккалмолангса Москуса^[2].

Ульсь казьф Ленинонь орденца (21.04.1940), Якстерь Знамянь орденца (14.11.1938), Великай Отечественнай войнань 1-це степенень орденца (15.08.1945), Якстерь тяштень орденца (3.11.1944), мзярощка медальса^[2].

Петровкаса ащи А. А. Денисовонь музеец. Сонь лемсонза Дубёнкаса^[8] (Мордовия) ули куронь лем^[2].

Лятфтамат

↑ Воробьев Е. Морские лётчики — Герои Советского Союза. Денисов Алексей Александрович. // Морской сборник. — 2009. — № 7. — С. 79—80.
↑ ¹ ² ³ ⁴ ⁵ ⁶ ⁷ ⁸ ⁹ Алексей Александрович Денисов (рус.). Сайт «Герои страны».
↑ Абросов С. Воздушная война в Испании. Хроника воздушных сражений 1936—1939 гг. — М.: «ЯУЗА»,«ЭКСМО», 2008. — 608 с. — ISBN 978-5-699-25288-6. — С. 492.
↑ Абросов С. В. В небе Испании. 1936-1939 годы: О советских летчиках-истребителях, воевавших в Испании. — М., 2003. — 430 с. — ISBN 5-08-004089-0.
↑ Послужной список А. А. Денисова на середину 1944 г. // ОБД «Память народа».
↑ Вабишевич Г. Э. Офицерские курсы авиации флота (1940—1960 гг.) // Военно-исторический журнал. — 2019. — № 3. — С.19.
↑ Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — ISBN 978-5-9955-0707-9. — С. 897.
↑ Дубенский район | Правительство Республики Мордовия

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
Герои Советского Союза и России, полные кавалеры ордена Славы Северного АО г. Москвы. — М., 2003.
Геройская быль. — Саранск: Мордкиз, 1985.
А. Ю. Белорусова. Лётчики особого назначения(руз.). — М.: АСТ, 2019. — С. 165. — 704 с. — (Фронтовой дневник (новое оформление)). — 2000 экз. — ISBN 9785171163129.

[автоссылка1-1] Воробьев Е. Морские лётчики — Герои Советского Союза. Денисов Алексей Александрович. // Морской сборник. — 2009. — № 7. — С. 79—80.

[wh-2] ¹ ² ³ ⁴ ⁵ ⁶ ⁷ ⁸ ⁹ Алексей Александрович Денисов (рус.). Сайт «Герои страны».

[3] Абросов С. Воздушная война в Испании. Хроника воздушных сражений 1936—1939 гг. — М.: «ЯУЗА»,«ЭКСМО», 2008. — 608 с. — ISBN 978-5-699-25288-6. — С. 492.

[4] Абросов С. В. В небе Испании. 1936-1939 годы: О советских летчиках-истребителях, воевавших в Испании. — М., 2003. — 430 с. — ISBN 5-08-004089-0.

[5] Послужной список А. А. Денисова на середину 1944 г. // ОБД «Память народа».

[6] Вабишевич Г. Э. Офицерские курсы авиации флота (1940—1960 гг.) // Военно-исторический журнал. — 2019. — № 3. — С.19.

[7] Анохин В. А., Быков М. Ю. Все истребительные авиаполки Сталина. Первая полная энциклопедия. — Научно-популярное издание. — М.: Яуза-пресс, 2014. — 944 с. — ISBN 978-5-9955-0707-9. — С. 897.

[8] Дубенский район | Правительство Республики Мордовия

[1]

[2]

[3]

[4]

[5]

[6]

[7]

[8]