Валгапеле
| Веле | |
| Валгапеле | |
|---|---|
| мокшекс Валгапеле | |
 | |
| 54°09′28″ с. ш. 43°46′48″ в. д.GЯO | |
| Странась |
 Россия |
| Федерациянь субъектсь | Мордовия |
| Велень эряма вастсь | Изосимовскяй |
| Историясь и географиясь | |
| Частонь каркссь | UTC+3:00 |
| Эряйхне | |
| Эряйхне |
|
| Официальнай кяльсь | Мокшень и эрзянь, рузонь |
| Цифрань идентификаторхне | |
| Почтовай индекссь | 431324 |
| Код ОКАТО | 89229818005 |
| Код ОКТМО | 89629418111 |
| ГКГН -са номерсь | 0085428 |
|
|
|
Валгапеле (руз. Волгапино) — веле Ковылкинскяй районца Мордовия Республикаса Иосимовскяй велень эряма вастть лувксса. Велеть лемоц эвондась христианизацияда ингольдень Валгапа алянь лемть эзда.
Географиясь
Ащи Мокша (ляй) ляйть видеса, 25 вайгяльбень вастса районнай центрать эзда и Ковылкина машина кинь станциять эзда.
Эрямопингсь
Революцияда инголе Пензенскяй губерниянь уездсь. Эряйхне мокшет, 500 малава ломань. Валгапелесь — Флегонт Дормидонтович Островскяень подвижниконц родинац, Кимляйскяй монастырть ушедыенц. Шуфтонь Михаило-Архангельскяй храмсь ульсь строяф мордвать-новокрещенецнень вельде 1768-це кизоня и тиф педа пес 1855-це кизоня. Аф топотькшнемок эрь кодама серьёзнай, но сембе сяка петьфнень, озондыхне 1897-це кизоня састь мяльс стяфтомс шуфтонь од церькав. 1898-це кизоня ульсь ни святиндаф придел великомученицать Параскевать лемс, а 1900-це кизоня ульсь святиндаф-аруяфтф кизонь церькавсь Архистратигть Михаилонь лемса.
Архитектурнай ширде волгапинскяй храмсь мала Саранскяень уездонь Мокшалей велень Никольскяй церькавти — тя сяка шатровай типсь, кона васьфневсь мокшэрзянь крайса аф сидеста. Сембе фкаксшинц мархта волгапинскяй храмсь ашель мокшалейскяйть копияц: аффкаксши ульсь, и пяк оцю. Советскяй пингть Михаило-Архангельскяй храмсь ульсь пякстаф, максфоль колхозти хозяйственнай нуждатнень алу, а сяльде машфтфоль. Приходсь путф одукс. Службась мольфтевсь васенда ладяф помещенияса, меле ульсь строяф кевонь од храм, кона святиндаф ингольдень лемонц коряс – Михаило-Архангельскяй[2].
Эряйхне
- Национальностьс коря
2002-це кизонь эряйхнень лувксснон Всероссийскяй одукс сёрмадомать коряс эряйхнень эзда мокшетнень лувкссна пачкоткшнесь 87 %[6]
2025-це кизонь 1-це октябрти Волгаеле велеса эряй 294 ломань, сяконь лувксса 6-це кизоти самс шабада — 9 ломатть, 7 кизоста сявомок 17 кизосотненди молемс подросткат (школьникт) - 14 ломань, 18 кизоста сявомок 29 кизоти молемс од ломатть — 35 ломань, 30 кизоста сявомок 60 кизос молемс оцю ломатть — 135 ломань, 60 кизоста сявомок сире ломатть — 85 ломань, а Волгапеле велеса 80 кизнь вельф эряйда — 16 ломань[7].
Лятфтамат
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya
- ↑ село Волгапино (рус.). Пиродное и культурное наследие Мордовии. Дата обращения: 14 октябрьста 2025.
- ↑ Численность и размещение населения Республики Мордовия. Итоги Всероссийской переписи населения 2010 года.
- ↑ Численность и размещение населения Республики Мордовия. Итоги Всероссийской переписи населения 2010 года.
- ↑ https://rosstat.gov.ru/vpn/2020/Tom1_Chislennost_i_razmeshchenie_naseleniya.
- ↑ Коряков Ю. Б. База данных «Этно-языковой состав населённых пунктов России». Дата обращения: 14 октябрьста 2025. Архивировано 11 майста 2021 года.
- ↑ Население села Волгапино Ковылкинского района Республики Мордовия (рус.). Статистика России и мира 2025. Дата обращения: 14 октябрьста 2025.
Литературась
- Церкви, причты и приходы Пензенской епархии. — Пенза, 1896. — С. 88.;
- Пензенская епархия: историко-статистическое описание. — Пенза, 1907. — С. 147.;
- Жизнеописание труженика раба Божия Флегонта Островского. — Москва, 1915.;
- Бахмустов С. Б. Православные приходские храмы Мордовии, Словарь-справочник. — Саранск: Респ. тип. «Красный Октябрь», 2015. — ISBN 978-5-7493-1817-3.;
- Мокшин Н.Ф. Фотолетопись мордовкого села (100 лет из жизни села Волгапино: этнограф. фотоальбом. — Саранск, 2009. — 200 с. — ISBN 978-5-7493-1360-4..