Борин, Иван Андрианович

Иван Андрианович Борин
Иван Андрианович Борин
Шачема шиц	17-це январьста 1908-це кизоня
Шачема; вастоц	Подверниха (Ташто Шайгабуе)[d], Инсарскяй уездсь[d], Пензенскяй губерниясь[d], Россиянь империя[d];
Кулома шиц	22-це январьста 1966-це кизоня (58 кизоц)
Кулома; вастоц	Саранск ошсь, РСФСР, СССР;
Принадлежностсь	СССР
Войскань родсь	артиллеррия[d]
Служама кизонза	1941—1945
Званияц
Частец	7-й гвардейский кавалерийский полк 2-й гвардейской кавалерийской дивизии
Должностец	орудиянь командир
Сражениятне/войнатне	Великай Отечественнай война;

Ива́н Андриа́нович Бо́рин (1908—1966) — советскяй военнослужащяй. Великай Отечественнай войнаса улись. Советскяй Союзонь Герой (1945). Гвардиянь старшай сержант.

Эряфонь киц

Иван Андрианович Борин шачсь 25-це январьста 1908-це кизоня Пензенскяй губерниянь Инсарскяй уездонь Подверниха веленяса (тяни — Мордовия Республикань Сире Шайгав аймаксь) сокаень-видиень семьяса. Руз. Аделазе начальнай школать. Военнай службас тердемда инголе покодсь колхозса.

25-це декабрьста 1941-це кизоня И. А. Боринонь Мордовскяй АССР-нь Сире Шайгав аймаконь военкоматсь тердезе Покодиень-сокай-види Якстерь Армияв. Сон шумордазе младшай командиронь школать. Немецко-фашистскяй захватчикнень каршес младшай сержантсь И. А. Борин 1942-це кизонь августста сявомок тюрсь Западнай фронтса 16-це армиянь 1-це гвардейскяй кавалерийскяй корпусонь 2-це гвардейскяй кавалерийскяй дивизиянь 7-це гвардейскяй кавалерийскяй полкса. Фкя васенце бойхнень пингста Жиздра ошть ала немецонь контрнаступлениять кирдемста 14-це августста 1942-це кизоня Иван Андрианович няфтезе инь оцю воинскяй маштомашинц и афкуксонь героизманц. Врагсь полконь эскадронть каршес ёрдась кафта пехотань батальотт танкатнень лезксснон мархта. Путомок орудиять панжада позицияс, И. А. Борин врагть бронетехниканц и сонь толонь точканзон ланга панчсь оцюдонга оцю тол. Цебярьста покодемста и кемешинь няфтемста Боринонь расчётоц кирдсь колма немецонь контраатка, машфтсь кафта средняй танка, 12 станковай пулемёт и пехотань взвод.

Февральста 1943-це кизоня Иван Андрианович тюрсь Харьковть инкса Колмоце битваса. 1-це гвардейскяй кавалерийскяй корпуссь Воронежскяй фронтть 6-це армиять потмос сувамста Харьков ошть ала ащесь каршек немецко-фашистскяй войскатнень контрударснон ала, кемокстамок Северскяй Донец ляйть маласа. 7-це гвардейскяй кавалерийскяй полконь эскадроттне Сире Салтов велеть маласа 21-це мартста 1943-це кизоня ульсть атаковадондафт кафта батальононь вражескяй пехотань оцю вийса, конанди нинге лездсть 6 танкат и сонць моли артиллерийскяй установкат. Кяшемок эсь орудиянц кустокснень потмос, И. А. Борин гвардиянь сержантсь противникть лангс нолдась тол. Кирдемок сисем вражескяй контратака, машфтсь 2 стака танка, 1 САУ, 6 миномёт, 4 станковай и 3 кядень пулемёт, 6 автомашина, боеприпас мархта 9 крандаз и 50-шка вермахтонь солдатта и офицерда, мезть вельде лездсь кирдемс васттнень, конатне заняфольхть кавалеристтнень мархта. Кизонда 1943-це кизоня Иван Андрианович тюрсь Юго-Западнай фронтонь Донбасскяй операцияса.

Сентябрьть омбоце пялестонза 1-це гвардейскяй кавалерийскяй корпуссь тага сувась Воронежскяй фронтти (1943-це кизонь 20 октябрьста сявомок — 1-це Украинскяй фронтти). И. А. Борин гвардиянь сержантсь эсь подразделениянц составсонза тюрсь Днепрать инкса битваса и ляйть виде трвасонза ащи плацдармать инкса бойхнень эса. 7-це октябрьста 1943-це кизоня 2-це гвардейскяй кавалерийскяй корпусть пяльксонза ётасть Днепр ляйть туркс Окуниново[1] велеть маласа, а 9-це октябрьста сонь 7-це гвардейскяй кавалерийскяй дивизияц ётась Тетерев ляйть туркс и сявозе Затонск[2] велеть. 10-це октябрьста 1943-це кизоня корпуссь 2-це и 7-це гвардейскяй кавалерийскяй дивизиятнень вийснон мархта 7 вайгяльбети молемс келептезе сявф плацдармать потмоти. Немецне ёрдазькавалеристтнень каршес 7-це и 8-це танковай дивизиянь пялькснень. Затонскяйть ала пяк стака бойса гвардиянь сержантсь И. А. Борин, тюремок пяк и пяк стака условияса вирень-шяень вастса, плхтась бронетранспортёр, машфтсь «Пантера» 2 немецонь танка, 4 миномёт, 3 станковай и 6 кядень пулемёт, 1 75-миллиметровай пушка и 40 солдат. 8-це ноябрьста 1943-це кизоня Калиновка велеть инкса тюремста Иван Андрианович лездсь кирдемс вражескяй контратакать. Нолдамок немецонь танкатнень мала вастс, сон васенце ляцемаса машфтозе головной средняй танкать, мезенкса лядыкснень вихцода заставазень потамс меки. Сяльде, немецонь пехотать ланга оцю толонь вятемста, машфтсь 50-ти молемс вражескяй солдатта и офицерда. 1943-це кизонь кампаниять гвардиянь сержантсь И. А. Борин шумордазе Житомир ошть инкса тюремста. Ошенкса ульцянь бойхнень эса сонь расчётоц плхтась 1 средняй танка и боеприпаснень мархта 3 машина, машфтсь 4 пулемётнай точкада и 20-да лама немоцонь солдатта.

Тялонда — тунда 1944-це кизоня Иван Андрианович эсь подразделениянц составсонза тюрсь Правобережнайй Украинать инкса (Ровно-Луцкая операциясь). Теенза мяляфтовикс лядсь бойсь Червоноармейск станциять инкса. Вражескяй бронепоездсь, станцияса ащемста, вятсь оцю тол моли советскяй часттнень ланга. 45-миллиметровай пушкати коданга ашезь машфтов вражескяй техникась, но тя изь лоткафта Боринонь, гвардиянь сержантть. Эряфонь апак ужяльтть сон путозе эсь орудиянц панжада позицияс и цебярьста ляцемста машфтозе бонепоездть пушкать стволонц, мезьса заставазе вражескяй машинать курокста тумс бойста. Станцияса Боринонь расчётоц тяфта жа машфтсь 1 САУ, 2 37-миллиметровай пушка, 2 боеприпас махта тягачта и 20 немецонь солдатта. 29-це февральста 1944-це кизоня Гнидава[3] велеть инкса тюремста Стырь ляйть кержи трвасонза Иван Андрианович няфтсь «эсь прянь апак ужяльдемань, отвагань и мужествань исключительнай образецт», машфтомок 1 средняй танка, 3 станковай и 2 кядень пулемётта и 20-да сяда лама немецонь солдатта.

И. А. Боринонь тюремань киц поладовсь Львовско-Сандомирскяй операцияса, конань пингста сонь расчётоц пяк цебярьста няфтезе прянц немецонь группировкать машфтомста, кинедемок Броды ошть ала. Противниксь, котёлть эзда лисемс ёрамста, тиендсь контратакат. 19-це июльста 1944-це кизоня немецонь солдатонь группати маштовсь ётамс Боринонь орудиянь позициянц и кинедемс сонь, но артиллеристтне панчсть противникть ланга оцю тол и шуроптозь вражескяй автоматчикнень. Иван Андрианович ранендафоль, но сякокс командовась орудиять лангса. Аф нолдамок немецнень эсь вастсонза ащезь, сон расчётонц мархта машфтсь 1 танка, 3 стака артиллерийскяй орудия мархта тягачта, 3 машинада, боеприпас и военнай парши мархта 12 крандаста. Врагсь юмафтсь 20 ломань. Нинге 5 немецонь солдаттне максозь эсь пряснон пленц. Августть песта 1944-це кизоня Чехословакиять восточнай райононзон эса ушедсь фашисттнень каршес восстаниясь. Ёрамок лездомс тюрихненди, советскяй командованиясь нюрьхкяня пингста ётафтозе Карпатско-Дуклинскяй операциять. Гвардиянь сержантсь И. А. Борин 7-це гвардейскяй кавалерийскяй полкть фкя эскадронть составсонза примась участие корпусонь частень рейдса противникть тылонзон ланга. Поляны словацкяй велеть ( Требишов районць) инкса тюремста сонь расчётоц няфтезе эсь прянц геройскяйкс. Пандонь-вирень вастонь условияса врагонь оцю артиллерийскяй и миномётнай тол ала Иван Андрианович эсь боецнзон мархта машфтсь 1 САУ, 3 75-миллиметровай пушка, 4 81-миллиметровай миномётта и 25-шка немецонь солдатта, мезть вельде лездсь пяшкодемс эскадронть инголе ащи боевой задачать. Бойхнень эса прянь цебярьста няфтеманкса И. А. Борин ульсь арась гвардиянь старшай сержантокс.

Од 1945-це кизось ушедсь оцюдонга оцю Висло-Одерскяй операциять ётафтоманц эзда, конань пингста Якстерь Армиясь тись мзярошка в рамках которой Красная Армия фронтовой операция. 1-це Украинскяй фронтонь Сандомирско-Силезскяй операциять молемста Вярдень Силезиянь Эренфорст[4] ошкять инкса тюремста 24-це январьста 1945-це кизоня орудиянь толса гвардиянь старшай сержантсь И. А. Борин машфтсь 4 станковай и 2 кядень пулемётта, автомашина и 20-шка немецонь солдатта и офицерда. 31-це январьста 1945-це кизоня, курокста орудиянц Одер ляйть туркс ётафтомста, старшай сержантсь Борин машфтсь 4 врагонь толонь точка, конат ащесть перяфксокс эскадронть инголи молемасонза. Бойса плацдармать кирдеманкса Бергкирх[5] эряма вастть маласа, мзярда ранендафоль наводчиксь, Иван Андрианович сонць кярьмодсь орудияти. Стака бойса Боринонь расчётоц кирдсь ниле врагонь контратака, машфтсь 4 станковай и 6 кядень пулемётта и 20-да лама вермахтонь солдатта. Февральста — мартста 1945-це кизоня гвардиянь сержантсь И. А. Борин ульсь 1-це Украинскяй фронтонь Нижнесилезскяй операцияса. Эсь прянц пяк цебярьста няфтезе Берлинскяй операцияса.

16-це апрельста 1945-це кизоня Якстерь Армиянь войскатне ётасть наступленияс Берлин ошть лангс. Операциять молемста гвардиянь старшай сержантсь И. А. Борин покодсь боевой эскадроттнень видеса, шавомок врагть 57-миллиметровай орудиянь толса, лездсь эсь полконцты ётамс инголи. 21-це апрельста 1945-це кизоня Ортранд ошть инкса тюремста Иван Андрианович эрямань вастть маласа матозе врагть кафта станковай пулемётть толонц, лездомок кавалеристтненди сявомс взятие тя ошть. Ульцянь бойса тюремста сонь расчётоц машфтсь паровоз, 4 автомашина и боеприпас мархта фкя крандаз, матсь 6 немецонь толонь точка, шавомок 20-шка немецонь солдатта. 24-це апрельста 1945-це кизоня Эльба ляйть туркс ётамста Кляйнцадель (Kleinzadel) эрямань вастть маласа Майсен ошть эзда северо-западть шири 5-шка вайгельбе стяфтозе эс орудиянц на восточнай трвать крайсонза и вятсь прицельнай тол врагть толонь средстванзон ланга, конат ащесть западнай ляй трваса, тяфта сон лездсь ётамс ляйть туркс. Гвардиянь старшай сержантсь Борин васенцекс эсь батареясонза ётафтозе орудиять сявф плацдармать лангс. Бойхнень пингста сонь кирдемстонза машфтсь 5 пулемётнай точка, 7 горючай мархта автомашина и 20 малава вражескяй солдатта.

Войнать Иван Андрианович шумордазе Чехословакияса Пражскяй операциять вятемста.

За образцовое выполнение боевых заданий командования на фронте борьбы с немецкими захватчиками и проявленные при этом отвагу и геройство указом Президиума Верховного Совета СССР от 27 июня 1945 года гвардии старшему сержанту Борину Ивану Андриановичу было присвоено звание Героя Советского Союза с вручением ордена Ленина и медали «Золотая Звезда» за номером 2861[6].

После окончания войны И. А. Борин вернулся в родное село. Работал в колхозе «Путь Ленина». После выхода на пенсию по состоянию здоровья переехал в Саранск, жил на Посопе. Скончался 22 января 1966 года[6]. Похоронен в Саранске.

Казненза

«Зрнянь тяште» медаль (27.06.1945).
Ленинонь орден (27.06.1945).
Отечественнай войнань 1-це степенень орден (18.05.1945).
Славань 3-це степенень орден (29.03.1944).
Якстерь Тяште орден (06.05.1945).
Медальхть,синь лувкссост «Отваганкса» медаль (13.02.1944).

Лятфнематне

Советскяй Союзонь Героень И. А. Боринонь лемс лятфтамань седяфсь путф Саранск ошса Посопса ся вастса, коса инголи ащесь сонь кудоц.

Советскяй Союзонь Геройть И. А. Боринонь колга лятфнеманди Саранск ошса Иркутскяй курось и Иркутскяй переулкась одгакс лемтьфт И. А. Боринонь лемса курокс.

Лятфтамат

Окуниново велесь ащесь Украинаса Черниговксяй областень тяниень пингонь Козелецкяй аймаконь эряма вастса. находилось на территории современного Козелецкого района Черниговской области Украины. Тяни ваяфтф Киевскяй водохранилищаса.

Затонск велесь ащесь Тетерев ляйть види (южнай) трванц лангса аф ичкозе Киевской областень Вышгородскяй райононь тяниень пингонь Пылява велеть эзда. Тяни ваяфтф Киевскяй водохранилищаса.

Тяни Луцк ошть районоц.

Тяни Польскяй Республикань воеводстваса Нижнесилезскяй повятса Гура Гурувскяй гминца Славенцице велесь.

Ныне село Славикув в гмине Рудник Рацибурского повята Силезского воеводства Польской Республики.

Иван Андрианович Борин. «Герои страны» сайтсь.

Литературась

Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382. Геройская быль: очерки и зарисовки о Героях Советского Союза — уроженцах Мордовии / сост.: В. С. Ионова, А. Д. Ширяев; под ред. М. П. Глебова. — Саранск: Мордовское кн. изд-во, 1985. — С. 57—60. — 376 с.

Документтне

Общедоступный электронный банк документов «Подвиг Народа в Великой Отечественной войне 1941—1945 гг.» Архивировано 13 марта 2012 года. № в базе данных 150003924. Архивировано 16 мая 2013 года., 46806713. Архивировано 16 мая 2013 года., 46807511. Архивировано 16 мая 2013 года., 40805784. Архивировано 16 мая 2013 года., 21255238. Архивировано 16 мая 2013 года., 43947692. Архивировано 16 мая 2013 года., 21095694. Архивировано 16 мая 2013 года.

Ссылкатне

И.А. Борин на www.az-libr.ru. И.А. Борин на сайте Саранск и Мордовия. И. А. Боронин на сайте «Победа». Архивировано 16 мая 2013 года.